Levitik 27
27
Règleman sou ofrann
1Senyè a pale ak Moyiz, li di l konsa:
2— Pale #Nonb 6.2; Det 23.21; Jij 11.30,31,39; 1 Sam 1.11,28 ak moun pèp Izrayèl yo, w'a di yo pou mwen: Lè yon moun pran angajman pou l ofri yon moun bay Senyè a, se nou menm ki pou fikse kantite lajan pou yo bay nan plas moun lan, dapre sistèm yo sèvi nan tanp lan. 3Men #Egz 30.13 ki jan n'a fè sa:
Pou yon gason ki gen ant ventan al swasantan, se va senkant pyès ajan.
4Pou yon fanm menm laj la, se va trant pyès ajan
5Pou yon jenn gason ki gen ant senkan al ventan, se va ven pyès ajan.
Pou yon jenn fi ki gen menm laj la, se va dis pyès ajan.
6Pou yon timoun ki gen ant yon mwa al senkan, si se yon gason se va senk pyès ajan.
Pou yon ti fi menm laj la, se va twa pyès ajan
7Pou yon gason ki depase swasantan, se va kenz pyès ajan.
Pou yon fanm menm laj la, se va dis pyès ajan.
8Men, si moun ki te pran angajman an pa gen kont lajan pou peye valè nou mande a, l'a mennen moun li te pwomèt bay la bay prèt la. Prèt la va fè yon lòt pri, dapre sa moun lan ka peye.
9Si se yon bèt yon moun pran angajman pou l ofri bay Senyè a, nenpòt kisa la bay Senyè a va rete apa nèt pou Senyè a. 10Li #Lev 27.33 p'ap ka chanje yon move pou yon bon. Li p'ap ka bay yon lòt bèt nan plas sa li te pwomèt la. Si li fè sa, tou de bèt yo, ni sa li te di l'ap bay anvan an, ni sa li ta vle bay nan plas li a, va rete apa pou Senyè a. 11Men, si bèt li te pran angajman ofri a se yon bèt ki pa ka sèvi ofrann pou Senyè a, l'a mennen bèt la bay prèt la. 12Prèt la va fè pri bèt la dapre jan l wè bèt la. Lè l'a fin fè pri bèt la, pri l mande a, se sa y'a peye pou li. 13Men, #Lev 22.14 si moun ki te fè ofrann lan ta vle achte bèt la ankò, l'a peye pri prèt la te fikse a plis ven pou san (20) lavalè.
14Lè yon moun ap mete kay li apa pou Senyè a, prèt la va fè pri kay la dapre jan l wè kay la. Lè l'a fin fè pri a, pri l mande a, se sa pou yo bay. 15Men, si moun k'ap mete kay la apa pou Senyè a ta vle achte kay la ankò, l'a peye pri prèt la te fikse a, plis ven pou san (20) lavalè. Epi y'a renmèt li kay li.
16Si yon moun pran yon pòsyon nan jaden l epi li mete l apa pou Senyè a, w'a fè pri pòsyon tè a dapre kantite grenn yo ka simen ladan l. Pou chak barik grenn lòj yo ka simen, l'a bay dis pyes ajan. 17Si li fè ofrann lan apre yo fenk fin fete lanne rejwisans lan, se pou l peye tout pri a nèt. 18Men, #Lev 25.15,16 si li fè l kèk tan apre yo fin fete lanne rejwisans lan, prèt la va kalkile pri a sou kantite lanne ki rete anvan yo fete lanne rejwisans k'ap vini an, konsa l'a desann premye pri li te bay la.
19Si moun ki mete pòsyon tè a apa pou Senyè a ta vle achte tè a ankò, l'a peye pri yo te bay pou tè a plis ven pou san (20). Epi tè a va rete pou li. 20Men, #Lev 25.10,28,31; Nonb 18.14; Eze 44.29 si yo te gentan vann tè a bay yon lòt moun anvan li menm li te mande achte l ankò, li p'ap ka achte l ankò. 21Yon tè konsa, lè lanne rejwisans lan va rive, pase yo renmèt li nan men premye mèt li, l'ap rete yon bagay apa pou Senyè a, yon jaden pèsonn p'ap ka manyen. L'a rete pou prèt yo.
22Si yon moun pran yon jaden li menm li te achte, yon jaden ki pa jaden eritye, epi li mete l apa pou Senyè a, 23prèt la va kalkile pri jaden an sou kantite lanne ki rete anvan yo fete lanne rejwisans k'ap vini an, epi moun lan va peye lajan an menm jou a. Lajan sa a va rete apa nèt pou Senyè a. 24Lè #Lev 25.28 lanne rejwisans lan va rive, jaden an va tounen pou premye mèt la osinon pou pitit premye mèt la. 25Y'a #Egz 30.13 fè tout pri yo dapre sistèm lajan yo sèvi nan kote yo mete apa pou Bondye a: yon gwo pyès pou ven ti pyès.
