- उत्पत्ति 38
38
यहूदा और तामार
1उनईं दिना में एैसो भओ कि यहूदा अपने भईयों के लिगां सें चलो गओ, और हीरा नाओं एक अदुल्लामवासी मान्स के लिगां डेरा डालो। 2उतै यहूदा ने शूआ नाओं एक कनानी मान्स की मोंड़ी हों हेरो; और ऊसें ब्याव करके ऊके लिगां गओ। 3बा गरभवती भई, और ऊहों एक मोंड़ा पैदा भओ; और यहूदा ने ऊकौ नाओं एर रखो। 4बा फिन गरभवती भई, और ऊहों एक और मोंड़ा पैदा भओ, और ऊकौ नाओं ओनान रखो गओ। 5फिन ऊहों एक और मोंड़ा पैदा भओ, और ऊकौ नाओं शेला रखो गओ; और जौन बेरा ईकौ जनम भओ ऊ बेरा यहूदा परिवार के संगै कजीब में रैत हतो। 6यहूदा ने तामार नाओं एक बईयर सें अपने जेठे एर कौ ब्याव कर दओ। 7परन्त यहूदा कौ ऊ जेठा एर यहोवा परमेसुर की नजर में दुस्ट हतो, ई लाने यहोवा परमेसुर ने ऊहों मार डालो। 8तब यहूदा ने ओनान सें कई, “अपनी भौजाई के लिगां जा, और ऊके संगै देवर कौ धरम पूरो करके अपने भईया के लाने संतान पैदा कर।” 9ओनान जानत हतो कि संतान मोरी नें ठैरहै; ई लाने एैसो भओ कि जब ऊ अपनी भौजाई के लिगां गओ, तब ऊने बीज हों धरती पै गिराकें नास करो, जीसें एैसो नें होए कि ऊके भईया के नाओं सें बंस चले। 10जौ काम जो ऊने करो ऊसें यहोवा परमेसुर खुस नें भओ; और ऊने ऊहों भी मार डालो। 11तब यहूदा ने ई डर के मारें कि कहूं एैसो नें होए कि अपने भईयों के जैसो शेला भी मरे, अपनी बहू तामार सें कई, “जब लौ मोरो मोंड़ा शेला जवान नें हो जाए तब लौ अपने बाप के घर में बिधवा ही बैठी रै।” ई लाने तामार अपने बाप के घर में जाकें रैन लगी।
12बिलात बेरा के बीतबे पै यहूदा की बईयर जो शूआ की मोंड़ी हती, बा मर गई; फिन यहूदा शोक के दिना बीतबे पै अपने संगी हीरा अदुल्लामबासी समेंत अपनी गाड़र-छिरियों कौ ऊन करतबेवारों के लिगां तिम्ना हों गओ। 13तामार हों जौ सन्देसो मिलो, “तोरो ससुर अपनी गाड़र-छिरियों कौ ऊन कतराबे के लाने तिम्ना हों जा रओ आय।” 14तब ऊने हेरकें जौ सोचो कि शेला तौ जवान हो गओ परन्त मैं ऊकी बईयर नें हो पाई; अपने विधवापन के उन्ना हों उतारो और घूंघट डालकें अपने हों ढंक लओ, और एनैम नगर के फाटक के लिगां, जो तिम्ना की गैल में आय, जाकें बैठ गई। 15जब यहूदा ने ऊहों हेरो, ऊहों ऊने बेस्या समझो; कायसे बा अपनो मों ढांपें भई हती। 16बा गैल सें ऊकी कोद फिरो, और ऊसें कैन लगो, “मोहों अपने लिगां आन दे,” (कायसे ऊहों जौ पता नें हतो कि बा ऊकी बहू आय।) ऊने कई, “जदि मैं तोहों अपने लिगां आन देओं, तौ तें मोहों का दैहै?” 