Gimpuunan 4
4
Sida ni Kain ni Abil
1Nag-ulid si Adam sa kay asawa sa kan Iba. Ag namuduy si Iba. Bag-u pagka nanganak magkun siya, “Nagkaimaw aku anak lalaki sa awat Panginuun, nakan Kain#4:1 Kain: Mahimu kay ibug sabihun, nagkaimaw. kang ipaingaran sa kanya.” 2Pagka dugay, nanganak maan lalaki si Iba, ag Abil kay ipinaingaran sa kanya.
Si Abil usa ka manug-alaga manga karanidu hanggan kambing. Si Kain bay manugtanman kay buwat. 3Sa usa ka sirang, nagdara si Kain kay manga burak halaman kay ihinandug sa Panginuun. 4Si Abil waydi nagbuul usa sa kay panganay pag manga alaga hayup, iniyaw niya inda ag ihinandug sa Diyus ti pinakamayad pag bahagi. Nakabaya ti Panginuun sa kan Abil hanggan sa kay handug, 5dapat balaw siya nakabaya sa kan Kain hanggan sa kay handug. Dahil siyun, nagalit gid si Kain, unman may mapatuladan kay uyahun. 6Bag-u nagpaingana ti Panginuun sa kan Kain, “Hayga kawu magkagalit? Hayga unman may mapatuladan kanmu uyahun? 7Nu kawu mana magbuwat lang mayad, man-aw masulung diman kawu. Dapat nu dayu kawu magbuwat mayad, bilang ga mablitangan sa kanmu sabian ti kasalanan, mag-alagad wadi sa kanmu pasaka, bag-u aban kawu yi kay suruguun. Nakan kailangan kawu di gid ti panalu.”
8Pagka sa usa ka sirang, tinaban ni Kain kay ari si Abil atag sa kapadangan. Pagka ati yi sida, minatay ni Kain kay ari si Abil.
9Nagpaingana ti Panginuun sa kan Kain, “Naan yi duy kanmu ari si Abil?” Nagsagut si Kain, “Tau duy, aku lugud alam aw. Hayga, aku aw lugud ti manugbantay niku ari?” 10Magkun ti Panginuun sa kan Kain, “Hintay lugud kanmu binwat? Kay dugu nimu ari ga magdangup sa kangku ginan sa daga magpaawa-awa hampay balusan niku ti nagmatay sa kanya. 11Dahil sa kanmu binwat, saadan niku kawu. Inda ginan balaw yi kawu mahimu magtanman sa daga imaw ti natuyungan dugu nimu ari kanmu minatay. 12Una kawu magtanman, ti daga balaw yi pumakaun uya sa kanmu. Ag udyi kawu may pirmaminti ulian, nakan palakaw-lakaw wadi kawu una naan tag.”
13Nagsabi si Kain sa Panginuun, “Kanmu saad dayi maagwanta niku. 14Malu, taynguna aku kanmu yi itinulak ginan sa inda pag daga hanggan ginan sa kanmu atubangan. Bag-u aku malakaw-lakawan wadi, udyi may pirmaminti ulian. Nakan una hintay ti makakit sa kangku barang aku matyun.”
15Dapat magkun ti Panginuun sa kan Kain, “Balaw tunda mangyari sa kanmu! Dahil una hintay ti mumatay sa kanmu kang gantihan pitu ka ulit.” Pinaulian Panginuun si Kain usa ka tanda hampay balaw siya matyun una hintay ti makakit sa kanya. 16Bag-u nighit si Kain ginan sa atubangan Panginuun, ati siya sa Nud#4:16 Nud: Mahimu kay ibug sabihun, una wadi naan pag rugar pag mag-atag. pag nangulian baliwa sa may butlakan init sa halamanan Idin.
