Utumbulilu 6
6
Uhakau wa bhandu
1Chikahi bhandu pabhajonjukiki pundema na kubheleka bhana bha chimbomba, 2bhana bha chikambaku bhaka Chapanga bhakabhaweni akakamwali bha bhandu habha kubha nde bhanyahi, bhakabhatoliki bhala bhabhapala kubha bhahanu bhabhu. 3Bambo Chapanga akapwaghike, “Roho jangu ngajipengani na mundu mileli, maghambu jombi nde wa kupotela pela. Bhela, machobha ghaki gha kutama anaghabya mia moja na ishilini.” 4Bhanefili bhakabhi pundema mu machobha ghanihagha, na pakalongi, bhana bha chikambaku bhaka Chapanga bhakaghonili na akakamwali bha bhandu na kubheleka nabhu. Bhanefili bhakabhi bhana makili na bhandu bhabhamanyakini bha mwande.
5Bambo Chapanga paakabhaweni kubha bhandu bhahenga kila ntundu wa mahakau pundema, na kubha kila lijambu lealiholalelala muntima waki nde lihakau pela machobha ghokapi. 6Bambo akasikitiki namaa kwa kumbomba mundu pundema, na ukumbiniki namaa mtima waki. 7Bhela akapwaghike, “Ananumuyonanga mundu jonumbombiki panani ja ndema, papamu na hinyama ya muchitengu, ihumbi yeikwabha, na hijuni ya kunani. Nzikitika kwa kumbomba pundema.” 8Nambu Nuhu akapati chihomu pamihu jaka Chapanga.
Nuhu
9Ayeyi nde ibheleku yaka Nuhu. Nuhu akabhi mundu joajetakaliwi palongi jaka Chapanga na ndongwana pachilanda ja bhandu bha chikahi chaki, Nuhu akatami matamu gha kunyambiha Chapanga. 10Nuhu akabhi na bhana bhatatu bha chikambaku, Shemu, Hamu na Jafeti. 11Chapanga akaweni kubha ndema utehi kuyonangeka na utweli uhakau ukolongwa. 12Chapanga akaweni ntundu ndema mouyonangakile, maghambu kila mundu pundema akajengalili indela jaki jihakau.
13Bhela Chapanga akumpwaghi Nuhu, “Ananabhayonanga bhandu bhokapi, maghambu ndema utweli uhakau kwa ndandi jabhu. Chakaka nepani ananabhayonanga bhandu papamu na ndema. 14Bhela, ulilenganakya safina ngolongwa kwa mbau ya nkongu wa mvinje, ulenganakya yumba mkati jaki na ujipaka lami mkati na kunja. 15Anana nde mowajilenganakyaje: Safina jibya na ulachu wa mikwamba mia tatu, upana waki mikwamba hamsini, na kinyoleka kwaki mikwamba selasini. 16Safina jeniheji jibya ja gholofa itatu, na jibya na ndyangu punkeghi. Ujilenganakya unhwaghala, na ujileka mbekenyu ngati nusu nkwamba pachilanda ja nhwaghala na dali. 17Lingalya, ananeta ghalika ja machi panani ja ndema, ananiyonanga kila chindu chechibhi na hyegha na mbomu ja womi, ngachikubha pundema. Kila chindu panani ja ndema anachipotilaje. 18Nambu anameka lulaghilu lwangu na wehapa. Anaujingala mu safina, wehapa papamu na nhwanu waku, bhana bhaku na akabhahanu bhabhu. 19Wijingiha mkati ja safina kila ntundu wa chiumbe, chikambaku na chimbomba, na kuighoha ibya yomi papamu na wehapa. 20Wijingiha ihumbi ibheli ibheli kwa kila ntundu wa hijuni, kila ntundu wa hinyama, kila ntundu wa chiumbi chechikwabha paluhombi anaihika kwaku nahuli ighohakika kubha yomi. 21Utola chilebhi cha kila ntundu chechilelakeka, ukabhonganaje, nachombi anachibya nde chilebhi chinu na chabhu.” 22Nuhu akahengiki ghokapi wichu ngati Chapanga moakundaghalakile.
Chwazi Kounye ya:
Utumbulilu 6: MpBV
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The New Testament in Mpoto Language ©The Word for the World International and Mpoto Language Translation, 2020 All rights reserved.