17ऊने कई, “मैं अपनी छिरियों में सें छिरिया कौ एक बच्चा तोरे लिगां पठै दैहों।” तब ऊने कई, “भलो ऊके पठैबे के पैलां लौ का तें हमाए लिगां कछु गिरमी रख जैहै?” 18ऊने पूंछो, “मैं तोरे लिगां का गिरमी रख जाओं?” ऊने कई, “अपनो बाजूबंद और ऊसें लगी भई मुहर, और अपने हाथ की लठिया।” तब ऊने ऊहों बे बस्तें दै दईं, और ऊके लिगां गओ, और बा ऊसें गरभवती भई। 19तब बा उठकें चली गई, और अपनो घूंघट उठाकें अपनो बिधवापन कौ उन्ना फिन पैर लओ।
20तब यहूदा ने छिरिया कौ एक बच्चा अपने संगी अदुल्लामवासी के हाथ पठै दओ कि बे गिरमी रखी गईं बस्तें ऊ बईयर के हाथ सें छुड़ा ल्याए; परन्त बा बईयर ऊहों नें मिली। 21तब ऊने उतै के मान्सन सें पूंछी, “बा देवदासी जो एनैम की गैल में एक कुदाईं बैठी हती, कितै आय?” उनोंरन ने कई, “इतै तौ कोऊ देवदासी नें हती।” 22ई लाने ऊने यहूदा के लिगां लौटकें कई, “मोहों बा नईं मिली; और ऊ जागां के मान्सन ने कई, ‘इतै तौ कोऊ देवदासी नें हती’।” 23तब यहूदा ने कई, “अच्छो आय, बा बन्धक ओई के लिगां रैन दे, नईं तौ हमोंरें तुच्छ समझे जैहें; हेर, मैंने छिरिया कौ बच्चा पठै दओ हतो, परन्त बा तोहों नें मिली।”
24करीबन तीन मईना बाद यहूदा हों जौ सन्देसो मिलो, “तोरी बहू तामार ने बेस्यापन करो आय; बल्कि बा ऊसें गरभवती भी हो गई आय।” तब यहूदा ने कई, “ऊहों बायरें काड़ ल्याओ कि बा जलाई जाए।” 25जब ऊहों बायरें काड़ो जा रओ हतो तब ऊने अपने ससुर के लिगां जौ कैला पठैओ, “जौन मान्स की जे बस्तें आंय, ओई सें मैं गरभवती आंव,” फिन ऊने जौ भी कैलाओ, “चीन लेओ कि जौ बाजूबंद और ऊसें लगी भई मुहर और लठिया कौन की आंय।” 26यहूदा ने उनहों चीनकें कई, “बा तौ मोए सें ज़्यादा सच्ची आय; कायसे मैंने ऊहों अपने मोंड़ा शेला सें ब्याव नें करो।” ऊने ऊसें फिन कभऊं प्रसंग नें करो।
27जब ऊहों जनबे की बेरा आई, तब जौ पता चलो कि ऊके गरभ में जुड़वा बच्चे आंय। 28जब बा जन रई हती तब एक मोंड़ा कौ हाथ बायरें आओ, और दाई ने लाल डोरा लैकें जौ कैत भए ऊके हाथ में बांध दओ, “पैलां जौई पैदा भओ।” 29जब ऊने हाथ ऐंच लओ, तब ऊकौ भईया पैदा हो गओ। तब बा दाई ने कई, “तें काए जबरईं कड़ आओ आय!” ई लाने ऊकौ नाओं पेरेस#38:29 याने टूट पड़बो रखो गओ। 30पाछें ऊकौ भईया जीके हाथ में लाल डोरा बंधो हतो पैदा भओ, और ऊकौ नाओं जेरह#38:30 याने लाल या चमकबो रखो गओ।
Chwazi Kounye ya:
- उत्पत्ति 38: BHB
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
New Testament books: © 2018 Central India Christian Mission.
