Luc 11
11
Malongi maJesus mu diambu dudusambu
(Matt 6.9-13; 7.7-11)
1Yilumbu yimosi Jesus anomana usambila mudukitsi andi umosi amavosa nandi rie: Fumu, ralonsi usambila nana Jean amalonsila badukitsi bandi.
2Jesus amabalonsa rie: Ava duisambilili vosanu rie:
Tata,
diina diagu dibi yingitsi;
durumu duagu duruyi.
3Tuveyi namunyi biguji biyilumbu yieyiyi.
4Tutandi masumu metu
mu mbari jetu wetu tuitandi uotsu aguituvayili mabi;
tuveyi mangolu urina mbangulu
5Jesus amamuevosa na badukitsi bandi rie: Yika tsie pa umosi va gari enu owenda o ndagu mbatsi andi va gari mukolu novosa nandi rie: Kokolu, nsombisi mapa marieru. 6Nyimadila muenyi na ngaa na biguji umuvega. 7Yika tsie pa mbatsi owagula rie: Wendanga nyimakebindiyila ndagu. Jetu na baana tumasilama, ngomuerungula uguvega biguji. 8Dimosi nyijabi, agosimbuga ugugabila mu diambu didinonga tumba osimbuga noguvega motsu mawelimina mu mbari guimuvondingi na yisuebiri. 9Menu nyidutsinguli rie: Vondanganu na duvegungu; rombanganu na dulabanga; dukisanganu na dudibululungu. 10Mu mbari uotsu oyivondingi edilingi, oyirombingi elabingi na bedibulilingi oyidukisingi. 11Jenu bataji, duvega muana ngongula pa evondi nyama mamba? 12Pa evondi dikeji gumuvega kuru? 13Lesa jenu babi duijabi uvayila baana benu maboti tambusa na Taji aguvu o julu! Agovega Yinyunyi yiandi ombu botsu abemuwivuli?
Jesus amawagula abemufuengilili
(Matt 12.22-30; Marc 3.22-27)
14Jesus amapalisa yinyunyi yibi ayimarombisa dibaala bubaba. Yinyunyi yibi yinopalusu dibaala amavosa; batu bapuela bamakambulu. 15Bamosi bamavosa rie: Beelzebul, yivunda yibinyunyi bibi emuveyi mangolu ubipalisa. 16Basusu bamaronda umuweliga kabogu bamamuwivula ubalasa yimaga yiNsambi. 17Jesus anojaba matasa mogu amavosa nogu rie: Dilongu diotsu adi batu betoyi joʼ beni na joʼ beni diutsiemuga, mukuta uotsu aguvu na burandu utsiemuga. 18Kabogu pa durumu duSatan eni duvu na dupasu dugotsiemuga? Jenu duivosi yiri nyipalisi binyunyi bibi mu mbari Beelzebul epeyi mangolu. 19Kabogu kwagulianu, pa menu nyibipalisi nana, badukitsi benu yika tsie bebipalisili? Labanu badukitsi benu bedulasi yiri duna mbela. 20Nyipalisingi binyunyi bibi na mangolu maNsambi, adina dilasi yiri Durumu duNsambi dumakejabununu.
21Pa dibaala ana bitogulu ekelisi ndagu andi na bima biandi bigaa na diambu. 22Tumba yiotsu ayi dibaala disusu adivu na mangolu emuviolili, emupatuli bitogulu abi amalevayila yitu na biandi biotsu biukindu.
23Jandi ogaa nami ana kueru nami na jandi ogesali va mosi nami ebivisi yisalu.
Dugabugu duyinyunyi yibi
(Matt 12.43-45)
24Ava yinyunyi yibi yipalili mutu, yilingingi o yiari ayigaa na mamba uyenarombanga mbura utsanina. Pa jandi agejidili evosi rie: Nyulegabuga o ndagu aji nyimapalila. 25Kabogu egabuyi o ndagu jigombulu na jiminsu. 26Mbana egungi yisambuali yibinyunyi bisusu abibiva uviolila jandi uyetsana va mosi nandi. Nsanunu jiusita jimutu eni jimaviolila ajitega ubiva.
Ubueji aguvu ungensa
27Jesus anomana uvosa mambu meni mugetu amagamuga rie: Ka muna ubueji gu uvu na mugetu agumagubura na agumaguvega mabenyi!
28Tumba Jesus amawagula rie: Nesi, tsiri nana! Ubueji uvu na jogu abegulu mambu maNsambi na bemadedili!