Kay manga Linahi ni Kain
17Nag-ulid si Kain sa kay asawa. Namuduy kay asawa ag nanganak lalaki, pinaingarnan nida siya Inuk. Si Kain nagbuwat usa ka banwa. Tunda pag banwa pinaingarnan niya angay sa ngaran niya anak nakan banwa Inuk. 18Kay waydi anak lalaki ni Inuk si Irad. Si Irad kay ama ni Mihuyail; si Mihuyail kay ama ni Mitusail; ag si Mitusail kay ama ni Lamik. 19Si Lamik nangagduwa. Kay ngaran kay usa si Ada, kay ikadwa waydi si Sila. 20Ainanak ni Ada si Habal, siya ti gimpuunan manga tawu mag-ulian sa manga turda mag-alaga manga hayup. 21May patar-ari lalaki si Habal kay ngaran si Hubal, siya ti gimpuunan tanan manugpatunug alpa hanggan palawta. 22Si Sila nanganak diman lalaki kay ngaran si Tubal Kain. Si Tubal Kain manugpanday tanan kalasi garamitun ginan sa baul hanggan galang. May patar-ari siya babayi kay ngaran si Naama.
23Pagka sa usa ka sirang, magkun si Lamik sa kay duwa ka asawa,
“Ada, Sila, pagpatingi gid sa kang bagaw.
Minatay niku ti usa ka kan-akan dahil aku kay waydi biniyagan.
24Nu pitu ka ulit kay balus sa tawu mumatay sa kan Kain,
pitumpulu waydi may pitu kay balus sa tawu mumatay sa kangku.”
Kay manga Linahi ni Sit
25Nag-ulid maan si Adam sa kan Iba, ag nanganak si Iba usa ka lalaki. Magkun siya, “Pinakan-an maan aku Diyus anak lalaki bilang ilis sa kan Abil, ti minatay ni Kain, nakan ingarnan niku siya Sit.#4:25 Sit: Mahimu kay ibug sabihun sa Hibriyu, ipinakaun.” 26Pagka sa uryan, si Sit may anak diman lalaki iningarnan Inus. Sa katpung panahun ni Inus, nag-umpisa ti manga tawu magtawag sa ngaran Panginuun.#4:26 nag-umpisa ... Panginuun: ngatay, nag-umpisa ti manga tawu sa pagsamba sa Panginuun.
Chwazi Kounye ya:
Gimpuunan 4: HNN
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Copyright © 2023 by OMF International, Philippines
Gimpuunan 4
4
Sida ni Kain ni Abil
1Nag-ulid si Adam sa kay asawa sa kan Iba. Ag namuduy si Iba. Bag-u pagka nanganak magkun siya, “Nagkaimaw aku anak lalaki sa awat Panginuun, nakan Kain#4:1 Kain: Mahimu kay ibug sabihun, nagkaimaw. kang ipaingaran sa kanya.” 2Pagka dugay, nanganak maan lalaki si Iba, ag Abil kay ipinaingaran sa kanya.
Si Abil usa ka manug-alaga manga karanidu hanggan kambing. Si Kain bay manugtanman kay buwat. 3Sa usa ka sirang, nagdara si Kain kay manga burak halaman kay ihinandug sa Panginuun. 4Si Abil waydi nagbuul usa sa kay panganay pag manga alaga hayup, iniyaw niya inda ag ihinandug sa Diyus ti pinakamayad pag bahagi. Nakabaya ti Panginuun sa kan Abil hanggan sa kay handug, 5dapat balaw siya nakabaya sa kan Kain hanggan sa kay handug. Dahil siyun, nagalit gid si Kain, unman may mapatuladan kay uyahun. 6Bag-u nagpaingana ti Panginuun sa kan Kain, “Hayga kawu magkagalit? Hayga unman may mapatuladan kanmu uyahun? 7Nu kawu mana magbuwat lang mayad, man-aw masulung diman kawu. Dapat nu dayu kawu magbuwat mayad, bilang ga mablitangan sa kanmu sabian ti kasalanan, mag-alagad wadi sa kanmu pasaka, bag-u aban kawu yi kay suruguun. Nakan kailangan kawu di gid ti panalu.”
8Pagka sa usa ka sirang, tinaban ni Kain kay ari si Abil atag sa kapadangan. Pagka ati yi sida, minatay ni Kain kay ari si Abil.
