Luc 18
18
Nongu jimukuili na nsonsi
1Jesus amababuayila nongu ulonsa yiri mutu asambilingi temu tsiotsu; ayalabanga murima utsira. 2Amavosa rie: Vamaba nsonsi va musiengi ajisamaduma Nsambi na asamayitsa batu. 3Va musiengi eni vamaba mukuili wandi agumamutsoyisanga nomuwivulanga rie: Payili bunsonsi buyimbambila. 4Amalebusanga. Mbana amavosa rie: Diuleba ngedumi Nsambi na ngeyitsi batu 5ne nana mu mbari mukuili eni ensoyisi nyumutabulila bunsonsi yiri agomueruganga na yindandi umbulisa muru.
6Fumu amabuela rie: Guluanu adimavosu na nsonsi jibi! 7Je Nsambi agotabulila abandi bunsonsi, jogu abamasoluga abemugamuyili nyangu na mukolu! Je jandi otsikadana mu diambu diogu? 8Nyidutsinguli rie: Obatabulila bunsonsi buyimbambila na bisuasu. Tsienyi, Muana Mutu orasuna abavu na yitu ava oruyila?
Nongu jimuJuif agumaba muPharisie na jimubongitsi lepu
9Temu jisusu Jesus amalaba batu abamaba na dunangu mu diambu dimaboti mogu tumba bamalensa maboti mabatu basusu. Kabogu amababuayila nongu ejiji rie: 10Babaala babeji bamawenda o Ndagu Nsambi uyesambila: umosi amaba muJuif agumaba muPharisie na ususu amaba mubongitsi lepu. 11MuPharisie amarelama na amasambila rie: Aa Nsambi, nyigugabusili diboti mu mbari ngaa nana batu basusu: ngedayi, ngevayi mabi, ngevayi bumbembu na va julu vana nyigabusi diboti mu mbari ngaa nana mubongitsi lepu egugu. 12Nyibusi uji bilumbu bibeji tsona tsiotsu na nyiveyi yimosi mu digumi mu biotsu abi nyidili. 13Mubongitsi lepu amakakana mua vala, asamanangula ne misu o julu tumba amaduma tulu andi. Mbana amasambila rie: Aa Nsambi, nyiji muvayitsi masumu! Ka ndasi yingeba! 14Jesus amabuela rie: Yiotsu ayi dibaala diedidi amawendila o ndagu andi amatandu na Nsambi tsiri muPharisie. Mu mbari uotsu aguikematisa osundusu na aguikesundusa omatusu.
Jesus usakiga esakiyi baana bageyi miogu
(Matt 19.13-15; Marc 10.13-16)
15Batu bamabega baana bageyi ombu Jesus yiri obasakiga miogu. Badukitsi banolaba yiri bevayi nana bamabasiemba. 16Jesus amanengila baana na amavosa rie: Baana baruyi ombu gami! Duyabagandisa mu mbari ombu munongu egugu Durumu duNsambi duvu. 17Jabanu yiri uotsu agugosinga Durumu duNsambi nana muana ugeyi agaa muna.
Yisina
(Matt 19.16-30; Marc 10.17-31)
18Yivunda yibaJuif yimosi amawivula Jesus rie: Mulonsi uboti, yi nyuvaga udila monyu umutubu?
19Jesus amamugabusila rie: Mu mbari yi guindengili muboti? Vagaa muboti yika Nsambi buandi.
20Guijabi maruma memama: guyavaga bumbembu, guyaboka, guyadaga, guyafura, yitsa taji agu na nguji.
21Dibaala amamuwagula rie: Ubongila va bungebi buami nyimakelisa maruma memama motsu.
22Jesus anodigulu amavosa rie: Vaki diambu dimosi! Weʼ yesumbisa biotsu abivu nagu novega mbongu ombu bijaga na guba na busina o julu. Va julu vana ruga, nduki!
23Dibaala anodigulu amatunga dusisi mu mbari amaba yisina yineni. 24Jesus anolaba yiri amanyonga amavosa rie: Divu divura ombu yisina ujaba Durumu duNsambi! 25Nyiina, divu divura yiri tsungu ovioga va digola ditsongi tumba divu diviolila uvura yiri yisina ojaba Durumu duNsambi.
26Batu abamamugulu bamawivula rie: Kabogu anyi orungula ugobulu?
27Jesus amabagabusila rie: Adivu divura ombu batu digaa divura ombu Nsambi.
28Mbana Pierre amavosa rie: Jetu tumabusa biotsu na tumaguduka.
