Vèsè popilè nan Bib la ki soti nan Yohana 13

Pataje

Ntsinguvapelani amuli ntsipya mwigane henye kwa henye. Kota heni fyo ntsivaganite henye, henye nanye mwiganaje henye kwa henye. Manyi mwigane, vanu veka vakutsela kuta henye muli vadahitswa vangu.”

Ihyo manyi heni ntsi Mutwa venyu na Mudahitsi venu ntsivakalifye henye magulu, mun'ganika na henye mwikalafyaje magulu. Heni ntsivalaje muhwano kuta mun'ganika kudita kota hila fyo ntsivaditye henye.

Yesu akamujibulaje, “Sambihano sukuchitsela chila chontsin'dita, lechelelo ukutsela kulutalo.”

Ntsinguvalonjela wukweli kuta, mupogotsi si avaga muvina kulutila mutwa vake, na kahi yo antumwa si avaga muvina kulutila yula yo amutumile.

Lelo kwakuva mutsitselye ndongwa itso, mukutambichilwa na Mulungu manyi mukutsidita.

Ihyo akalekaje kulya chilyo akawukaje kuhuma hono hala, akawopolaje mugolole gwake, akategulaje chitambala chikomi cha kipatila malenga mu muvili, akipinyaje muchigudi. Kaha akahumitsaje malenga mulibakuli likomi na kwantsa kuvakalafya vadahitswa vake mu magulu na kuvapata malenga kwa chitambala chila cho avaga ipinyile muchigudi.