Yilimba yimawivulu
(Matt 12.38-42)
29Batu banogungasana bapuela, Jesus amabuela rie: Ka muna dibi di divu na batu batemu ejiji! Bekeli yilimba tumba bagolaba yilimba yisusu yika ayi Jonas mubiyitsi. 30Nana Jonas amabila yilimba ombu bisi Ninive, munongu mosi Muana Mutu oba yilimba ombu batu batemu ejiji. 31Mu yilumbu yimufundu kaga jimugetu ajimaruyila o tandu oba na musuga ufuengilila batu batemu ejiji. Jandi amaketsoyisa na mulingu uneni tsiri mu disusu yika ugulu malongi madiela diSalomon; na avava va gari enu vavu oyiviolili ne Salomon. 32Mu yilumbu yimufimdu bisi Ninive bodufuengilila mu mbari ava bamagululu malongi maJonas bamakalula diela; na avava va gari enu vavu oyiviolili ne Jonas.
Yijalala yidunyuru
(Matt 5.15; 6.22-23)
33Mutu agebangisi paga ujisuega vo ujisunsa o tsi ponsi tumba ejisunsi va mbura jiwelimina yiri ava batu bokotila bolaba yijalala. 34Misu la yijalala yidunyuru. Pa misu magu magaa na dimungi guilabi yijalala tumba yiotsu ayi misu mavu na birieri yika pisama na pisama. 35Kabogu kebana yiri yijalala yigotsima te na guba o tsi pisama. 36Munongu mosi nana paga jimonitsiii mbura tsiotsu utsiemusa pisama, yijalala ayivu nagu yiurungula utiemusa pisama tsiotsu.
Jesus ufuengilila efuengilili baJuif abamaba baPharisie na milonsi mimigaga
(Matt 23.1-36; Marc 12.38-40)
37Jesus anomana uvosa, muJuif agumaba muPharisie amamunengila o uji; anokota amasundila utsana va tavula. 38MuPharisie anolaba yiri asamagolila mamba amakambulu. 39Kabogu Fumu amamutsingula rie: Gulu nana jenu baPharisie duvu; duji nderi duisusi kopa na yipela yika o yijujulu tumba o gari tsienu dubasa na nsala udaga na mbivulu tsiotsu. 40Jenu bijaku duvu! Nsambi omasala yijujulu asamasala o gari wandi? 41Kabogu abivu mu kopa tsienu na bipela bienu biveyianu ombu bijaga mbana duba dulioma.
42Ka muna maguga ma jenu baPharisie dulaba! Duiveyi yimosi mu digumi mu miguba na milingidi na mu magaji mamunongu na munongu tumba duigungisi usungama na durondu duNsambi: amana ama mbe duivayi, tsiri ugungisa masusu.
43Ka muna maguga ma jenu baPharisie dulaba! Duirombi bitsiga bibatu baneni o Mandagu maBibenguna na duirondi uyitsu va misu mabatu. 44Ka muna maguga ma dulaba! Duji nana ngila atsivu o tsi biriri na batu betsitsiarili tsiri ujaba.
45Mulonsi umigaga umosi amamutsingula rie: Muionsi, ava guivosili nana guitulensi!
46Jesus amagabusila rie: Ka muna maguga ma jenu milonsi mimigaga dulaba! Duinangusi batu mifuna mitsira tumba duibusi ubamuna kata. 47Ka muna maguga ma dulaba! Duibumbi ngila tsibabiyitsi aba bataji benu bamaboka. 48Duji kingu mosi na bataji benu, bamaboka babiyitsi na duibumbi ngila tsiogu. 49La dibandu Nsambi amavosila rie: Nyubatindila babiyitsi na bilumbi; boboka bamosi na bokuana basusu. 50Batu batemu ejiji bokilusu mu diambu dibabiyitsi abamaboku ubanda va dibandu dibulongu, 51ubongila na Abel te na Zacharie agumaboku va gari yinyensulu yipagu na Ndagu Nsambi. Nyiina, nyidutsinguli rie: Batu batemu ejiji bokilusu mu diambu dijogu botsu.
52Ka muna maguga ma jenu milonsi mimigaga dulaba! Dumasuega tsafi diela ajivu jiwelimina udibula diguyi dindagu, diwendi rie: diela diotsu duisueyi. Jenu beni dugedirondi na duigandisi jogu abavu na nsala dionyi.
53Jesus anopala vana, milonsi mimigaga na baPharisie bamamunyonyila kabu jineni na bamamuwivula bivu bimunongu na munongu. 54Bamaronda umuweliga yiri bomufuengilila mamfurulu ava evosili.
Chwazi Kounye ya:
Luc 11: PUU1992
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
La sainte Bible en langue Yipunu © Alliance Biblique du Cameroun, 1992.
