Yowaana 17
17
Yesu asabira abeeki bae
1Yesu niyamala ohulomaloma emboosi chino, yatingaala aakulu Muukulu mani yaaboola ati, “Laata, esaa yahoola; yiisa oluyaali mu Mwaana wao, hu Omwaana wao yesi ahwiisemo oluyaali, 2olwohuba wamuberesa obunyala hu buli muundu yeesi; hu anyale ababerese obulamu butaakama bu wamuberesa. 3Obulamu butaakama nibwo buno, abaandu boosi ohuhumanya ewe Nasaae mulala owadyeeri weeng'ene neende Yesu Kristo, yi watuma. 4Ese ndahwiisamo oluyaali hu syaalo. Maliriise omulimo ku waamberesa ohuhola. 5Laata, bulaanu njisemo oluyaali lwao mu moni wao, oluyaali lu ndalimo naawe esyaalo nisisisiiri ohuloongwa.
6“Eliita lyao ndalyeekesa abaandu ba wamberesa noobatusa mu syaalo. Bali abaandu bao beene, mani wabaamberesa, haandi badiirire emboosi yao. 7Bulaanu bamanyire bati buli siindu syoosi si wamberesa situla y'oli; 8olwohuba ndababoolera, mani bulaanu bamanyire mubwadyeeri bweene bati, ndatula y'oli, haandi bamalire ohufukiirira bati, niiwe owaanduma. 9Ese mbasabira abo; haba siindi ohusabira esyaalo daawe, nae ndi ohusabira abo ba wamberesa, olwohuba bao nibo. 10Byoosi bi ndi nabyo byao nibyo, haandi ebyao byaange nibyo, haandi njiswaamo oluyaali mu beene abo. 11Bulaanu ese haba sisiisiiri hu syaalo daawe, nae abo basiisiiri hu syaalo, nae ese ndi ohwiicha y'oli. Laata Mwoolerefu, baliindire mu liita lyao, li wamberesa omweene, banyale ohuba silala, koti lu efwe huli silala. 12#Sab 41:9; Yow 13:18. Nindali nisiisiiri nabo, ndabaliindiraanga mu liita lyao li wali wamberesa omweene; mani nimbaliinda, haandi hu abo abulao kata mulala owakotaho daawe, ohutusaho oyo yeeng'ene owali owohukota, hu byandiiko byoolerefu byoolerere abweene. 13Nae bulaanu ese ndi ohwiicha y'oli; haandi ebiindu bino mbilomalomera mu syaalo muno, hu sangaalo lyaange linyale ohubeechulamo. 14Mbabereese emboosi yao; mani esyaalo nisibasyuula olwohuba haba sibasiisiiri abohu syaalo daawe, koti lu ese taali owohu syaalo. 15Ese haba siindi ohuhusaba endi obatuse mu syaalo muno, nae endi obawonie ohutula hu musuku Sitaani. 16Abo haba sibali abohu syaalo daawe, koti lu syesi taali owohu syaalo huno. 17Balabisirye mubwadyeeri bweene; olwohuba emboosi yao niyo obwadyeeri. 18Koti lu waanduma mu syaalo, mani syesi ndi ohubatuma mu syaalo. 19Ese ndeyaanayo omweene y'oli hulwaabwe, hu bosi abeene banyale ohweyaanayo mubwadyeeri.
20“Haba siindi ohusabira bano boong'ene daawe, nae sabira neende abo abafukiiriramo ohweema hu mboosi cha bano. 21Boosi bahoyere babe silala; koti lu ewe Laata oli mweese, haandi syesi ndi mweewe, endi nabo bosi babecheenge mweefwe, hu bulaanu esyaalo sifukiirire siti ewe niiwe owaanduma. 22Oluyaali lu wamberesa, syesi mbabereese, hu banyale ohuba silala koti lu efwe huli silala, 23ese nimbalimo, ewe n'oli mweese, hu banyale ohweeholera elalira silala, hu bulaanu esyaalo simanye siti hane niiwe owaanduma, haandi wabaheera koti lu waaheera. 24Laata, abo ba wamberesa, ndaha bosi babecheenge yi ndi, banyale ohubona oluyaali lu wamberesa. Olwohuba waaheera esyaalo nisisiisiiri ohuloongwa. 25Eee, Laata Muluungifu, esyaalo haba sisyahumanya daawe, nae ese humanyire; haandi bano bamanyire bati niiwe owaanduma. 26Ndabeekesa eliita lyao, haandi njia ohumeeda ohubeekesa bamanye eliita lyao, mani obuheeri bu waaheereramo, bubabeemo, haandi syesi mbabeemo.”
