San Mateo 8
8
Jesús beyonhe to bene chhie yedzo' rzi go'ochhi
(Mc 1.40-45; Lc 5.12-16)
1Kati Jesús beyetaje lo guia', bene zen gdoke le'. 2De ten bchhin to bene chhie yedzo' rzi gochhi, na bze'achoe xhibe lo Jesús na gochhie le':
—Xanha, chen rhe'anlo, waka yeyonlo ne'adia ki yelawe'a kia'.
3Jesús gdanhe le' le'an ne'e, te gochhie le':
—Rhe'anda. ¡Chibeyakalho!
Tina'azi, bede'ala yelawe'a na rhaka bene na. 4Na rhe'a Jesús le':
—Byokalho, bigslano ye'alho kan; ze'alhote'a guiaj te yajsloe kuinlo lo bxozi, te bea tan chibeyakalho to balan ka' gne'a Moisés, kinda snisieke bxozi chibeyakalho.
Jesús beyonhe bene we'anchhin ki xanka bene rheajke lo dila
(Lc 7.1-10; Jn 4.43-54)
5Nan bchhin Jesús yechhi Cafarnaúm, to bene romano nake xanka bene rheajke lo dila yajse ga'ago kinda gatayoe'. 6Te gochhie le':
—Xanha, bene we'anchhin kia' die lo yo'o rhaka xhwe'e, birhaka gte'e kuinhe te rdodogaze.
7Jesús bochhie':
—Waya'a zajye'anhane.
8Xanka bene rheajke lo dila bochhie':
—Xanha, le'a ne'adia labi rdola tzo'olho lo yo'o kia'; toga didza sne'alho, te yeyaka bene we'anchhin kia' ni'. 9Le'a ne'adiaksa zea' xhania'a ka bene yajlorhe, te le'aksikan napaka bene lona'a bene rheajke lo dila. Kati rhapane toe' guiaj, rheaje; kati rhapane yetoe' da, rhide; te kati rsela bene we'anchhin kia' gonhe bi gonhe, rhonhe.
10Jesús gokiene banachhi kati benhenhe, te gochhie bene noke le':
—Talite'a rhapa lén labine rheyaleda lo yechhi Israel ni to bene nape yelarheaje ye'a ka' bene ni. 11Te rhapa lén tixekagolha bene slake tzala'a galha rhalhaj gbidza le'an galha rheye'an gbidza, te koeke gagoke le'an Abraham, Isaac le'an Jacob lo yelarne'abe'a ki Diozo, 12te bene rhala se'ake lo yelarne'abe'a ki Diozo, ko'oke le'ake lo lataj chola lalealha. Na'arhe kida yelagrechhi le'an gatilachhike.
13Na'arhe Jesús gochhie bene nake xanka bene rheajke lo dila:
—Beyiaj lo yo'o kio', te gaka kateka rheajelho ye'a.
Tina'agsizi beyaka bene we'an chhin kie'.
Jesús beyonhe xhna nigolha ki Pedro
(Mc 1.29-31; Lc 4.38-39)
14Jesús guiaje lo yo'o ki Pedro, ga' blene xhna nigolha ki Pedro die lo blaga dze'e tala'. 15Jesús gdanhe na'a nigolha na', te tala' na' bede'ala, te kan nigolha na' beyase te gzolhoe gde'e ta gagoke.
Jesús rheyonhe tixeka bene rhaka xhwe'ake
(Mc 1.32-34; Lc 4.40-41)
16Kati gchola yajoake ga' ze'a Jesús tixeka bene dze'eke be'e malha; kon to la'anzi didza rne' rhebeaje be'e malha dze'eke, te le'aksikan beyonhe yogote'a bene rhaka xhwe'ake. 17Ten goka kinda gaka kumplirhe tan gne' bene btzalaje laza Diozo grelawe Isaías, kati gne': Le' beyonhe rho'o ki yelawe'a na dze'erha.
Kinda gorha Jesús
(Lc 9.57-62)
18Jesús, nan ble'ene dzakane bene, gochhie bene lachhile'anke le' kinda slagake tzala'a nisado'. 19Na'arhe yiajse'a to muestro ki xhba'a, te gne':
—Muestro, rhe'anda sale'anha loe' gatite'azi tzeajlho.
20Jesús bochhie':
—Ka beza' napakaba xhan beloaj te bea rze'akaba napaba lichhikaba, te Xhi'in bene bguio' labi nape ga' gasie'.
21Yetoe', bene lachhile'anke le', gochhie le':
—Xanha, be'ana lataj zalho dzajkachia xoza.
22Jesús bochhie':
—Gdo ne'adia, te bde'e lataj bene goti skachike bene goti kie'ake.