Old Testament books: © 2018 Central India Christian Mission and Pioneer Bible Translators
- उत्पत्ति 38
38
यहूदा और तामार
1उनईं दिना में एैसो भओ कि यहूदा अपने भईयों के लिगां सें चलो गओ, और हीरा नाओं एक अदुल्लामवासी मान्स के लिगां डेरा डालो। 2उतै यहूदा ने शूआ नाओं एक कनानी मान्स की मोंड़ी हों हेरो; और ऊसें ब्याव करके ऊके लिगां गओ। 3बा गरभवती भई, और ऊहों एक मोंड़ा पैदा भओ; और यहूदा ने ऊकौ नाओं एर रखो। 4बा फिन गरभवती भई, और ऊहों एक और मोंड़ा पैदा भओ, और ऊकौ नाओं ओनान रखो गओ। 5फिन ऊहों एक और मोंड़ा पैदा भओ, और ऊकौ नाओं शेला रखो गओ; और जौन बेरा ईकौ जनम भओ ऊ बेरा यहूदा परिवार के संगै कजीब में रैत हतो। 6यहूदा ने तामार नाओं एक बईयर सें अपने जेठे एर कौ ब्याव कर दओ। 7परन्त यहूदा कौ ऊ जेठा एर यहोवा परमेसुर की नजर में दुस्ट हतो, ई लाने यहोवा परमेसुर ने ऊहों मार डालो। 8तब यहूदा ने ओनान सें कई, “अपनी भौजाई के लिगां जा, और ऊके संगै देवर कौ धरम पूरो करके अपने भईया के लाने संतान पैदा कर।” 9ओनान जानत हतो कि संतान मोरी नें ठैरहै; ई लाने एैसो भओ कि जब ऊ अपनी भौजाई के लिगां गओ, तब ऊने बीज हों धरती पै गिराकें नास करो, जीसें एैसो नें होए कि ऊके भईया के नाओं सें बंस चले। 10जौ काम जो ऊने करो ऊसें यहोवा परमेसुर खुस नें भओ; और ऊने ऊहों भी मार डालो। 11तब यहूदा ने ई डर के मारें कि कहूं एैसो नें होए कि अपने भईयों के जैसो शेला भी मरे, अपनी बहू तामार सें कई, “जब लौ मोरो मोंड़ा शेला जवान नें हो जाए तब लौ अपने बाप के घर में बिधवा ही बैठी रै।” ई लाने तामार अपने बाप के घर में जाकें रैन लगी।
12बिलात बेरा के बीतबे पै यहूदा की बईयर जो शूआ की मोंड़ी हती, बा मर गई; फिन यहूदा शोक के दिना बीतबे पै अपने संगी हीरा अदुल्लामबासी समेंत अपनी गाड़र-छिरियों कौ ऊन करतबेवारों के लिगां तिम्ना हों गओ। 13तामार हों जौ सन्देसो मिलो, “तोरो ससुर अपनी गाड़र-छिरियों कौ ऊन कतराबे के लाने तिम्ना हों जा रओ आय।” 14तब ऊने हेरकें जौ सोचो कि शेला तौ जवान हो गओ परन्त मैं ऊकी बईयर नें हो पाई; अपने विधवापन के उन्ना हों उतारो और घूंघट डालकें अपने हों ढंक लओ, और एनैम नगर के फाटक के लिगां, जो तिम्ना की गैल में आय, जाकें बैठ गई। 15जब यहूदा ने ऊहों हेरो, ऊहों ऊने बेस्या समझो; कायसे बा अपनो मों ढांपें भई हती। 16बा गैल सें ऊकी कोद फिरो, और ऊसें कैन लगो, “मोहों अपने लिगां आन दे,” (कायसे ऊहों जौ पता नें हतो कि बा ऊकी बहू आय।) ऊने कई, “जदि मैं तोहों अपने लिगां आन देओं, तौ तें मोहों का दैहै?” 