Vèsè popilè nan Bib la ki soti nan Matayo 2

Pataje

Vakinjilaje mu nyumba, vakamuwonaje mwana hamwe na Maliyamu yuve, vakamuhonamilaje mwana. Kahi vakagubulaje fifunje fyawo na kutawula madini ga tsahabu, wubani hamwe na madini ga fwetsa.

Iho Yesu ho avaga kuleleka ku muji gwa Beselehemu ya Wuyawudi, chipindi cha wutavala wa muntsajila Helode, luvala lulo mwana hoavaga kuleleka, vanu vanya ntselo tsa nyenyetsi wo vahumye lubali lwa kuwuhumilo wa litsuva, vakafikaje ku muji gwa Yelusalemu, Vakaputsaje kuta, “Mbe, alikwiya yo aleliche, yo muntsajila va Vayawudi? Kwasawuli tuyiwene nyenyetsi yake lubali lwa kuwuhumilo wa litsuva, na hetwe tutsitse kumuhonamila.”

Vavaga kuyiwona nyenyetsi yila, vakahechelelaje ndala hela.

Nawo ho vavaga kufundwa na Mulungu kukolela mu mbilo kuta valeche kuwuya kwa muntsajila Helode, vakawuyaje kwawo kukolela ng'asi yinji. Vanu iwo ho vavaga kuwuka, mutantsi va Mutwa akamuhumilaje Yusufu mu mbilo, akamulonjelaje, “Winuche, Mutole mwanago hamwe na yuve, muchimbilile kuinyi ya Misili, mukikale kuko mbaka ho ngukulonjela muwuye, kwasawuli muntsajila Helode an'gana kumukopola uyo mwana.”