Jesús bebe'akie chhizi yajsio' be'e xhen
(Mc 4.35-41; Lc 8.22-25)
23Jesús gre'anhe lo barko, te ka bene lachhile'anke le' zeajle'anke le'. 24De ten gzolho to yajsio' xhen lo nisado' na, te nisa rhasa rheyodzo lo barko na. Te Jesús gosie. 25Na'arhe bene lachhile'anke le' guiajke yiajpanke le', na rhe'ake le':
—¡Xanto, bsla' ne'ato! ¡Chirhetajrha chhi'ilha!
26Le' bochhie':
—¿Nobixhkia' rdzebigaslhe? ¡Le'atiga rheajelheye'a! Diozo
Na gne' ten, guiase te gochhie be'e kan nisado', te bebe' chhizirha. 27Le'ake, rhe'akiekene banachhi, na rnabe leza'ake:
—¿Noxha bene ni, le'ankaga be'e kan nisado' rze'anagaka kie'?
Bene dze'eke be'e malha lo yechhi Gadara
(Mc 5.1-20; Lc 8.26-39)
28Kati bchhin Jesús tzala'a nisado', lo yechhi Gadara, chopa bene yo'oke be'e malha broajke lo kapasando na guiajke ga' zee. Rhonke snia' te bigslano rhaka te lhaneza na; 29na grechhiya'ake rhe'ake Jesús:
—¡Bisgotza kio' le'an ne'ato, Xhi'in Diozo! ¿Ablalho ni kinda gsakayalho ne'ato zia'alha kati zi xhchhin dza yelhalhe?
30Gagozi kuite ga' dzake dzakagazi kochi' rhagokaba, 31te ka taxiwe na gotayokata Jesús:
—Chen yebeajlho ne'ato, be'ana lataj tzo'oto lo ka kochi' na.
32Jesús gochhie leketa:
—Letzeaj.
Ka taxiwe na berhoajkata lo ka bene te beyo'okata lo ka kochi'; tina'agsizi yogote'a ka kochi' na bxhonajkaba betajkaba ga' sde'abi bchhinte'a bladzokaba lo nisado', te na' goekaba nisa.
33Ka bene ryoke kochi' boxhonajke, te nan bechhinke lo yechhi gzolhoke rguixaje'eke tan goka, yogote'a ka' goka kika bene guio'oke taxiwe. 34Na'arhe yogoka bene yechhi guiajke ga' ze'a Jesús, te nan ble'ekene le' gotayoke le' kinda yiaje ga' yobilha.
Chwazi Kounye ya:
San Mateo 8: XDZPY
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Porciones en Zapoteco de Yalahui, Oaxaca, México © Sociedad Bíblica de México, A.C.
San Mateo 8
8
Jesús beyonhe to bene chhie yedzo' rzi go'ochhi
(Mc 1.40-45; Lc 5.12-16)
1Kati Jesús beyetaje lo guia', bene zen gdoke le'. 2De ten bchhin to bene chhie yedzo' rzi gochhi, na bze'achoe xhibe lo Jesús na gochhie le':
—Xanha, chen rhe'anlo, waka yeyonlo ne'adia ki yelawe'a kia'.
3Jesús gdanhe le' le'an ne'e, te gochhie le':
—Rhe'anda. ¡Chibeyakalho!
Tina'azi, bede'ala yelawe'a na rhaka bene na. 4Na rhe'a Jesús le':
—Byokalho, bigslano ye'alho kan; ze'alhote'a guiaj te yajsloe kuinlo lo bxozi, te bea tan chibeyakalho to balan ka' gne'a Moisés, kinda snisieke bxozi chibeyakalho.
Jesús beyonhe bene we'anchhin ki xanka bene rheajke lo dila
(Lc 7.1-10; Jn 4.43-54)
5Nan bchhin Jesús yechhi Cafarnaúm, to bene romano nake xanka bene rheajke lo dila yajse ga'ago kinda gatayoe'. 6Te gochhie le':
—Xanha, bene we'anchhin kia' die lo yo'o rhaka xhwe'e, birhaka gte'e kuinhe te rdodogaze.
7Jesús bochhie':
—Waya'a zajye'anhane.
8Xanka bene rheajke lo dila bochhie':
—Xanha, le'a ne'adia labi rdola tzo'olho lo yo'o kia'; toga didza sne'alho, te yeyaka bene we'anchhin kia' ni'. 9Le'a ne'adiaksa zea' xhania'a ka bene yajlorhe, te le'aksikan napaka bene lona'a bene rheajke lo dila. Kati rhapane toe' guiaj, rheaje; kati rhapane yetoe' da, rhide; te kati rsela bene we'anchhin kia' gonhe bi gonhe, rhonhe.
10Jesús gokiene banachhi kati benhenhe, te gochhie bene noke le':
—Talite'a rhapa lén labine rheyaleda lo yechhi Israel ni to bene nape yelarheaje ye'a ka' bene ni. 11Te rhapa lén tixekagolha bene slake tzala'a galha rhalhaj gbidza le'an galha rheye'an gbidza, te koeke gagoke le'an Abraham, Isaac le'an Jacob lo yelarne'abe'a ki Diozo, 12te bene rhala se'ake lo yelarne'abe'a ki Diozo, ko'oke le'ake lo lataj chola lalealha. Na'arhe kida yelagrechhi le'an gatilachhike.
