KEJADIAN 7
7
Allahn ik fam ap unusibag ane
1Tot welatfareg Ninikni Allahn Nuh fam ele uruk lit, ”Anden yet hiyaruk lahimu ap obog toho enesehelimu hat eneg Anden peruk ane hikit toho turuk lahen. Ari fahet ketiya hat huhe humalikisi men kou witikinon ino fam kilihip. 2-3Hit kuruk lit lebe ruruk angge kinangma werehon men pohol ke larukon men Allah fahet umbuk tehon ununuk wal taneg werehon ahun uhe ut heheg sabiren men, Allah fahet umbuk fug tehon ahun men uhe men eneg walug kilihip. Iken hondo enebuhumu mondabi eleg amuhup tohon fobik anggolo wereg amuhuben hiyag hirihi ane hikit toho timihin. 4O sabirenam welamuhupmu sat wereg angge Anden wal tirikikon obog toho eleg amag ulug Anden osit humon pilabik waruhukmu narukmen eneg hup sakan teng misig nubam hilag nuwalen 40 aruhu,” ulug Ninikni Allahn hiyag itfag ane hikit toho 5hun Nuh inowen tibag.
6Ik humon yenggeltil laharuk lit kinang hondo ribag li itano hun Nuh ino indag tibag sali mo ilig am wirig am turukmen teng sabit fumahen 600 atfag. 7#Mat 24:38-39; Luk 17:27Iken nunusuhu rohon ulug Nuh uhe men umalikisi unuhesi men kou ino fam kibag. 8-9Allahn ibag ane hikit toho Nuh inowen lebe ruruk angge kinangma werehon men pohol ke larukon men Allah fahet umbuk tehonet umbuk fug tehonet ununuk wal taneg werehon ahun men uhe men walug kibag. 10O sabirenam welatfagma ik humon yenggeltil laharuk lit kinang obog toho hondo ril laruk latfag.
11 #
2Ptr 3:6
Nuh ino indag tibag sali mo ilig am wirig am turukmen teng sabit fumahen 600 atfagma pikalem pirenehon fam hup nanggolop fumahen nohibagma kinangman ik sup toho laharukmu pohol fil sok hur atfagma osit humon wambik waharukmen eneg 12hup sakan teng misig nubam hilag nuwalen atfag. 13Ik yenggeltuk ane ak tibag sambil ino Nuh uhe umalikisi Sem, Yafet, Ham unuhesi men kou ino fam kibag. 14-16Allahn ibag ane hikit toho it kuruk lit lebe ruruk angge aben endetukon men endetuk elehon men kinangma larukonet pohol ke larukonet suwon toron ununuk wal taneg werehon ahun uhe men walug kibag. It obog toho kibagma Ninikni Allahn sok lar enepfag.
17-18Ik ino yenggeltil laharukmen eneg hup teng misig nubam hilag nuwalen atfagma kou ino kinang embeselug ik ahum palimu laruk latfag. 19Ik ino hum toho laharukmen eneg tom yaron oho obog toho hondo ruruk lit 20tom atelman wirimangge il nunggul hurik fam 7 meter lahibag. 21-23Ari turuk lit Ninikni Allahn mun angge man angge sat werehon kinangma larukonet pohol ke larukonet suwon toron ap obog toho mondabi elehap eneptuk lit we hun Nuh men kou fam kibahon arimano eneg windat enepfag. 24Ik yenggeltil lahibahon ino wambuk fug angge weregman eneg hup teng fuwaben 150 atfag.
Chwazi Kounye ya:
KEJADIAN 7: YLI
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
@ LAI 2018
KEJADIAN 7
7
Allahn ik fam ap unusibag ane
1Tot welatfareg Ninikni Allahn Nuh fam ele uruk lit, ”Anden yet hiyaruk lahimu ap obog toho enesehelimu hat eneg Anden peruk ane hikit toho turuk lahen. Ari fahet ketiya hat huhe humalikisi men kou witikinon ino fam kilihip. 2-3Hit kuruk lit lebe ruruk angge kinangma werehon men pohol ke larukon men Allah fahet umbuk tehon ununuk wal taneg werehon ahun uhe ut heheg sabiren men, Allah fahet umbuk fug tehon ahun men uhe men eneg walug kilihip. Iken hondo enebuhumu mondabi eleg amuhup tohon fobik anggolo wereg amuhuben hiyag hirihi ane hikit toho timihin. 4O sabirenam welamuhupmu sat wereg angge Anden wal tirikikon obog toho eleg amag ulug Anden osit humon pilabik waruhukmu narukmen eneg hup sakan teng misig nubam hilag nuwalen 40 aruhu,” ulug Ninikni Allahn hiyag itfag ane hikit toho 5hun Nuh inowen tibag.
6Ik humon yenggeltil laharuk lit kinang hondo ribag li itano hun Nuh ino indag tibag sali mo ilig am wirig am turukmen teng sabit fumahen 600 atfag. 7#Mat 24:38-39; Luk 17:27Iken nunusuhu rohon ulug Nuh uhe men umalikisi unuhesi men kou ino fam kibag. 8-9Allahn ibag ane hikit toho Nuh inowen lebe ruruk angge kinangma werehon men pohol ke larukon men Allah fahet umbuk tehonet umbuk fug tehonet ununuk wal taneg werehon ahun men uhe men walug kibag. 10O sabirenam welatfagma ik humon yenggeltil laharuk lit kinang obog toho hondo ril laruk latfag.
11 #
2Ptr 3:6
Nuh ino indag tibag sali mo ilig am wirig am turukmen teng sabit fumahen 600 atfagma pikalem pirenehon fam hup nanggolop fumahen nohibagma kinangman ik sup toho laharukmu pohol fil sok hur atfagma osit humon wambik waharukmen eneg 12hup sakan teng misig nubam hilag nuwalen atfag. 13Ik yenggeltuk ane ak tibag sambil ino Nuh uhe umalikisi Sem, Yafet, Ham unuhesi men kou ino fam kibag. 14-16Allahn ibag ane hikit toho it kuruk lit lebe ruruk angge aben endetukon men endetuk elehon men kinangma larukonet pohol ke larukonet suwon toron ununuk wal taneg werehon ahun uhe men walug kibag. It obog toho kibagma Ninikni Allahn sok lar enepfag.
17-18Ik ino yenggeltil laharukmen eneg hup teng misig nubam hilag nuwalen atfagma kou ino kinang embeselug ik ahum palimu laruk latfag. 19Ik ino hum toho laharukmen eneg tom yaron oho obog toho hondo ruruk lit 20tom atelman wirimangge il nunggul hurik fam 7 meter lahibag. 21-23Ari turuk lit Ninikni Allahn mun angge man angge sat werehon kinangma larukonet pohol ke larukonet suwon toron ap obog toho mondabi elehap eneptuk lit we hun Nuh men kou fam kibahon arimano eneg windat enepfag. 24Ik yenggeltil lahibahon ino wambuk fug angge weregman eneg hup teng fuwaben 150 atfag.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
@ LAI 2018