Jeremi 25
25
Lènmi k'ap sòti nan nò a
1Senyè a te bay Jeremi yon mesay sou pèp peyi #2 Wa 24.1 Jida a, nan katriyèm lanne reny wa Jojakim, pitit Jozyas, nan peyi Jida. Lè sa a, Nebikadneza te nan premye lanne li depi li te wa peyi Babilòn. 2Men mesay pwofèt Jeremi te bay tout pèp peyi Jida a ak tout moun lavil Jerizalèm yo:
3— Depi #Jer 1.2 trèzyèm lanne reny wa Jozyas, pitit Amon, nan peyi Jida rive jòdi a, sa fè venntwazan depi Senyè a ap pale avè m, venntwazan depi m'ap pale ak nou san rete, nou pa vle koute m. 4Senyè a #2 Kwo 36.15; Jer 26.5 pa janm sispann voye pwofèt li yo, sèvitè l yo, ban nou. Men nou pa vle koute yo, nou derefize louvri zòrèy nou pou nou tande yo. 5Yo #Jer 7.7; 18.11 te di nou pou nou manyè kite vye chemen nou t'ap swiv yo, pou nou manyè sispann fè sa ki mal. Konsa, nou ta ka viv toujou nan peyi Senyè a te ban nou an, peyi li te bay zansèt nou yo pou tout tan tout tan an. 6Pwofèt #Jer 7.6; 32.30 yo di nou: Pa kouri dèyè lòt bondye, pa fè sèvis pou yo, pa mete ajenou devan yo. Pa sèvi zidòl nou fè ak men nou pou Senyè a pa fache. Konsa, si nou obeyi Senyè a li p'ap pini nou. 7Men, se Senyè a menm ki di sa, nou derefize koute l. Nou fè l fache ak zidòl nou fè ak men nou. Se konsa nou rale malè sou tèt nou.
8Se poutèt sa, men sa Senyè ki gen tout pouvwa a di: Paske nou pa koute m lè m pale nou, 9mwen #Eza 44.28; 45.1; Jer 1.15; 18.16; 27.6; Eze 29.18-20 pral voye chache tout moun nan nò yo ak sèvitè mwen Nebikadneza, wa Babilòn. Se mwen menm, Senyè a ki di sa. Mwen pral fè yo vin kraze peyi Jida a ak tout moun ladan li, ansanm ak tout peyi nan vwazinaj yo. Mwen pral detwi yo tout. M'ap fè yo tounen yon dezè ki va fè moun sezi, yon pil mazi pou tout tan. 10M'ap #Ekl 12.4; Jer 7.34; Rev 18.22,23 fè yo p'ap tande moun ap pran plezi yo la. Yo p'ap tande vwa moun ki gen kè kontan. Yo p'ap tande y'ap fete moun marye. M'ap fè p'ap gen grenn pou moulen, p'ap gen gaz pou lanp. 11Tout #2 Kwo 36.21; Jer 28.14; 29.10 peyi a pral kraze tounen mazi, yon dezè. Nasyon ki nan vwazinay yo pral sèvi wa Babilòn lan pandan swasanndizan. 12Apre #Eza 13.19; Jer 51.24,26,62 swasanndizan sa yo, m'a pini wa Babilòn lan ansanm ak pèp li a pou peche yo fè. Se mwen menm Senyè a ki di sa. M'ap detwi peyi moun Kalde yo, m'ap fè l tounen mazi pou tout tan. 13M'ap #Jer 46.1—51.64 voye sou peyi Babilòn lan tout malè mwen te di m'ap voye yo, tou sa pwofèt Jeremi te fè konnen nan non mwen sou nasyon yo, jan sa ekri nan liv sa a. 14Yo #Jer 27.7; 50.9,41; 51.27,28 menm tou moun Babilòn yo, anpil lòt nasyon ak gran wa va fè yo tounen esklav. M'ap fè yo peye pou tou sa yo fè.
