Ezayi 51
51
Pawòl ankourajman pou Siyon
1Men sa Senyè a di:
— Nou tout ki dèyè delivrans lan,
nou tout k'ap chache Senyè a,
chonje rasin kote nou soti,
chonje ki pyebwa nou ye!
2Chonje #Eze 33.24 Abraram, zansèt nou an,
ak Sara, manman ki fè nou an!
Lè m te rele Abraram, li pat gen pitit.
Mwen beni l, mwen ba li anpil pitit.
3Mwen #Jen 2.8; 13.10; Eza 35.10 menm Senyè a, mwen pral gen pitye pou peyi Siyon an,
pou tout moun k'ap viv nan kay kraze li yo.
M'ap fè tout dezè li yo tounen jaden Edenn,
m'ap fè tout savann li yo vin jaden Letènèl
Se kè kontan, se fèt ase ki va gen la.
Y'a chante, y'a fè mizik pou di m mèsi.
4Nou #Sòm 78.1; Eza 2.3 menm pèp mwen, koute sa m'ap di nou:
Nou menm, nasyon yo, louvri zòrèy nou byen louvri!
Paske m'ap anseye prensip ki dwat,
y'a sèvi gid pou nasyon yo.
5Mwen #Eza 46.13 p'ap mize vin sove nou.
Talè konsa m'ap delivre nou.
Se mwen menm ki pral gouvènen nasyon yo.
Moun ki sou zile yo ap tann mwen vini,
y'ap tann mwen vin delivre yo.
6Leve #Mat 24.35; 2 Pyè 3.10; Rev 21.1 je nou gade syèl la! Voye je gade latè!
Syèl la pral disparèt tankou lafimen.
Latè pral fini tankou yon vye rad.
Moun ki rete sou latè pral mouri tankou mouch.
Men, delivrans m'ap ba yo a ap la pou tout tan.
Mwen p'ap janm bezwen delivre yo ankò apre sa.
7Nou #Sòm 37.31; Mat 10.28 menm ki konnen sa ki dwat, koute sa m'ap di nou.
Nou menm k'ap mache selon kòmandman mwen yo,
nou pa bezwen pè lè moun ap trennen nou nan labou.
Nou pa bezwen tranble lè moun ap joure nou.
8Moun sa yo pral disparèt tankou rad sizo ap devore.
Yo pral fini tankou twal kanni.
Men delivrans m'ap ban nou an ap la pou tout tan.
Pitit pitit nou yo p'ap janm nan ka pou mwen delivre yo ankò.
9Leve #Sòm 44.1; 89.10; Eza 27.1; 52.1; Lik 1.51 non, Senyè! Leve non!
Mete kouraj ou sou ou, Senyè!
Leve non, tankou nan tan lontan,
jan ou te fè l' la sou tan zansèt nou yo!
Apa ou menm ki te krabinen Raab, gwo dragon lanmè a, pakanpak?
Apa ou menm ki te pèse gwo dragon lanmè a? #51.9: Raab ak gwo dragon lanmè a: Dapre kwayans jwif yo, Raab se non yon gwo vye bèt lanmè ki te reskonsab tout malè, tout melimelo k'ap rive sou latè. Yo te konn sèvi ak non sa a tankou yon non daki pou peyi Lejip. Gwo dragon lanmè a menm, se te yon gwo koulèv ki te viv nan fon lanmè. Li menm li te reskonsab tout dezòd ak tou mechanste k'ap fèt sou latè.
10Se #Egz 14.21 ou menm ki te cheche dlo lanmè a.
Se ou menm ki te louvri yon chemen nan mitan lanmè a
pou moun ou t'ap delivre yo te ka pase.
11Moun Senyè a delivre yo ap tounen lakay yo.
Y'ap rive sou mòn Siyon an ak chante nan bouch yo,
ak kontantman sou figi yo.
Y'ap gen yon sèl kè kontan ki p'ap janm fini.
P'ap gen lapenn ankò, p'ap gen plenyen ankò.
Se va fèt, se va kè kontan pou tout tan.
12Senyè a #Sòm 118.6; Eza 40.1,6; 66.13 di:
— Se mwen menm k'ap ban nou kouray.
Poukisa pou nou ta pè moun ki la pou mouri,
moun ki gen pou pase tankou zèb nan savann?
13Gen lè ou bliye Senyè ki te fè ou la,
li menm ki te louvri syèl la epi ki te poze fondasyon latè a?
Poukisa tout lajounen w'ap tranble konsa
devan kòlè moun k'ap peze ou yo,
moun k'ap chache detwi ou yo?
Kisa kòlè moun sa yo ka fè ou?
14Talè #Eza 45.13 konsa, yo pral lage moun ki nan prizon yo.
Yo p'ap mouri nan kacho.
Y'a toujou jwenn dekwa pou yo manje.
15Se #Jer 31.35 mwen menm, Senyè a, ki Bondye ou la.