26Pèsonn #Egz 13.2 p'ap ka pran angajman pou yo ofri Senyè a premye pitit mal yon bèt fè paske li deja pou Senyè a. Kit se premye pitit bèf, kit se premye pitit mouton osinon kabrit, se pou Senyè a yo ye. 27Men, si se premye pitit yon bèt ki pa ka sèvi ofrann pou Senyè a, y'a ka achte l ankò nan men Senyè a pou pri n'a fikse a, plis ven pou san (20) lavalè. Men, si moun lan pa vle achte l ankò pou tèt li, y'a vann yon lòt moun li pou pri n'a fikse a.
28Tou #Joz 6.17-19; Jij 11.30,31; 1 Sam 15.21 sa yon moun mete apa nèt pou Senyè a, kit se yon moun, kit se yon bèt, kit se yon jaden, li pa ka vann li ni li pa ka reachte l. Bagay la fèt pou l rete la, apa nèt pou Senyè a. Pèsonn p'ap ka manyen l. 29Si #Nonb 21.2,3 se yon moun yo vle ki pou rete apa nèt pou Senyè a, yo p'ap ka reachte l. Se touye pou yo touye moun sa a.
30N'a #Jen 28.22; Nonb 18.24; 2 Kwo 31.5; Mal 3.8,10 mete dis pou san (10) nan tout rekòt jaden nou apa pou Senyè a, li te mèt rekòt jaden nou fè nou menm, osinon rekòt pyebwa ki donnen nan jaden nou. Se pou Senyè a dis pou san sa yo ye. 31Si yon moun vle achte pou li menm kichòy nan dis pou san (10) ki pou Senyè a, l'a peye pri bagay la plis ven pou san (20) lavalè. 32Sou #Jer 33.13; Eze 20.37 chak dis bèt, li te mèt bèf, kabrit osinon mouton n'ap gade, gen yonn ki pou Senyè a. Sa vle di lè n'ap konte bèf nou yo, n'a konte yo pa dis. Konsa, chak fwa nou rive sou dizyèm lan, n'a mete l apa pou Senyè a. 33Nou #Lev 27.10 pa bezwen konnen si li bon si li pa bon, ni nou pa bezwen pran yon lòt mete nan plas li. Si nou vle chanje yon bèt, ni sa nou ta vle chanje a, ni sa nou ta renmen bay nan plas li a, tou de va pou Senyè a. Epitou nou p'ap ka reachte yo ankò.
34Men #Lev 26.46 tout regleman Senyè a te bay Moyiz pou moun pèp Izrayèl yo sou mòn Sinayi a.
Chwazi Kounye ya:
Levitik 27: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.
Levitik 27
27
Règleman sou ofrann
1Senyè a pale ak Moyiz, li di l konsa:
2— Pale #Nonb 6.2; Det 23.21; Jij 11.30,31,39; 1 Sam 1.11,28 ak moun pèp Izrayèl yo, w'a di yo pou mwen: Lè yon moun pran angajman pou l ofri yon moun bay Senyè a, se nou menm ki pou fikse kantite lajan pou yo bay nan plas moun lan, dapre sistèm yo sèvi nan tanp lan. 3Men #Egz 30.13 ki jan n'a fè sa:
Pou yon gason ki gen ant ventan al swasantan, se va senkant pyès ajan.
4Pou yon fanm menm laj la, se va trant pyès ajan
5Pou yon jenn gason ki gen ant senkan al ventan, se va ven pyès ajan.
Pou yon jenn fi ki gen menm laj la, se va dis pyès ajan.
6Pou yon timoun ki gen ant yon mwa al senkan, si se yon gason se va senk pyès ajan.
Pou yon ti fi menm laj la, se va twa pyès ajan
7Pou yon gason ki depase swasantan, se va kenz pyès ajan.
Pou yon fanm menm laj la, se va dis pyès ajan.
8Men, si moun ki te pran angajman an pa gen kont lajan pou peye valè nou mande a, l'a mennen moun li te pwomèt bay la bay prèt la. Prèt la va fè yon lòt pri, dapre sa moun lan ka peye.
9Si se yon bèt yon moun pran angajman pou l ofri bay Senyè a, nenpòt kisa la bay Senyè a va rete apa nèt pou Senyè a. 10Li #Lev 27.33 p'ap ka chanje yon move pou yon bon. Li p'ap ka bay yon lòt bèt nan plas sa li te pwomèt la. Si li fè sa, tou de bèt yo, ni sa li te di l'ap bay anvan an, ni sa li ta vle bay nan plas li a, va rete apa pou Senyè a. 11Men, si bèt li te pran angajman ofri a se yon bèt ki pa ka sèvi ofrann pou Senyè a, l'a mennen bèt la bay prèt la. 12Prèt la va fè pri bèt la dapre jan l wè bèt la. Lè l'a fin fè pri bèt la, pri l mande a, se sa y'a peye pou li. 13Men, #Lev 22.14 si moun ki te fè ofrann lan ta vle achte bèt la ankò, l'a peye pri prèt la te fikse a plis ven pou san (20) lavalè.