9Nagpaingana ti Panginuun sa kan Kain, “Naan yi duy kanmu ari si Abil?” Nagsagut si Kain, “Tau duy, aku lugud alam aw. Hayga, aku aw lugud ti manugbantay niku ari?” 10Magkun ti Panginuun sa kan Kain, “Hintay lugud kanmu binwat? Kay dugu nimu ari ga magdangup sa kangku ginan sa daga magpaawa-awa hampay balusan niku ti nagmatay sa kanya. 11Dahil sa kanmu binwat, saadan niku kawu. Inda ginan balaw yi kawu mahimu magtanman sa daga imaw ti natuyungan dugu nimu ari kanmu minatay. 12Una kawu magtanman, ti daga balaw yi pumakaun uya sa kanmu. Ag udyi kawu may pirmaminti ulian, nakan palakaw-lakaw wadi kawu una naan tag.”
13Nagsabi si Kain sa Panginuun, “Kanmu saad dayi maagwanta niku. 14Malu, taynguna aku kanmu yi itinulak ginan sa inda pag daga hanggan ginan sa kanmu atubangan. Bag-u aku malakaw-lakawan wadi, udyi may pirmaminti ulian. Nakan una hintay ti makakit sa kangku barang aku matyun.”
15Dapat magkun ti Panginuun sa kan Kain, “Balaw tunda mangyari sa kanmu! Dahil una hintay ti mumatay sa kanmu kang gantihan pitu ka ulit.” Pinaulian Panginuun si Kain usa ka tanda hampay balaw siya matyun una hintay ti makakit sa kanya. 16Bag-u nighit si Kain ginan sa atubangan Panginuun, ati siya sa Nud#4:16 Nud: Mahimu kay ibug sabihun, una wadi naan pag rugar pag mag-atag. pag nangulian baliwa sa may butlakan init sa halamanan Idin.
Kay manga Linahi ni Kain
17Nag-ulid si Kain sa kay asawa. Namuduy kay asawa ag nanganak lalaki, pinaingarnan nida siya Inuk. Si Kain nagbuwat usa ka banwa. Tunda pag banwa pinaingarnan niya angay sa ngaran niya anak nakan banwa Inuk. 18Kay waydi anak lalaki ni Inuk si Irad. Si Irad kay ama ni Mihuyail; si Mihuyail kay ama ni Mitusail; ag si Mitusail kay ama ni Lamik. 19Si Lamik nangagduwa. Kay ngaran kay usa si Ada, kay ikadwa waydi si Sila. 20Ainanak ni Ada si Habal, siya ti gimpuunan manga tawu mag-ulian sa manga turda mag-alaga manga hayup. 21May patar-ari lalaki si Habal kay ngaran si Hubal, siya ti gimpuunan tanan manugpatunug alpa hanggan palawta. 22Si Sila nanganak diman lalaki kay ngaran si Tubal Kain. Si Tubal Kain manugpanday tanan kalasi garamitun ginan sa baul hanggan galang. May patar-ari siya babayi kay ngaran si Naama.
23Pagka sa usa ka sirang, magkun si Lamik sa kay duwa ka asawa,
“Ada, Sila, pagpatingi gid sa kang bagaw.
Minatay niku ti usa ka kan-akan dahil aku kay waydi biniyagan.
24Nu pitu ka ulit kay balus sa tawu mumatay sa kan Kain,
pitumpulu waydi may pitu kay balus sa tawu mumatay sa kangku.”
Kay manga Linahi ni Sit
25Nag-ulid maan si Adam sa kan Iba, ag nanganak si Iba usa ka lalaki. Magkun siya, “Pinakan-an maan aku Diyus anak lalaki bilang ilis sa kan Abil, ti minatay ni Kain, nakan ingarnan niku siya Sit.#4:25 Sit: Mahimu kay ibug sabihun sa Hibriyu, ipinakaun.” 26Pagka sa uryan, si Sit may anak diman lalaki iningarnan Inus. Sa katpung panahun ni Inus, nag-umpisa ti manga tawu magtawag sa ngaran Panginuun.#4:26 nag-umpisa ... Panginuun: ngatay, nag-umpisa ti manga tawu sa pagsamba sa Panginuun.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Copyright © 2023 by OMF International, Philippines