Mwen souke dlo lanmè a, mwen fè lanm lanmè yo gwonde.
Senyè ki gen tout pouvwa a, se konsa yo rele m!
16Mwen konfye #Eza 49.2; 59.21 ou pawòl mwen,
W'ap jwenn pwoteksyon anba zèl mwen,
M'ap fè yon syèl nouvo,
m'ap fè yon tè tou nèf.
M'ap di Siyon: Ou se pèp mwen.
Soufrans lavil Jerizalèm fini
17Leve #Eza 52.1; Jer 25.15; Zak 12.2; Mat 20.22; Mak 14.36 non, lavil Jerizalèm! Leve non!
Souke kò ou. Leve non!
Ou fin bwè gode chatiman Bondye te ba ou bwè nan kòlè li a.
Ou bwè dènye degout ki te nan gode a
jouk li fè tèt ou vire!
18Nanpwen #Sòm 74.9 yonn nan tout pitit li fè yo
ki la pou moutre l chemen pou l pran.
Pa gen yonn nan tout pitit li elve yo
ki la pou ba l men.
19De malè tonbe sou ou yonn dèyè lòt.
Ki moun ki ka plenn sò ou?
Yo ravaje peyi a, yo fini avè li.
Grangou ak lagè fin detwi moun yo.
Ki moun ki ka konsole ou?
20Nan #Lam 2.11,12 tout kwen lari, moun ou yo kouche atè san konesans.
Tankou bèt nan bwa, yo pran nan pèlen.
Kòlè Senyè a fè yo sou.
Bondye pa nan pale mete la.
21Se #Eza 54.11 poutèt sa, nou menm, moun lavil Jerizalèm ki nan soufrans,
koute pawòl sa yo byen,
Koute yo, nou menm ki sou tankou si nou te bwè.
22Senyè a, #Jer 50.34 Bondye nou an, pale.
Men sa Bondye k'ap pran defans pèp li a di:
— Mwen pral wete nan men nou gode mwen te ban nou bwè nan kòlè mwen an.
Nou p'ap gen pou nou bwè ankò nan gode k'ap fè nou sou a.
23M'pral #Eza 47.6; 52.2; Jer 25.17,26,28 mete gode a nan men moun ki t'ap maltrete nou yo,
moun ki t'ap di nou yo:
Plat atè non pou nou pase.
Lè sa a, se do ou ki te sèvi chemen. Se do ou ki te sèvi lari.
Chwazi Kounye ya:
Ezayi 51: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.
Ezayi 51
51
Pawòl ankourajman pou Siyon
1Men sa Senyè a di:
— Nou tout ki dèyè delivrans lan,
nou tout k'ap chache Senyè a,
chonje rasin kote nou soti,
chonje ki pyebwa nou ye!
2Chonje #Eze 33.24 Abraram, zansèt nou an,
ak Sara, manman ki fè nou an!
Lè m te rele Abraram, li pat gen pitit.
Mwen beni l, mwen ba li anpil pitit.
3Mwen #Jen 2.8; 13.10; Eza 35.10 menm Senyè a, mwen pral gen pitye pou peyi Siyon an,
pou tout moun k'ap viv nan kay kraze li yo.
M'ap fè tout dezè li yo tounen jaden Edenn,
m'ap fè tout savann li yo vin jaden Letènèl
Se kè kontan, se fèt ase ki va gen la.
Y'a chante, y'a fè mizik pou di m mèsi.
4Nou #Sòm 78.1; Eza 2.3 menm pèp mwen, koute sa m'ap di nou:
Nou menm, nasyon yo, louvri zòrèy nou byen louvri!
Paske m'ap anseye prensip ki dwat,
y'a sèvi gid pou nasyon yo.
5Mwen #Eza 46.13 p'ap mize vin sove nou.
Talè konsa m'ap delivre nou.
Se mwen menm ki pral gouvènen nasyon yo.
Moun ki sou zile yo ap tann mwen vini,
y'ap tann mwen vin delivre yo.
6Leve #Mat 24.35; 2 Pyè 3.10; Rev 21.1 je nou gade syèl la! Voye je gade latè!
Syèl la pral disparèt tankou lafimen.
Latè pral fini tankou yon vye rad.
Moun ki rete sou latè pral mouri tankou mouch.
Men, delivrans m'ap ba yo a ap la pou tout tan.
Mwen p'ap janm bezwen delivre yo ankò apre sa.
7Nou #Sòm 37.31; Mat 10.28 menm ki konnen sa ki dwat, koute sa m'ap di nou.
Nou menm k'ap mache selon kòmandman mwen yo,
nou pa bezwen pè lè moun ap trennen nou nan labou.
Nou pa bezwen tranble lè moun ap joure nou.
8Moun sa yo pral disparèt tankou rad sizo ap devore.
Yo pral fini tankou twal kanni.
Men delivrans m'ap ban nou an ap la pou tout tan.