Utumbulilu 6
6
Uhakau wa bhandu
1Chikahi bhandu pabhajonjukiki pundema na kubheleka bhana bha chimbomba, 2bhana bha chikambaku bhaka Chapanga bhakabhaweni akakamwali bha bhandu habha kubha nde bhanyahi, bhakabhatoliki bhala bhabhapala kubha bhahanu bhabhu. 3Bambo Chapanga akapwaghike, “Roho jangu ngajipengani na mundu mileli, maghambu jombi nde wa kupotela pela. Bhela, machobha ghaki gha kutama anaghabya mia moja na ishilini.” 4Bhanefili bhakabhi pundema mu machobha ghanihagha, na pakalongi, bhana bha chikambaku bhaka Chapanga bhakaghonili na akakamwali bha bhandu na kubheleka nabhu. Bhanefili bhakabhi bhana makili na bhandu bhabhamanyakini bha mwande.
5Bambo Chapanga paakabhaweni kubha bhandu bhahenga kila ntundu wa mahakau pundema, na kubha kila lijambu lealiholalelala muntima waki nde lihakau pela machobha ghokapi. 6Bambo akasikitiki namaa kwa kumbomba mundu pundema, na ukumbiniki namaa mtima waki. 7Bhela akapwaghike, “Ananumuyonanga mundu jonumbombiki panani ja ndema, papamu na hinyama ya muchitengu, ihumbi yeikwabha, na hijuni ya kunani. Nzikitika kwa kumbomba pundema.” 8Nambu Nuhu akapati chihomu pamihu jaka Chapanga.
Nuhu
9Ayeyi nde ibheleku yaka Nuhu. Nuhu akabhi mundu joajetakaliwi palongi jaka Chapanga na ndongwana pachilanda ja bhandu bha chikahi chaki, Nuhu akatami matamu gha kunyambiha Chapanga. 10Nuhu akabhi na bhana bhatatu bha chikambaku, Shemu, Hamu na Jafeti. 11Chapanga akaweni kubha ndema utehi kuyonangeka na utweli uhakau ukolongwa. 12Chapanga akaweni ntundu ndema mouyonangakile, maghambu kila mundu pundema akajengalili indela jaki jihakau.
13Bhela Chapanga akumpwaghi Nuhu, “Ananabhayonanga bhandu bhokapi, maghambu ndema utweli uhakau kwa ndandi jabhu. Chakaka nepani ananabhayonanga bhandu papamu na ndema. 14Bhela, ulilenganakya safina ngolongwa kwa mbau ya nkongu wa mvinje, ulenganakya yumba mkati jaki na ujipaka lami mkati na kunja. 15Anana nde mowajilenganakyaje: Safina jibya na ulachu wa mikwamba mia tatu, upana waki mikwamba hamsini, na kinyoleka kwaki mikwamba selasini. 16Safina jeniheji jibya ja gholofa itatu, na jibya na ndyangu punkeghi. Ujilenganakya unhwaghala, na ujileka mbekenyu ngati nusu nkwamba pachilanda ja nhwaghala na dali. 17Lingalya, ananeta ghalika ja machi panani ja ndema, ananiyonanga kila chindu chechibhi na hyegha na mbomu ja womi, ngachikubha pundema. Kila chindu panani ja ndema anachipotilaje. 18Nambu anameka lulaghilu lwangu na wehapa. Anaujingala mu safina, wehapa papamu na nhwanu waku, bhana bhaku na akabhahanu bhabhu. 19Wijingiha mkati ja safina kila ntundu wa chiumbe, chikambaku na chimbomba, na kuighoha ibya yomi papamu na wehapa. 20Wijingiha ihumbi ibheli ibheli kwa kila ntundu wa hijuni, kila ntundu wa hinyama, kila ntundu wa chiumbi chechikwabha paluhombi anaihika kwaku nahuli ighohakika kubha yomi. 21Utola chilebhi cha kila ntundu chechilelakeka, ukabhonganaje, nachombi anachibya nde chilebhi chinu na chabhu.” 22Nuhu akahengiki ghokapi wichu ngati Chapanga moakundaghalakile.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The New Testament in Mpoto Language ©The Word for the World International and Mpoto Language Translation, 2020 All rights reserved.