Chwazi Kounye ya:
Yowaana 17: SAMIA
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
©Bible Society of Kenya, 2019
©Bible Society of Uganda, 2019
Yowaana 17
17
Yesu asabira abeeki bae
1Yesu niyamala ohulomaloma emboosi chino, yatingaala aakulu Muukulu mani yaaboola ati, “Laata, esaa yahoola; yiisa oluyaali mu Mwaana wao, hu Omwaana wao yesi ahwiisemo oluyaali, 2olwohuba wamuberesa obunyala hu buli muundu yeesi; hu anyale ababerese obulamu butaakama bu wamuberesa. 3Obulamu butaakama nibwo buno, abaandu boosi ohuhumanya ewe Nasaae mulala owadyeeri weeng'ene neende Yesu Kristo, yi watuma. 4Ese ndahwiisamo oluyaali hu syaalo. Maliriise omulimo ku waamberesa ohuhola. 5Laata, bulaanu njisemo oluyaali lwao mu moni wao, oluyaali lu ndalimo naawe esyaalo nisisisiiri ohuloongwa.
6“Eliita lyao ndalyeekesa abaandu ba wamberesa noobatusa mu syaalo. Bali abaandu bao beene, mani wabaamberesa, haandi badiirire emboosi yao. 7Bulaanu bamanyire bati buli siindu syoosi si wamberesa situla y'oli; 8olwohuba ndababoolera, mani bulaanu bamanyire mubwadyeeri bweene bati, ndatula y'oli, haandi bamalire ohufukiirira bati, niiwe owaanduma. 9Ese mbasabira abo; haba siindi ohusabira esyaalo daawe, nae ndi ohusabira abo ba wamberesa, olwohuba bao nibo. 10Byoosi bi ndi nabyo byao nibyo, haandi ebyao byaange nibyo, haandi njiswaamo oluyaali mu beene abo. 11Bulaanu ese haba sisiisiiri hu syaalo daawe, nae abo basiisiiri hu syaalo, nae ese ndi ohwiicha y'oli. Laata Mwoolerefu, baliindire mu liita lyao, li wamberesa omweene, banyale ohuba silala, koti lu efwe huli silala. 12#Sab 41:9; Yow 13:18. Nindali nisiisiiri nabo, ndabaliindiraanga mu liita lyao li wali wamberesa omweene; mani nimbaliinda, haandi hu abo abulao kata mulala owakotaho daawe, ohutusaho oyo yeeng'ene owali owohukota, hu byandiiko byoolerefu byoolerere abweene. 13Nae bulaanu ese ndi ohwiicha y'oli; haandi ebiindu bino mbilomalomera mu syaalo muno, hu sangaalo lyaange linyale ohubeechulamo. 14Mbabereese emboosi yao; mani esyaalo nisibasyuula olwohuba haba sibasiisiiri abohu syaalo daawe, koti lu ese taali owohu syaalo. 15Ese haba siindi ohuhusaba endi obatuse mu syaalo muno, nae endi obawonie ohutula hu musuku Sitaani. 16Abo haba sibali abohu syaalo daawe, koti lu syesi taali owohu syaalo huno. 17Balabisirye mubwadyeeri bweene; olwohuba emboosi yao niyo obwadyeeri. 18Koti lu waanduma mu syaalo, mani syesi ndi ohubatuma mu syaalo. 19Ese ndeyaanayo omweene y'oli hulwaabwe, hu bosi abeene banyale ohweyaanayo mubwadyeeri.
20“Haba siindi ohusabira bano boong'ene daawe, nae sabira neende abo abafukiiriramo ohweema hu mboosi cha bano. 21Boosi bahoyere babe silala; koti lu ewe Laata oli mweese, haandi syesi ndi mweewe, endi nabo bosi babecheenge mweefwe, hu bulaanu esyaalo sifukiirire siti ewe niiwe owaanduma. 22Oluyaali lu wamberesa, syesi mbabereese, hu banyale ohuba silala koti lu efwe huli silala, 23ese nimbalimo, ewe n'oli mweese, hu banyale ohweeholera elalira silala, hu bulaanu esyaalo simanye siti hane niiwe owaanduma, haandi wabaheera koti lu waaheera. 24Laata, abo ba wamberesa, ndaha bosi babecheenge yi ndi, banyale ohubona oluyaali lu wamberesa. Olwohuba waaheera esyaalo nisisiisiiri ohuloongwa. 25Eee, Laata Muluungifu, esyaalo haba sisyahumanya daawe, nae ese humanyire; haandi bano bamanyire bati niiwe owaanduma. 26Ndabeekesa eliita lyao, haandi njia ohumeeda ohubeekesa bamanye eliita lyao, mani obuheeri bu waaheereramo, bubabeemo, haandi syesi mbabeemo.”
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
©Bible Society of Kenya, 2019
©Bible Society of Uganda, 2019