Pitit pitit nou yo p'ap janm nan ka pou mwen delivre yo ankò.
9Leve #Sòm 44.1; 89.10; Eza 27.1; 52.1; Lik 1.51 non, Senyè! Leve non!
Mete kouraj ou sou ou, Senyè!
Leve non, tankou nan tan lontan,
jan ou te fè l' la sou tan zansèt nou yo!
Apa ou menm ki te krabinen Raab, gwo dragon lanmè a, pakanpak?
Apa ou menm ki te pèse gwo dragon lanmè a? #51.9: Raab ak gwo dragon lanmè a: Dapre kwayans jwif yo, Raab se non yon gwo vye bèt lanmè ki te reskonsab tout malè, tout melimelo k'ap rive sou latè. Yo te konn sèvi ak non sa a tankou yon non daki pou peyi Lejip. Gwo dragon lanmè a menm, se te yon gwo koulèv ki te viv nan fon lanmè. Li menm li te reskonsab tout dezòd ak tou mechanste k'ap fèt sou latè.
10Se #Egz 14.21 ou menm ki te cheche dlo lanmè a.
Se ou menm ki te louvri yon chemen nan mitan lanmè a
pou moun ou t'ap delivre yo te ka pase.
11Moun Senyè a delivre yo ap tounen lakay yo.
Y'ap rive sou mòn Siyon an ak chante nan bouch yo,
ak kontantman sou figi yo.
Y'ap gen yon sèl kè kontan ki p'ap janm fini.
P'ap gen lapenn ankò, p'ap gen plenyen ankò.
Se va fèt, se va kè kontan pou tout tan.
12Senyè a #Sòm 118.6; Eza 40.1,6; 66.13 di:
— Se mwen menm k'ap ban nou kouray.
Poukisa pou nou ta pè moun ki la pou mouri,
moun ki gen pou pase tankou zèb nan savann?
13Gen lè ou bliye Senyè ki te fè ou la,
li menm ki te louvri syèl la epi ki te poze fondasyon latè a?
Poukisa tout lajounen w'ap tranble konsa
devan kòlè moun k'ap peze ou yo,
moun k'ap chache detwi ou yo?
Kisa kòlè moun sa yo ka fè ou?
14Talè #Eza 45.13 konsa, yo pral lage moun ki nan prizon yo.
Yo p'ap mouri nan kacho.
Y'a toujou jwenn dekwa pou yo manje.
15Se #Jer 31.35 mwen menm, Senyè a, ki Bondye ou la.
Mwen souke dlo lanmè a, mwen fè lanm lanmè yo gwonde.
Senyè ki gen tout pouvwa a, se konsa yo rele m!
16Mwen konfye #Eza 49.2; 59.21 ou pawòl mwen,
W'ap jwenn pwoteksyon anba zèl mwen,
M'ap fè yon syèl nouvo,
m'ap fè yon tè tou nèf.
M'ap di Siyon: Ou se pèp mwen.
Soufrans lavil Jerizalèm fini
17Leve #Eza 52.1; Jer 25.15; Zak 12.2; Mat 20.22; Mak 14.36 non, lavil Jerizalèm! Leve non!
Souke kò ou. Leve non!
Ou fin bwè gode chatiman Bondye te ba ou bwè nan kòlè li a.
Ou bwè dènye degout ki te nan gode a
jouk li fè tèt ou vire!
18Nanpwen #Sòm 74.9 yonn nan tout pitit li fè yo
ki la pou moutre l chemen pou l pran.
Pa gen yonn nan tout pitit li elve yo
ki la pou ba l men.
19De malè tonbe sou ou yonn dèyè lòt.
Ki moun ki ka plenn sò ou?
Yo ravaje peyi a, yo fini avè li.
Grangou ak lagè fin detwi moun yo.
Ki moun ki ka konsole ou?
20Nan #Lam 2.11,12 tout kwen lari, moun ou yo kouche atè san konesans.
Tankou bèt nan bwa, yo pran nan pèlen.
Kòlè Senyè a fè yo sou.
Bondye pa nan pale mete la.
21Se #Eza 54.11 poutèt sa, nou menm, moun lavil Jerizalèm ki nan soufrans,
koute pawòl sa yo byen,
Koute yo, nou menm ki sou tankou si nou te bwè.
22Senyè a, #Jer 50.34 Bondye nou an, pale.
Men sa Bondye k'ap pran defans pèp li a di:
— Mwen pral wete nan men nou gode mwen te ban nou bwè nan kòlè mwen an.
Nou p'ap gen pou nou bwè ankò nan gode k'ap fè nou sou a.
23M'pral #Eza 47.6; 52.2; Jer 25.17,26,28 mete gode a nan men moun ki t'ap maltrete nou yo,
moun ki t'ap di nou yo:
Plat atè non pou nou pase.
Lè sa a, se do ou ki te sèvi chemen. Se do ou ki te sèvi lari.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.