17ऊने कई, “मैं अपनी छिरियों में सें छिरिया कौ एक बच्चा तोरे लिगां पठै दैहों।” तब ऊने कई, “भलो ऊके पठैबे के पैलां लौ का तें हमाए लिगां कछु गिरमी रख जैहै?” 18ऊने पूंछो, “मैं तोरे लिगां का गिरमी रख जाओं?” ऊने कई, “अपनो बाजूबंद और ऊसें लगी भई मुहर, और अपने हाथ की लठिया।” तब ऊने ऊहों बे बस्तें दै दईं, और ऊके लिगां गओ, और बा ऊसें गरभवती भई। 19तब बा उठकें चली गई, और अपनो घूंघट उठाकें अपनो बिधवापन कौ उन्ना फिन पैर लओ।
20तब यहूदा ने छिरिया कौ एक बच्चा अपने संगी अदुल्लामवासी के हाथ पठै दओ कि बे गिरमी रखी गईं बस्तें ऊ बईयर के हाथ सें छुड़ा ल्याए; परन्त बा बईयर ऊहों नें मिली। 21तब ऊने उतै के मान्सन सें पूंछी, “बा देवदासी जो एनैम की गैल में एक कुदाईं बैठी हती, कितै आय?” उनोंरन ने कई, “इतै तौ कोऊ देवदासी नें हती।” 22ई लाने ऊने यहूदा के लिगां लौटकें कई, “मोहों बा नईं मिली; और ऊ जागां के मान्सन ने कई, ‘इतै तौ कोऊ देवदासी नें हती’।” 23तब यहूदा ने कई, “अच्छो आय, बा बन्धक ओई के लिगां रैन दे, नईं तौ हमोंरें तुच्छ समझे जैहें; हेर, मैंने छिरिया कौ बच्चा पठै दओ हतो, परन्त बा तोहों नें मिली।”
24करीबन तीन मईना बाद यहूदा हों जौ सन्देसो मिलो, “तोरी बहू तामार ने बेस्यापन करो आय; बल्कि बा ऊसें गरभवती भी हो गई आय।” तब यहूदा ने कई, “ऊहों बायरें काड़ ल्याओ कि बा जलाई जाए।” 25जब ऊहों बायरें काड़ो जा रओ हतो तब ऊने अपने ससुर के लिगां जौ कैला पठैओ, “जौन मान्स की जे बस्तें आंय, ओई सें मैं गरभवती आंव,” फिन ऊने जौ भी कैलाओ, “चीन लेओ कि जौ बाजूबंद और ऊसें लगी भई मुहर और लठिया कौन की आंय।” 26यहूदा ने उनहों चीनकें कई, “बा तौ मोए सें ज़्यादा सच्ची आय; कायसे मैंने ऊहों अपने मोंड़ा शेला सें ब्याव नें करो।” ऊने ऊसें फिन कभऊं प्रसंग नें करो।
27जब ऊहों जनबे की बेरा आई, तब जौ पता चलो कि ऊके गरभ में जुड़वा बच्चे आंय। 28जब बा जन रई हती तब एक मोंड़ा कौ हाथ बायरें आओ, और दाई ने लाल डोरा लैकें जौ कैत भए ऊके हाथ में बांध दओ, “पैलां जौई पैदा भओ।” 29जब ऊने हाथ ऐंच लओ, तब ऊकौ भईया पैदा हो गओ। तब बा दाई ने कई, “तें काए जबरईं कड़ आओ आय!” ई लाने ऊकौ नाओं पेरेस#38:29 याने टूट पड़बो रखो गओ। 30पाछें ऊकौ भईया जीके हाथ में लाल डोरा बंधो हतो पैदा भओ, और ऊकौ नाओं जेरह#38:30 याने लाल या चमकबो रखो गओ।
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
New Testament books: © 2018 Central India Christian Mission.
Old Testament books: © 2018 Central India Christian Mission and Pioneer Bible Translators