29Jesus amamuwagula rie: Nyiina! Nyidutsinguli rie: Ojivu na murima ubusa ndagu andi nesi mugatsi andi nesi baana banguji bandi nesi bataji na banguji bandi nesi baana bandi mu diambu diDurumu duNsambi 30okelusu ne uviolila mu temu ejiji na odila monyu umutubu ogusu.
Jesus ebuesi ubalonsa nana ofuila na nana orambuyila
(Matt 20.17-19; Marc 10.32-34)
31Jesus amanengila digumi na badukitsi babeji na amabatsingula rie: O Jerusalem tuiweʼ. Motsu ama babiyitsi bamasona mu diambu diMuana Mutu moyedugusu. 32Ovegu ombu abageduki Nsambi. Jogu bomudesa na bomufuengilila na bomufuta mateji. 33Bomudimba mikasa na bomuboka. Mu yilumbu ayimurieru orambuga o dufu.
34Tumba badukitsi basamagulu ama Jesus amavosa mu mbari motsu amamavosu nandi mamabasuegu, basamatsiyisa ne dimosi.
Jesus ubelusa ebelusi yidunga
(Matt 20.29-34; Marc 10.46-52)
35Jesus amatola bebeli na Jericho. Va mugula nsila vamaba yidunga ayimavondanga. 36Anogulu batu bapuela bevioyi amawivula rie: Yina yi? 37Bamamutsingula rie: Jesus muisi Nazareth evioyi. 38Kabogu amagamuga rie: Jesus muana David, ndasi yingeba!
39Batu abamaba o gusu bamamusiemba na bamavosa nandi rie: Vola sui! Amabuela ugamuga na mangolu rie: Muana David, ndasi yingeba!
40Kabogu Jesus anosikama amaruma yiri bamubeyili yidunga. Yidunga anokueka, Jesus amamuwivula rie: 41Yi guirondi yiri nyuguvayila?
Jandi amawagula rie: Mulonsi, nyirondi ulaba.
42Jesus amamutsingula rie: Tiemuna, yitu yiagu yimagutiemusa.
43Muna diweru dieni jandi amalaba na amaduka Jesus na amagabusila diboti ombu Nsambi. Batu botsu banodilaba bamayitsa Nsambi.
Chwazi Kounye ya:
Luc 18: PUU1992
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
La sainte Bible en langue Yipunu © Alliance Biblique du Cameroun, 1992.
Luc 18
18
Nongu jimukuili na nsonsi
1Jesus amababuayila nongu ulonsa yiri mutu asambilingi temu tsiotsu; ayalabanga murima utsira. 2Amavosa rie: Vamaba nsonsi va musiengi ajisamaduma Nsambi na asamayitsa batu. 3Va musiengi eni vamaba mukuili wandi agumamutsoyisanga nomuwivulanga rie: Payili bunsonsi buyimbambila. 4Amalebusanga. Mbana amavosa rie: Diuleba ngedumi Nsambi na ngeyitsi batu 5ne nana mu mbari mukuili eni ensoyisi nyumutabulila bunsonsi yiri agomueruganga na yindandi umbulisa muru.
6Fumu amabuela rie: Guluanu adimavosu na nsonsi jibi! 7Je Nsambi agotabulila abandi bunsonsi, jogu abamasoluga abemugamuyili nyangu na mukolu! Je jandi otsikadana mu diambu diogu? 8Nyidutsinguli rie: Obatabulila bunsonsi buyimbambila na bisuasu. Tsienyi, Muana Mutu orasuna abavu na yitu ava oruyila?
Nongu jimuJuif agumaba muPharisie na jimubongitsi lepu
9Temu jisusu Jesus amalaba batu abamaba na dunangu mu diambu dimaboti mogu tumba bamalensa maboti mabatu basusu. Kabogu amababuayila nongu ejiji rie: 10Babaala babeji bamawenda o Ndagu Nsambi uyesambila: umosi amaba muJuif agumaba muPharisie na ususu amaba mubongitsi lepu. 11MuPharisie amarelama na amasambila rie: Aa Nsambi, nyigugabusili diboti mu mbari ngaa nana batu basusu: ngedayi, ngevayi mabi, ngevayi bumbembu na va julu vana nyigabusi diboti mu mbari ngaa nana mubongitsi lepu egugu. 12Nyibusi uji bilumbu bibeji tsona tsiotsu na nyiveyi yimosi mu digumi mu biotsu abi nyidili. 13Mubongitsi lepu amakakana mua vala, asamanangula ne misu o julu tumba amaduma tulu andi. Mbana amasambila rie: Aa Nsambi, nyiji muvayitsi masumu! Ka ndasi yingeba! 14Jesus amabuela rie: Yiotsu ayi dibaala diedidi amawendila o ndagu andi amatandu na Nsambi tsiri muPharisie. Mu mbari uotsu aguikematisa osundusu na aguikesundusa omatusu.