Bondye ap jije tout nasyon yo
15Men #Jòb 21.20; Eza 51.17; Jer 51.7 sa Senyè a, Bondye pèp Izrayèl la, di m:
— Men yon gode plen diven kòlè Bondye nan men m. Pran li, pote l bay tout moun nan peyi kote m'ap voye ou yo pou yo bwè. 16Y'a #Jer 47.6 bwè, pye yo ap trese, y'a pèdi tèt yo lè y'a wè lagè m'ap voye nan mitan yo.
17Se #Eza 51.22,23 konsa, mwen pran gode a nan men Senyè a, mwen pote l bay tout moun nan tout peyi kote Senyè a te voye m lan, mwen fè yo bwè ladan l. 18Mwen #Jer 18.16; Zak 12.2 fè moun lavil Jerizalèm ak moun lavil Jida yo bwè ladan l ansanm ak wa yo, chèf yo, pou lavil yo ka tounen mazi, yon dezè pou moun mete men nan tèt lè yo wè sa, pou moun sèvi ak non yo pou bay madichon, jan y'ap fè l jouk kounyeya. 19Men #Jer 46.25 moun mwen fè bwè nan gode a tou: Farawon an, wa peyi Lejip la, ansanm ak sòlda li yo, chèf li yo ak tout pèp li a, 20tout #Eza 20.1; Jer 47.1,4,5; 50.37; Lam 4.21; Eze 30.5 ras moun ki rete bò solèy kouche yo ansanm ak tout wa peyi Ouz yo, tout wa nan peyi Filisti yo: wa lavil Askalon, wa lavil Gaza, wa lavil Ekwon, wa ki rete nan lavil Asdòd, 21moun #Jer 48.1-47; 49.1-22 peyi Edon, moun peyi Mowab ak moun Amon yo, 22tout #Eza 23.1,2; Jer 47.4 wa peyi Tir yo, wa peyi Sidon ak wa tout peyi ki lòt bò lanmè Mediterane a, 23moun #Eza 21.13; Jer 9.26; 49.8 lavil Dedan, moun lavil Teman ak moun lavil Bouz, ansanm ak tout moun ki koupe cheve nan tèt yo kout, 24tout wa peyi Arabi yo, tout wa ki rete nan dezè bò solèy kouche a, 25tout #Jer 49.34-39; 51.11 wa Zimri yo, tout wa Elam yo ak tout wa Medi yo, 26tout #Jer 50.9; 51.41 wa ki sou bò nò yo, sa ki lwen yo ak sa ki pre yo, yonn apre lòt. Tout nasyon ki sou latè gen pou bwè ladan l. Apre yo tout, se va tou pa wa lavil Babilòn #25.26: Babilòn: Nan tèks ebre a yo bay Sesak, yon non daki yo sèvi pou peyi Babilòn. Wè chapit 51.1,41. lan pou l bwè ladan l tou.
27Apre #Aba 2.16 sa, Senyè a di m konsa: W'a di yo men lòd Senyè ki gen tout pouvwa a, Bondye pèp Izrayèl la bay. Se pou yo bwè pou yo sou, jouk yo vonmi. Y'a tonbe, yo p'ap ka leve lè y'a wè lagè m'ap voye sou yo a. 28Si #Jer 49.12 yo ta rive refize pran gode a nan men ou pou yo pa bwè ladan l, w'a di yo: Senyè ki gen tout pouvwa a di wè pa wè se pou yo bwè l. 29Premye #Pwo 11.31; Eza 10.12; Am 3.2; 1 Pyè 4.17 kote m'ap konmanse fè malè, se va lavil yo mete apa pou mwen an. Atò, se nou menm ki pou pa ta resevwa pinisyon nou? Non, nou p'ap chape, paske mwen pral voye lagè sou tout moun sou latè. Se mwen menm, Senyè ki gen tout pouvwa a, ki di sa.
30Ou #Jij 9.27; Eza 16.10; Jowèl 3.16 menm, Jeremi, se pou ou fè yo konnen tou sa mwen di ou. W'a di yo:
— Senyè a rete anwo nan syèl la, l'ap gwonde.
Li rete nan kay ki apa pou li a, l'ap pale byen fò.
