Vèsè popilè nan Bib la ki soti nan ᐅᐸᓓᑭᔅ ᒫᑎᐤ 19

Pataje

ᒫᑲ ᒋᓴᔅ ᐁ ᑲᓇᐙᐸᒫᑦ, ᑮ ᐃᑌᐤ, ᐅᒣᓕᐤ ᐋᑕᐎᑖᐗᒃ ᐃᓕᓕᐗᒃ, ᒫᑲ ᒥᓯᐌ ᑫᒀᓇ ᐌᑕᓂᓕᐤ ᑭᒋᒪᓂᑐ᙮

ᐁᐗᑯ ᐅᒋ ᓇᒪᐎᓚ ᑫᔮᐸᒡ ᓂᔑᐗᒃ, ᒫᑲ ᐯᔭᑯ ᐎᔮᓯᐗᒃ᙮ ᐊᓂᐃ ᒫᑲ ᑳ ᐎᑭᑐᐋᑦ ᑭᒋᒪᓂᑐ, ᐁᑳᐎᓚ ᐃᓕᓕᐤ ᑲᑕ ᐹᑳᓂᐁᐤ᙮

ᐁ ᓇᔥᑴᐗᔑᐋᑦ ᒫᑲ, ᑮ ᐃᑌᐤ, ᓇᒪ ᓈ ᑭ ᑮ ᐅᒋ ᐋᔭᒥᑖᓇᐗᐤ, ᐊᓇ ᓃᔥᑕᒻ ᑳ ᐅᔑᐋᑦ, ᑮ ᐅᔑᐁᐤ ᓈᐯᐗ ᓀᔥᑕ ᐃᔅᑴᐗ, ᐁ ᑮ ᐃᑗᑦ ᒫᑲ, ᐁᐗᑯ ᐅᒪ ᐅᒋ ᐃᓕᓕᐤ ᑫ ᓇᑲᑖᑦ ᐅᑖᐎᔭ ᓀᔥᑕ ᐅᑳᐎᔭ, ᑲᑕ ᐎᑭᒣᐤ ᒫᑲ ᐎᐗ; ᐅᑯ ᒫᑲ ᐁ ᓂᔑᒋᒃ ᑫ ᐯᔭᑯ ᐎᔮᓯᒋᒃ᙮

ᒫᑲ ᒋᓴᔅ ᑮ ᐃᑗᐤ, ᐃᓕᓈᑯᒃ ᐋᐱᔅᑕᐙᔑᔕᒃ, ᐁᑳ ᒫᑲ ᑭᑕᐊᒫᑯᒃ ᑭᒋ ᐯᒋ ᓈᔑᒋᒃ; ᐌᓴ ᐁᑯ ᑐᐎ ᑭᒋᑭᔑᑳᐎ ᐅᑭᒫᐎᐎᓇᒃ ᑳ ᐃᑖᒋᒃ᙮

ᒫᑲ ᒥᒉᑦ ᑳ ᓂᔥᑕᒻ ᐃᑌᓕᑖᑯᓯᒋᒃ, ᑲᑕ ᒫᒋᒡ ᐃᑌᓕᑖᑯᓯᐗᒃ, ᓀᔥᑕ ᑳ ᒦᒋᒡ ᐃᑌᓕᑖᑯᓯᒋᒃ ᑲᑕ ᓃᔥᑕᒻ ᐃᑌᓕᑖᑯᓯᐗᒃ᙮

ᒥᓯᐌ ᑕᑐ ᐊᐌᓇ ᒫᑲ ᑳ ᑮ ᓇᑲᑕᒃ ᐙᔅᑳᔨᑲᓇ, ᓀᔥᑕᐱᑯ ᐎᒋᔖᓇ, ᓀᔥᑕᐱᑯ ᐎᒋᔖᓂᔅᑴᒪ, ᓀᔥᑕᐱᑯ ᐅᑖᐎᔭ, ᓀᔥᑕᐱᑯ ᐅᑳᐎᔭ, ᓀᔥᑕᐱᑯ ᐅᑦ ᐊᐙᔑᒥᔕ, ᓀᔥᑕᐱᑯ ᐅᑦ ᐊᔅᑭ, ᓂᑦ ᐃᔑᓂᑲᓱᐎᓂᓕᐤ ᐅᒋ, ᑲᑕ ᒥᓚᐤ ᒥᑖᑐᒥᑕᓇᐗᐤ ᐃᔥᐱᔥ, ᑲᑕ ᐋᔭᐤ ᓀᔥᑕ ᑳᑭᑫ ᐱᒫᑎᓯᐎᓂᓕᐤ᙮

