Vèsè popilè nan Bib la ki soti nan Rom 5

Pataje

Nono yoba mabunono yegl ta paikrukwa ba God mabunomo pai pere edugwa. God ye Krais dedugo, u nono pre goglkwa i, nono yoba wakai mungo, u goglkrukwa. Tadaglme yoba mogl pai mungo, ye u nono pre goglkwa. God ye Krais nono ere inabedi dedumara i mina ye nono tadaglme yoba dem muduo podo norukwa i, i nogugl edugo, kamga.

Te, nono okuo God bogl wakai kaima moramnedi pre gi dumga i, u yoko ta enan, kide pramga mere yegl ta manugwa. Nono ka kaima ye bogl akie aimadi kamun wakai moramga i, nogugl paugwa. Nogugl paugwa i siragl pre God ye dem muduo siragl mere norukwa i, i nogugl ede kodugwa. Ye Mudu Murubuglo noruko, Mudu Murubuglo nono deno muduno mina kogon ersre, God dem muduo podo kide norukwa i, i nogugl ede norukwa.

Ana nono okuo God bogl akie moramga i pre gun yedre, te nono erme makandigle mogl, yubun yumga i ama gun podo yenamga. I siragl pre nono pre kan erumga i, nono yubun yumnara i, nono si gigledi norukwa. Yubun kane kane umara i, nono si gigledi noruko,yobuglo idre, kaglno mina adigl munga. Te, nono kaglno mina adigl munga igne, nono okuo God bogl wakai kaima moramnedi prumga ikra ama u gigle dugwa.

Ana nono Jisas pre medunara swara i mina God nono yoba du meglmedi kan kodugwa. Yegl pre nono okna God kudamo ikne munga i, erme moglkrumga. Nono Yaglno Kade Jisas Krais kogon erumara i mina nono erme God bogl deno muduno swara yomga. Te, nono erme munga i, God nono ere kide erekre, yoko kaima ere wakai ere norumara i mina atne kra mogl kodumga. Mogl kodumga i, nono Jisas pre medungo, ye konbauna yauro norumara i mina nono ede suna pidre, munga. Moglsre te, nono okuo God abuglagemo podo sumara ye bogl akie wakai kaima moramga i, kaima yegl moramnedi prisre, gun podo yomga pre diga.

Ana prio. Nono okna meda kaima mogl, ede God moglmara enamga i, konbaunano ta yeikrukwa igne, Krais u nono God mokono tomga yoba munga i, ere inagledi goglkwa.

Ana nono erme pre pogl sinamga. Jisas ye bormaimo suru edidre, goglmara i, God ye nono yoba du meglmedi kan kodugwa. Yegl pre okuo God kor dem kubro noro, ka tage norabo? Ta manabuka. Jisas kogon erumara i mina nono ere i kodugwa pre nono okuo ka tage norabuka i ta kuno erekrabuka.

I siragl pre yagl swara ta God kamo sedumara yoba mere kide ede u tadaglme yoba pi meglkwa ba yagl swara ta God kamo duglo boglsre, kogon erumara i mina yoba mere kide God gumuglo mina yoba du moraiglkwa.

Yegl paugo, te nono Yaglno Kade Jisas Krais kogon erumara i mina nono erme God bogl deno mudu swara yei, akie munga i pre nono erme God gun yei tenamga.