14Lè yon moun ap mete kay li apa pou Senyè a, prèt la va fè pri kay la dapre jan l wè kay la. Lè l'a fin fè pri a, pri l mande a, se sa pou yo bay. 15Men, si moun k'ap mete kay la apa pou Senyè a ta vle achte kay la ankò, l'a peye pri prèt la te fikse a, plis ven pou san (20) lavalè. Epi y'a renmèt li kay li.
16Si yon moun pran yon pòsyon nan jaden l epi li mete l apa pou Senyè a, w'a fè pri pòsyon tè a dapre kantite grenn yo ka simen ladan l. Pou chak barik grenn lòj yo ka simen, l'a bay dis pyes ajan. 17Si li fè ofrann lan apre yo fenk fin fete lanne rejwisans lan, se pou l peye tout pri a nèt. 18Men, #Lev 25.15,16 si li fè l kèk tan apre yo fin fete lanne rejwisans lan, prèt la va kalkile pri a sou kantite lanne ki rete anvan yo fete lanne rejwisans k'ap vini an, konsa l'a desann premye pri li te bay la.
19Si moun ki mete pòsyon tè a apa pou Senyè a ta vle achte tè a ankò, l'a peye pri yo te bay pou tè a plis ven pou san (20). Epi tè a va rete pou li. 20Men, #Lev 25.10,28,31; Nonb 18.14; Eze 44.29 si yo te gentan vann tè a bay yon lòt moun anvan li menm li te mande achte l ankò, li p'ap ka achte l ankò. 21Yon tè konsa, lè lanne rejwisans lan va rive, pase yo renmèt li nan men premye mèt li, l'ap rete yon bagay apa pou Senyè a, yon jaden pèsonn p'ap ka manyen. L'a rete pou prèt yo.
22Si yon moun pran yon jaden li menm li te achte, yon jaden ki pa jaden eritye, epi li mete l apa pou Senyè a, 23prèt la va kalkile pri jaden an sou kantite lanne ki rete anvan yo fete lanne rejwisans k'ap vini an, epi moun lan va peye lajan an menm jou a. Lajan sa a va rete apa nèt pou Senyè a. 24Lè #Lev 25.28 lanne rejwisans lan va rive, jaden an va tounen pou premye mèt la osinon pou pitit premye mèt la. 25Y'a #Egz 30.13 fè tout pri yo dapre sistèm lajan yo sèvi nan kote yo mete apa pou Bondye a: yon gwo pyès pou ven ti pyès.
26Pèsonn #Egz 13.2 p'ap ka pran angajman pou yo ofri Senyè a premye pitit mal yon bèt fè paske li deja pou Senyè a. Kit se premye pitit bèf, kit se premye pitit mouton osinon kabrit, se pou Senyè a yo ye. 27Men, si se premye pitit yon bèt ki pa ka sèvi ofrann pou Senyè a, y'a ka achte l ankò nan men Senyè a pou pri n'a fikse a, plis ven pou san (20) lavalè. Men, si moun lan pa vle achte l ankò pou tèt li, y'a vann yon lòt moun li pou pri n'a fikse a.
28Tou #Joz 6.17-19; Jij 11.30,31; 1 Sam 15.21 sa yon moun mete apa nèt pou Senyè a, kit se yon moun, kit se yon bèt, kit se yon jaden, li pa ka vann li ni li pa ka reachte l. Bagay la fèt pou l rete la, apa nèt pou Senyè a. Pèsonn p'ap ka manyen l. 29Si #Nonb 21.2,3 se yon moun yo vle ki pou rete apa nèt pou Senyè a, yo p'ap ka reachte l. Se touye pou yo touye moun sa a.
30N'a #Jen 28.22; Nonb 18.24; 2 Kwo 31.5; Mal 3.8,10 mete dis pou san (10) nan tout rekòt jaden nou apa pou Senyè a, li te mèt rekòt jaden nou fè nou menm, osinon rekòt pyebwa ki donnen nan jaden nou. Se pou Senyè a dis pou san sa yo ye. 31Si yon moun vle achte pou li menm kichòy nan dis pou san (10) ki pou Senyè a, l'a peye pri bagay la plis ven pou san (20) lavalè. 32Sou #Jer 33.13; Eze 20.37 chak dis bèt, li te mèt bèf, kabrit osinon mouton n'ap gade, gen yonn ki pou Senyè a. Sa vle di lè n'ap konte bèf nou yo, n'a konte yo pa dis. Konsa, chak fwa nou rive sou dizyèm lan, n'a mete l apa pou Senyè a. 33Nou #Lev 27.10 pa bezwen konnen si li bon si li pa bon, ni nou pa bezwen pran yon lòt mete nan plas li. Si nou vle chanje yon bèt, ni sa nou ta vle chanje a, ni sa nou ta renmen bay nan plas li a, tou de va pou Senyè a. Epitou nou p'ap ka reachte yo ankò.
34Men #Lev 26.46 tout regleman Senyè a te bay Moyiz pou moun pèp Izrayèl yo sou mòn Sinayi a.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.