L'ap gwonde anwo pèp li a.
L'ap rele tankou moun k'ap kraze rezen.
Li move sou tout moun ki rete sou latè.
31Bri a #Eza 66.16; Oze 4.1 rive nan zòrèy moun toupatou sou latè.
Senyè a gen yon kont pou l regle ak nasyon yo.
Li rele yo tout nan tribinal.
L'ap fè touye tout moun ki antò.
Se Senyè a menm ki di sa.
32Senyè #Jer 6.22; 23.19 ki gen tout pouvwa a di:
— Malè a pral tonbe sou nasyon yo yonn apre lòt,
yon gwo van tanpèt ap moute sòti nan bout latè.
33Jou #Jer 16.4 sa a, depi yon bout latè rive lòt bout la,
se va kadav moun Senyè a pral touye.
P'ap gen pèsonn pou kriye pou yo,
pèsonn pou ranmase yo atè a,
pèsonn pou antere yo.
Kadav yo va tounen fimye atè a.
34Nou #Jer 4.8; 6.26; 23.1 menm chèf ki reskonsab pèp la,
rele anmwe, woule kò nou atè.
Lè a rive pou yo koupe tèt nou.
Yo pral gaye nou. Nou pral tonbe atè.
Nou pral kraze tankou bèl potich ki koute chè.
35P'ap gen kote pou chèf yo al kache.
P'ap gen kote pou moun ki reskonsab pran swen pèp la ka ale pou yo jwenn pwoteksyon.
36Y'ap tande chèf yo ap rele,
y'ap tande yo ap rele anmwe,
paske Senyè a pral ravaje peyi yo.
37Tout #Eza 32.18 bèl peyi yo pral tounen mazi,
paske Senyè a move anpil.
38Tankou #Jòb 38.40; Sòm 76.2; Jer 46.16 yon lyon ki kouri kite twou li,
tout moun ap mete deyò.
Peyi a pral tounen yon dezè
apre lagè san manman sa a,
apre gwo kòlè Senyè a.
Chwazi Kounye ya:
Jeremi 25: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.
Jeremi 25
25
Lènmi k'ap sòti nan nò a
1Senyè a te bay Jeremi yon mesay sou pèp peyi #2 Wa 24.1 Jida a, nan katriyèm lanne reny wa Jojakim, pitit Jozyas, nan peyi Jida. Lè sa a, Nebikadneza te nan premye lanne li depi li te wa peyi Babilòn. 2Men mesay pwofèt Jeremi te bay tout pèp peyi Jida a ak tout moun lavil Jerizalèm yo:
3— Depi #Jer 1.2 trèzyèm lanne reny wa Jozyas, pitit Amon, nan peyi Jida rive jòdi a, sa fè venntwazan depi Senyè a ap pale avè m, venntwazan depi m'ap pale ak nou san rete, nou pa vle koute m. 4Senyè a #2 Kwo 36.15; Jer 26.5 pa janm sispann voye pwofèt li yo, sèvitè l yo, ban nou. Men nou pa vle koute yo, nou derefize louvri zòrèy nou pou nou tande yo. 5Yo #Jer 7.7; 18.11 te di nou pou nou manyè kite vye chemen nou t'ap swiv yo, pou nou manyè sispann fè sa ki mal. Konsa, nou ta ka viv toujou nan peyi Senyè a te ban nou an, peyi li te bay zansèt nou yo pou tout tan tout tan an. 6Pwofèt #Jer 7.6; 32.30 yo di nou: Pa kouri dèyè lòt bondye, pa fè sèvis pou yo, pa mete ajenou devan yo. Pa sèvi zidòl nou fè ak men nou pou Senyè a pa fache. Konsa, si nou obeyi Senyè a li p'ap pini nou. 7Men, se Senyè a menm ki di sa, nou derefize koute l. Nou fè l fache ak zidòl nou fè ak men nou. Se konsa nou rale malè sou tèt nou.