ᒋᓴᔅ ᑮ ᐃᑌᐤ, ᑮᔥᐱᓐ ᐙ ᒥᑐᓂᐎᓯᐗᓀ, ᓇᑕᐎ ᐊᑖᐗᑫ ᐊᓂᒪ ᑳ ᐋᔮᔭᓐ, ᒥᓕᒃ ᒫᑲ ᐅᑭᑎᒫᑭᓯᐗᒃ, ᐁᑯ ᑫ ᐋᔮᔭᓐ ᐌᓗᑎᓯᐎᓐ ᑭᒋᑭᔑᑯᒃ; ᐯᒋ ᐃᑐᑌ ᒫᑲ ᑭᒋ ᓄᔅᐱᓇᔑᔭᓐ᙮

ᑮ ᐃᑗᐤ ᒫᑲ, ᑖᓀᑭ ᐌᒋ ᒥᓗᑣᐤ ᐃᔑᔭᓐ? ᓇᒪᐎᓚ ᐊᐌᓇ ᒥᓗᑡᐤ, ᐯᔭᒃ ᐱᑯ, ᐁᐗᑯ ᑭᒋᒪᓂᑐ: ᒫᑲ ᑮᔥᐱᓐ ᐙ ᐱᑐᑫᐗᓀ ᐱᒫᑎᓯᐎᓂᒃ ᑲᓇᐌᓕᑕ ᑲᑫᔅᑴᐎᓇ᙮

ᒥᓇ ᒫᑲ ᑭᑦ ᐃᑎᓇᐗᐤ, ᐊᐙᓯᑌ ᐌᑕᓂᓕᐤ ᑳᒥᓪ ᑭᒋ ᔖᐳᑕᐌᔥᑲᒃ ᐁ ᐅᔥᑭᔑᑯᐗᓂᓕᒃ ᔖᐴᓂᑲᓂᓕᐤ, ᐃᔥᐱᔥ ᒥᔕᑭᓯᐎᓕᓕᐤ ᑭᒋ ᐱᑐᑫᐙᑦ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᒃ᙮

ᑭᑦ ᐃᑎᓇᐗᐤ ᒫᑲ, ᐊᐌᓇ ᑫ ᐌᐱᓈᑴ ᐎᐗ, ᐱᑯ ᑖᐺ ᐱᔑᒀᑎᓯᐎᓂᓕᐤ ᐅᒋ, ᑯᑕᑭᔭ ᒫᑲ ᑫ ᐎᑭᒫᑴ, ᑐᑕᒻ ᐱᔑᒀᑎᓯᐎᓂᓕᐤ: ᓀᔥᑕ ᒫᑲ ᐊᐌᓇ ᐎᑭᒫᑴ ᐊᓂᐃ ᑳ ᐌᐱᓂᒥᒋ, ᑐᑕᒻ ᐱᔑᒀᑎᓯᐎᓂᓕᐤ᙮

ᐁᑯ ᒋᓴᔅ ᐁᑖᑦ ᐅ ᑭᔅᑭᓄᐊᒪᐙᑲᓇ, ᑖᐺ ᑭᑦ ᐃᑎᓇᐗᐤ, ᒥᔕᑭᓯᐎᓕᓕᐤ ᐊᑳᐙᒡ ᑲᑕ ᐱᑐᑫᐤ ᑭᒋᑭᔑᑳᐎ ᐅᑭᒫᐎᐎᓂᒃ᙮