Luc 11
11
Malongi maJesus mu diambu dudusambu
(Matt 6.9-13; 7.7-11)
1Yilumbu yimosi Jesus anomana usambila mudukitsi andi umosi amavosa nandi rie: Fumu, ralonsi usambila nana Jean amalonsila badukitsi bandi.
2Jesus amabalonsa rie: Ava duisambilili vosanu rie:
Tata,
diina diagu dibi yingitsi;
durumu duagu duruyi.
3Tuveyi namunyi biguji biyilumbu yieyiyi.
4Tutandi masumu metu
mu mbari jetu wetu tuitandi uotsu aguituvayili mabi;
tuveyi mangolu urina mbangulu
5Jesus amamuevosa na badukitsi bandi rie: Yika tsie pa umosi va gari enu owenda o ndagu mbatsi andi va gari mukolu novosa nandi rie: Kokolu, nsombisi mapa marieru. 6Nyimadila muenyi na ngaa na biguji umuvega. 7Yika tsie pa mbatsi owagula rie: Wendanga nyimakebindiyila ndagu. Jetu na baana tumasilama, ngomuerungula uguvega biguji. 8Dimosi nyijabi, agosimbuga ugugabila mu diambu didinonga tumba osimbuga noguvega motsu mawelimina mu mbari guimuvondingi na yisuebiri. 9Menu nyidutsinguli rie: Vondanganu na duvegungu; rombanganu na dulabanga; dukisanganu na dudibululungu. 10Mu mbari uotsu oyivondingi edilingi, oyirombingi elabingi na bedibulilingi oyidukisingi. 11Jenu bataji, duvega muana ngongula pa evondi nyama mamba? 12Pa evondi dikeji gumuvega kuru? 13Lesa jenu babi duijabi uvayila baana benu maboti tambusa na Taji aguvu o julu! Agovega Yinyunyi yiandi ombu botsu abemuwivuli?
Jesus amawagula abemufuengilili
(Matt 12.22-30; Marc 3.22-27)
14Jesus amapalisa yinyunyi yibi ayimarombisa dibaala bubaba. Yinyunyi yibi yinopalusu dibaala amavosa; batu bapuela bamakambulu. 15Bamosi bamavosa rie: Beelzebul, yivunda yibinyunyi bibi emuveyi mangolu ubipalisa. 16Basusu bamaronda umuweliga kabogu bamamuwivula ubalasa yimaga yiNsambi. 17Jesus anojaba matasa mogu amavosa nogu rie: Dilongu diotsu adi batu betoyi joʼ beni na joʼ beni diutsiemuga, mukuta uotsu aguvu na burandu utsiemuga. 18Kabogu pa durumu duSatan eni duvu na dupasu dugotsiemuga? Jenu duivosi yiri nyipalisi binyunyi bibi mu mbari Beelzebul epeyi mangolu. 19Kabogu kwagulianu, pa menu nyibipalisi nana, badukitsi benu yika tsie bebipalisili? Labanu badukitsi benu bedulasi yiri duna mbela. 20Nyipalisingi binyunyi bibi na mangolu maNsambi, adina dilasi yiri Durumu duNsambi dumakejabununu.
21Pa dibaala ana bitogulu ekelisi ndagu andi na bima biandi bigaa na diambu. 22Tumba yiotsu ayi dibaala disusu adivu na mangolu emuviolili, emupatuli bitogulu abi amalevayila yitu na biandi biotsu biukindu.
23Jandi ogaa nami ana kueru nami na jandi ogesali va mosi nami ebivisi yisalu.
Dugabugu duyinyunyi yibi
(Matt 12.43-45)
24Ava yinyunyi yibi yipalili mutu, yilingingi o yiari ayigaa na mamba uyenarombanga mbura utsanina. Pa jandi agejidili evosi rie: Nyulegabuga o ndagu aji nyimapalila. 25Kabogu egabuyi o ndagu jigombulu na jiminsu. 26Mbana egungi yisambuali yibinyunyi bisusu abibiva uviolila jandi uyetsana va mosi nandi. Nsanunu jiusita jimutu eni jimaviolila ajitega ubiva.
Ubueji aguvu ungensa
27Jesus anomana uvosa mambu meni mugetu amagamuga rie: Ka muna ubueji gu uvu na mugetu agumagubura na agumaguvega mabenyi!
28Tumba Jesus amawagula rie: Nesi, tsiri nana! Ubueji uvu na jogu abegulu mambu maNsambi na bemadedili!