8Se poutèt sa, men sa Senyè ki gen tout pouvwa a di: Paske nou pa koute m lè m pale nou, 9mwen #Eza 44.28; 45.1; Jer 1.15; 18.16; 27.6; Eze 29.18-20 pral voye chache tout moun nan nò yo ak sèvitè mwen Nebikadneza, wa Babilòn. Se mwen menm, Senyè a ki di sa. Mwen pral fè yo vin kraze peyi Jida a ak tout moun ladan li, ansanm ak tout peyi nan vwazinaj yo. Mwen pral detwi yo tout. M'ap fè yo tounen yon dezè ki va fè moun sezi, yon pil mazi pou tout tan. 10M'ap #Ekl 12.4; Jer 7.34; Rev 18.22,23 fè yo p'ap tande moun ap pran plezi yo la. Yo p'ap tande vwa moun ki gen kè kontan. Yo p'ap tande y'ap fete moun marye. M'ap fè p'ap gen grenn pou moulen, p'ap gen gaz pou lanp. 11Tout #2 Kwo 36.21; Jer 28.14; 29.10 peyi a pral kraze tounen mazi, yon dezè. Nasyon ki nan vwazinay yo pral sèvi wa Babilòn lan pandan swasanndizan. 12Apre #Eza 13.19; Jer 51.24,26,62 swasanndizan sa yo, m'a pini wa Babilòn lan ansanm ak pèp li a pou peche yo fè. Se mwen menm Senyè a ki di sa. M'ap detwi peyi moun Kalde yo, m'ap fè l tounen mazi pou tout tan. 13M'ap #Jer 46.1—51.64 voye sou peyi Babilòn lan tout malè mwen te di m'ap voye yo, tou sa pwofèt Jeremi te fè konnen nan non mwen sou nasyon yo, jan sa ekri nan liv sa a. 14Yo #Jer 27.7; 50.9,41; 51.27,28 menm tou moun Babilòn yo, anpil lòt nasyon ak gran wa va fè yo tounen esklav. M'ap fè yo peye pou tou sa yo fè.
Bondye ap jije tout nasyon yo
15Men #Jòb 21.20; Eza 51.17; Jer 51.7 sa Senyè a, Bondye pèp Izrayèl la, di m:
— Men yon gode plen diven kòlè Bondye nan men m. Pran li, pote l bay tout moun nan peyi kote m'ap voye ou yo pou yo bwè. 16Y'a #Jer 47.6 bwè, pye yo ap trese, y'a pèdi tèt yo lè y'a wè lagè m'ap voye nan mitan yo.
17Se #Eza 51.22,23 konsa, mwen pran gode a nan men Senyè a, mwen pote l bay tout moun nan tout peyi kote Senyè a te voye m lan, mwen fè yo bwè ladan l. 18Mwen #Jer 18.16; Zak 12.2 fè moun lavil Jerizalèm ak moun lavil Jida yo bwè ladan l ansanm ak wa yo, chèf yo, pou lavil yo ka tounen mazi, yon dezè pou moun mete men nan tèt lè yo wè sa, pou moun sèvi ak non yo pou bay madichon, jan y'ap fè l jouk kounyeya. 19Men #Jer 46.25 moun mwen fè bwè nan gode a tou: Farawon an, wa peyi Lejip la, ansanm ak sòlda li yo, chèf li yo ak tout pèp li a, 20tout #Eza 20.1; Jer 47.1,4,5; 50.37; Lam 4.21; Eze 30.5 ras moun ki rete bò solèy kouche yo ansanm ak tout wa peyi Ouz yo, tout wa nan peyi Filisti yo: wa lavil Askalon, wa lavil Gaza, wa lavil Ekwon, wa ki rete nan lavil Asdòd, 21moun #Jer 48.1-47; 49.1-22 peyi Edon, moun peyi Mowab ak moun Amon yo, 22tout #Eza 23.1,2; Jer 47.4 wa peyi Tir yo, wa peyi Sidon ak wa tout peyi ki lòt bò lanmè Mediterane a, 23moun #Eza 21.13; Jer 9.26; 49.8 lavil Dedan, moun lavil Teman ak moun lavil Bouz, ansanm ak tout moun ki koupe cheve nan tèt yo kout, 24tout wa peyi Arabi yo, tout wa ki rete nan dezè bò solèy kouche a, 25tout #Jer 49.34-39; 51.11 wa Zimri yo, tout wa Elam yo ak tout wa Medi yo, 26tout #Jer 50.9; 51.41 wa ki sou bò nò yo, sa ki lwen yo ak sa ki pre yo, yonn apre lòt. Tout nasyon ki sou latè gen pou bwè ladan l. Apre yo tout, se va tou pa wa lavil Babilòn #25.26: Babilòn: Nan tèks ebre a yo bay Sesak, yon non daki yo sèvi pou peyi Babilòn. Wè chapit 51.1,41. lan pou l bwè ladan l tou.