13Na'arhe Jesús gochhie bene nake xanka bene rheajke lo dila:
—Beyiaj lo yo'o kio', te gaka kateka rheajelho ye'a.
Tina'agsizi beyaka bene we'an chhin kie'.
Jesús beyonhe xhna nigolha ki Pedro
(Mc 1.29-31; Lc 4.38-39)
14Jesús guiaje lo yo'o ki Pedro, ga' blene xhna nigolha ki Pedro die lo blaga dze'e tala'. 15Jesús gdanhe na'a nigolha na', te tala' na' bede'ala, te kan nigolha na' beyase te gzolhoe gde'e ta gagoke.
Jesús rheyonhe tixeka bene rhaka xhwe'ake
(Mc 1.32-34; Lc 4.40-41)
16Kati gchola yajoake ga' ze'a Jesús tixeka bene dze'eke be'e malha; kon to la'anzi didza rne' rhebeaje be'e malha dze'eke, te le'aksikan beyonhe yogote'a bene rhaka xhwe'ake. 17Ten goka kinda gaka kumplirhe tan gne' bene btzalaje laza Diozo grelawe Isaías, kati gne': Le' beyonhe rho'o ki yelawe'a na dze'erha.
Kinda gorha Jesús
(Lc 9.57-62)
18Jesús, nan ble'ene dzakane bene, gochhie bene lachhile'anke le' kinda slagake tzala'a nisado'. 19Na'arhe yiajse'a to muestro ki xhba'a, te gne':
—Muestro, rhe'anda sale'anha loe' gatite'azi tzeajlho.
20Jesús bochhie':
—Ka beza' napakaba xhan beloaj te bea rze'akaba napaba lichhikaba, te Xhi'in bene bguio' labi nape ga' gasie'.
21Yetoe', bene lachhile'anke le', gochhie le':
—Xanha, be'ana lataj zalho dzajkachia xoza.
22Jesús bochhie':
—Gdo ne'adia, te bde'e lataj bene goti skachike bene goti kie'ake.
Jesús bebe'akie chhizi yajsio' be'e xhen
(Mc 4.35-41; Lc 8.22-25)
23Jesús gre'anhe lo barko, te ka bene lachhile'anke le' zeajle'anke le'. 24De ten gzolho to yajsio' xhen lo nisado' na, te nisa rhasa rheyodzo lo barko na. Te Jesús gosie. 25Na'arhe bene lachhile'anke le' guiajke yiajpanke le', na rhe'ake le':
—¡Xanto, bsla' ne'ato! ¡Chirhetajrha chhi'ilha!
26Le' bochhie':
—¿Nobixhkia' rdzebigaslhe? ¡Le'atiga rheajelheye'a! Diozo
Na gne' ten, guiase te gochhie be'e kan nisado', te bebe' chhizirha. 27Le'ake, rhe'akiekene banachhi, na rnabe leza'ake:
—¿Noxha bene ni, le'ankaga be'e kan nisado' rze'anagaka kie'?
Bene dze'eke be'e malha lo yechhi Gadara
(Mc 5.1-20; Lc 8.26-39)
28Kati bchhin Jesús tzala'a nisado', lo yechhi Gadara, chopa bene yo'oke be'e malha broajke lo kapasando na guiajke ga' zee. Rhonke snia' te bigslano rhaka te lhaneza na; 29na grechhiya'ake rhe'ake Jesús:
—¡Bisgotza kio' le'an ne'ato, Xhi'in Diozo! ¿Ablalho ni kinda gsakayalho ne'ato zia'alha kati zi xhchhin dza yelhalhe?
30Gagozi kuite ga' dzake dzakagazi kochi' rhagokaba, 31te ka taxiwe na gotayokata Jesús:
—Chen yebeajlho ne'ato, be'ana lataj tzo'oto lo ka kochi' na.
32Jesús gochhie leketa:
—Letzeaj.
Ka taxiwe na berhoajkata lo ka bene te beyo'okata lo ka kochi'; tina'agsizi yogote'a ka kochi' na bxhonajkaba betajkaba ga' sde'abi bchhinte'a bladzokaba lo nisado', te na' goekaba nisa.
33Ka bene ryoke kochi' boxhonajke, te nan bechhinke lo yechhi gzolhoke rguixaje'eke tan goka, yogote'a ka' goka kika bene guio'oke taxiwe. 34Na'arhe yogoka bene yechhi guiajke ga' ze'a Jesús, te nan ble'ekene le' gotayoke le' kinda yiaje ga' yobilha.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Porciones en Zapoteco de Yalahui, Oaxaca, México © Sociedad Bíblica de México, A.C.