Jesus usakiga esakiyi baana bageyi miogu
(Matt 19.13-15; Marc 10.13-16)
15Batu bamabega baana bageyi ombu Jesus yiri obasakiga miogu. Badukitsi banolaba yiri bevayi nana bamabasiemba. 16Jesus amanengila baana na amavosa rie: Baana baruyi ombu gami! Duyabagandisa mu mbari ombu munongu egugu Durumu duNsambi duvu. 17Jabanu yiri uotsu agugosinga Durumu duNsambi nana muana ugeyi agaa muna.
Yisina
(Matt 19.16-30; Marc 10.17-31)
18Yivunda yibaJuif yimosi amawivula Jesus rie: Mulonsi uboti, yi nyuvaga udila monyu umutubu?
19Jesus amamugabusila rie: Mu mbari yi guindengili muboti? Vagaa muboti yika Nsambi buandi.
20Guijabi maruma memama: guyavaga bumbembu, guyaboka, guyadaga, guyafura, yitsa taji agu na nguji.
21Dibaala amamuwagula rie: Ubongila va bungebi buami nyimakelisa maruma memama motsu.
22Jesus anodigulu amavosa rie: Vaki diambu dimosi! Weʼ yesumbisa biotsu abivu nagu novega mbongu ombu bijaga na guba na busina o julu. Va julu vana ruga, nduki!
23Dibaala anodigulu amatunga dusisi mu mbari amaba yisina yineni. 24Jesus anolaba yiri amanyonga amavosa rie: Divu divura ombu yisina ujaba Durumu duNsambi! 25Nyiina, divu divura yiri tsungu ovioga va digola ditsongi tumba divu diviolila uvura yiri yisina ojaba Durumu duNsambi.
26Batu abamamugulu bamawivula rie: Kabogu anyi orungula ugobulu?
27Jesus amabagabusila rie: Adivu divura ombu batu digaa divura ombu Nsambi.
28Mbana Pierre amavosa rie: Jetu tumabusa biotsu na tumaguduka.
29Jesus amamuwagula rie: Nyiina! Nyidutsinguli rie: Ojivu na murima ubusa ndagu andi nesi mugatsi andi nesi baana banguji bandi nesi bataji na banguji bandi nesi baana bandi mu diambu diDurumu duNsambi 30okelusu ne uviolila mu temu ejiji na odila monyu umutubu ogusu.
Jesus ebuesi ubalonsa nana ofuila na nana orambuyila
(Matt 20.17-19; Marc 10.32-34)
31Jesus amanengila digumi na badukitsi babeji na amabatsingula rie: O Jerusalem tuiweʼ. Motsu ama babiyitsi bamasona mu diambu diMuana Mutu moyedugusu. 32Ovegu ombu abageduki Nsambi. Jogu bomudesa na bomufuengilila na bomufuta mateji. 33Bomudimba mikasa na bomuboka. Mu yilumbu ayimurieru orambuga o dufu.
34Tumba badukitsi basamagulu ama Jesus amavosa mu mbari motsu amamavosu nandi mamabasuegu, basamatsiyisa ne dimosi.
Jesus ubelusa ebelusi yidunga
(Matt 20.29-34; Marc 10.46-52)
35Jesus amatola bebeli na Jericho. Va mugula nsila vamaba yidunga ayimavondanga. 36Anogulu batu bapuela bevioyi amawivula rie: Yina yi? 37Bamamutsingula rie: Jesus muisi Nazareth evioyi. 38Kabogu amagamuga rie: Jesus muana David, ndasi yingeba!
39Batu abamaba o gusu bamamusiemba na bamavosa nandi rie: Vola sui! Amabuela ugamuga na mangolu rie: Muana David, ndasi yingeba!
40Kabogu Jesus anosikama amaruma yiri bamubeyili yidunga. Yidunga anokueka, Jesus amamuwivula rie: 41Yi guirondi yiri nyuguvayila?
Jandi amawagula rie: Mulonsi, nyirondi ulaba.
42Jesus amamutsingula rie: Tiemuna, yitu yiagu yimagutiemusa.
43Muna diweru dieni jandi amalaba na amaduka Jesus na amagabusila diboti ombu Nsambi. Batu botsu banodilaba bamayitsa Nsambi.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
La sainte Bible en langue Yipunu © Alliance Biblique du Cameroun, 1992.