27Apre #Aba 2.16 sa, Senyè a di m konsa: W'a di yo men lòd Senyè ki gen tout pouvwa a, Bondye pèp Izrayèl la bay. Se pou yo bwè pou yo sou, jouk yo vonmi. Y'a tonbe, yo p'ap ka leve lè y'a wè lagè m'ap voye sou yo a. 28Si #Jer 49.12 yo ta rive refize pran gode a nan men ou pou yo pa bwè ladan l, w'a di yo: Senyè ki gen tout pouvwa a di wè pa wè se pou yo bwè l. 29Premye #Pwo 11.31; Eza 10.12; Am 3.2; 1 Pyè 4.17 kote m'ap konmanse fè malè, se va lavil yo mete apa pou mwen an. Atò, se nou menm ki pou pa ta resevwa pinisyon nou? Non, nou p'ap chape, paske mwen pral voye lagè sou tout moun sou latè. Se mwen menm, Senyè ki gen tout pouvwa a, ki di sa.
30Ou #Jij 9.27; Eza 16.10; Jowèl 3.16 menm, Jeremi, se pou ou fè yo konnen tou sa mwen di ou. W'a di yo:
— Senyè a rete anwo nan syèl la, l'ap gwonde.
Li rete nan kay ki apa pou li a, l'ap pale byen fò.
L'ap gwonde anwo pèp li a.
L'ap rele tankou moun k'ap kraze rezen.
Li move sou tout moun ki rete sou latè.
31Bri a #Eza 66.16; Oze 4.1 rive nan zòrèy moun toupatou sou latè.
Senyè a gen yon kont pou l regle ak nasyon yo.
Li rele yo tout nan tribinal.
L'ap fè touye tout moun ki antò.
Se Senyè a menm ki di sa.
32Senyè #Jer 6.22; 23.19 ki gen tout pouvwa a di:
— Malè a pral tonbe sou nasyon yo yonn apre lòt,
yon gwo van tanpèt ap moute sòti nan bout latè.
33Jou #Jer 16.4 sa a, depi yon bout latè rive lòt bout la,
se va kadav moun Senyè a pral touye.
P'ap gen pèsonn pou kriye pou yo,
pèsonn pou ranmase yo atè a,
pèsonn pou antere yo.
Kadav yo va tounen fimye atè a.
34Nou #Jer 4.8; 6.26; 23.1 menm chèf ki reskonsab pèp la,
rele anmwe, woule kò nou atè.
Lè a rive pou yo koupe tèt nou.
Yo pral gaye nou. Nou pral tonbe atè.
Nou pral kraze tankou bèl potich ki koute chè.
35P'ap gen kote pou chèf yo al kache.
P'ap gen kote pou moun ki reskonsab pran swen pèp la ka ale pou yo jwenn pwoteksyon.
36Y'ap tande chèf yo ap rele,
y'ap tande yo ap rele anmwe,
paske Senyè a pral ravaje peyi yo.
37Tout #Eza 32.18 bèl peyi yo pral tounen mazi,
paske Senyè a move anpil.
38Tankou #Jòb 38.40; Sòm 76.2; Jer 46.16 yon lyon ki kouri kite twou li,
tout moun ap mete deyò.
Peyi a pral tounen yon dezè
apre lagè san manman sa a,
apre gwo kòlè Senyè a.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.