Yilimba yimawivulu
(Matt 12.38-42)
29Batu banogungasana bapuela, Jesus amabuela rie: Ka muna dibi di divu na batu batemu ejiji! Bekeli yilimba tumba bagolaba yilimba yisusu yika ayi Jonas mubiyitsi. 30Nana Jonas amabila yilimba ombu bisi Ninive, munongu mosi Muana Mutu oba yilimba ombu batu batemu ejiji. 31Mu yilumbu yimufundu kaga jimugetu ajimaruyila o tandu oba na musuga ufuengilila batu batemu ejiji. Jandi amaketsoyisa na mulingu uneni tsiri mu disusu yika ugulu malongi madiela diSalomon; na avava va gari enu vavu oyiviolili ne Salomon. 32Mu yilumbu yimufimdu bisi Ninive bodufuengilila mu mbari ava bamagululu malongi maJonas bamakalula diela; na avava va gari enu vavu oyiviolili ne Jonas.
Yijalala yidunyuru
(Matt 5.15; 6.22-23)
33Mutu agebangisi paga ujisuega vo ujisunsa o tsi ponsi tumba ejisunsi va mbura jiwelimina yiri ava batu bokotila bolaba yijalala. 34Misu la yijalala yidunyuru. Pa misu magu magaa na dimungi guilabi yijalala tumba yiotsu ayi misu mavu na birieri yika pisama na pisama. 35Kabogu kebana yiri yijalala yigotsima te na guba o tsi pisama. 36Munongu mosi nana paga jimonitsiii mbura tsiotsu utsiemusa pisama, yijalala ayivu nagu yiurungula utiemusa pisama tsiotsu.
Jesus ufuengilila efuengilili baJuif abamaba baPharisie na milonsi mimigaga
(Matt 23.1-36; Marc 12.38-40)
37Jesus anomana uvosa, muJuif agumaba muPharisie amamunengila o uji; anokota amasundila utsana va tavula. 38MuPharisie anolaba yiri asamagolila mamba amakambulu. 39Kabogu Fumu amamutsingula rie: Gulu nana jenu baPharisie duvu; duji nderi duisusi kopa na yipela yika o yijujulu tumba o gari tsienu dubasa na nsala udaga na mbivulu tsiotsu. 40Jenu bijaku duvu! Nsambi omasala yijujulu asamasala o gari wandi? 41Kabogu abivu mu kopa tsienu na bipela bienu biveyianu ombu bijaga mbana duba dulioma.
42Ka muna maguga ma jenu baPharisie dulaba! Duiveyi yimosi mu digumi mu miguba na milingidi na mu magaji mamunongu na munongu tumba duigungisi usungama na durondu duNsambi: amana ama mbe duivayi, tsiri ugungisa masusu.
43Ka muna maguga ma jenu baPharisie dulaba! Duirombi bitsiga bibatu baneni o Mandagu maBibenguna na duirondi uyitsu va misu mabatu. 44Ka muna maguga ma dulaba! Duji nana ngila atsivu o tsi biriri na batu betsitsiarili tsiri ujaba.
45Mulonsi umigaga umosi amamutsingula rie: Muionsi, ava guivosili nana guitulensi!
46Jesus amagabusila rie: Ka muna maguga ma jenu milonsi mimigaga dulaba! Duinangusi batu mifuna mitsira tumba duibusi ubamuna kata. 47Ka muna maguga ma dulaba! Duibumbi ngila tsibabiyitsi aba bataji benu bamaboka. 48Duji kingu mosi na bataji benu, bamaboka babiyitsi na duibumbi ngila tsiogu. 49La dibandu Nsambi amavosila rie: Nyubatindila babiyitsi na bilumbi; boboka bamosi na bokuana basusu. 50Batu batemu ejiji bokilusu mu diambu dibabiyitsi abamaboku ubanda va dibandu dibulongu, 51ubongila na Abel te na Zacharie agumaboku va gari yinyensulu yipagu na Ndagu Nsambi. Nyiina, nyidutsinguli rie: Batu batemu ejiji bokilusu mu diambu dijogu botsu.
52Ka muna maguga ma jenu milonsi mimigaga dulaba! Dumasuega tsafi diela ajivu jiwelimina udibula diguyi dindagu, diwendi rie: diela diotsu duisueyi. Jenu beni dugedirondi na duigandisi jogu abavu na nsala dionyi.
53Jesus anopala vana, milonsi mimigaga na baPharisie bamamunyonyila kabu jineni na bamamuwivula bivu bimunongu na munongu. 54Bamaronda umuweliga yiri bomufuengilila mamfurulu ava evosili.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
La sainte Bible en langue Yipunu © Alliance Biblique du Cameroun, 1992.