Utumbulilu 8
8
Kujomalela kwa machi ghamahele
1Bhela, Chapanga akunkombwiki Nuhu, na hinyama yokapi ya muchitengu na hinyama ya kudimakika yeyakabhi papamu naku mkati ja safina. Chapanga akautendiki mpongu kupogha panani ja ndema, na machi ghakatumbwi kujomalela. 2Chemichemi ya machi yeibhi pahi nakanopi ja ndema na madilisha gha kunani kumahunde ghakajighalike. Ihula jakahibhalike, 3na machi ghakajendali kujomalela mbolimboli pundema. Paghapetiki machobha mia moja na hamsini, machi ghakajomali nakanope. 4Mu lichobha la kumi na saba la mwehi wa saba, safina jakajemiki panani ja chitombi cha Alalati. 5Machi ghakajendali kujomalela mbaka mwehi wa kumi, na lichobha la kutumbula la mwehi wa kumi, panani ja itombi pakabhonakine.
6Paghapetiki machobha alobaini, Nuhu akalihowi lidilisha leakabhi alenganakile mu safina heji, 7na kulipiha likongolu kunja, nalombi lakabhi ligholoka kola na kola mbaka machi paghajomalile panani ja ndema. 8Bhela, Nuhu akajipihiki ngunda nahuli abhonaje ngati machi ghakabhi ghajomalile panani ja ndema. 9Nambu kwa kubha machi ghakabhi ghakali ghayekiki ndema wokapi, ngunda heji ngachejapatiki pandu pa kumetela, bhela jakakelawiki kwaka Nuhu mkati ja safina. Nuhu akahatambwi chibhoku chaki, akajitoliki ngunda heji na kujikelabhuha mu safina. 10Nuhu akalendalili kwa machobha ghangi saba, na kujipiha kabhete ngunda heji kuhuma mu safina. 11Chikahi ngunda heji pajakelawiki kwaka Nuhu pakamihi, jakabhi na lihamba libhei mundomu waki. Bhela, Nuhu akamanyi kubha machi ghakabhi ghajomalile panani ja ndema. 12Panihapa akalendalili kwa machobha ghangi saba, akajitumiki kabhete ngunda jela, nambu chikahi chenu ngunda ngachejakelawiki kabheti ng'o.
13Mu lichobha la kutumbula la mwehi wa kutumbula la chaka cha mia sita na moja, la kutama kwaka Nuhu, machi ghakabhi ghajomalile pundema. Nuhu akayekwili mfuniku wa safina, na paakalingalili, akaweni kubha ndema ukabhi ujomike. 14Mu lichobha la ishilini na saba la mwehi wa kabheli, inchi jakabhi jijomiki nakanope.
15Panihapa Chapanga akumpwaghi Nuhu, 16“Upitaje mu safina, wehapa papamu na nhwanu waku, bhana bhaku na akabhahanu bhabhu. 17Kabhete upiha ihumbi yokapi yeibhi yomi yeibhi papamu na wehapa, hijuni, hinyama na ihumbi yokapi yeikwabha panani ja ndema, nahuli ikabhelakanaje na kujonjukeka na kuutwelakela kabhete ndema.” 18Bhela, Nuhu akapitiki mu safina papamu na nhwanu waki, bhana bhaki na akabhahanu bhabhu. 19Hinyama yokapi na ihumbi yokapi yeikwabha panani ja ndema na hijuni yokapi, na kila chindu chechijenda panani ja ndema kwa ntundu waki, yakapitiki kuhuma mu safina.
Nuhu ambokeha Chapanga nyambiku ja kujochakeka
20Bhela Nuhu akunchengi Chapanga chihanja cha nyambiku, na kutola chinyama chimu mu kila ntundu wa hinyama yeibhi inyahi na ijuni yeibhi inyahi, na kumbokeha Chapanga nyambiku ja kujochakeka panani ja chihanja cha nyambiku. 21Bambo akajowini unungilu unyahi wa kunyambiha, najombi akapwaghiki muntima waki, “Nganaupekehi masolu kabhete ndema kwa ndandi jaka mundu, maghambu manyi kubha maholalelu gha mtima waka mundu nde mahakau kutumbu umwana waki. Wala nganailapuli kabhete ihumbi yokapi ngati mondendile. 22Henu kwa ntundu ndema moujendalela kubha, chikahi cha kupanda na kuhuna, chikahi cha imbepu na kupyopa, chikahi cha kungonde na kunkachi, muhi na ikilu, ngaikotoki ng'o.”
Chwazi Kounye ya:
Utumbulilu 8: MpBV
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The New Testament in Mpoto Language ©The Word for the World International and Mpoto Language Translation, 2020 All rights reserved.
Utumbulilu 8
8
Kujomalela kwa machi ghamahele
1Bhela, Chapanga akunkombwiki Nuhu, na hinyama yokapi ya muchitengu na hinyama ya kudimakika yeyakabhi papamu naku mkati ja safina. Chapanga akautendiki mpongu kupogha panani ja ndema, na machi ghakatumbwi kujomalela. 2Chemichemi ya machi yeibhi pahi nakanopi ja ndema na madilisha gha kunani kumahunde ghakajighalike. Ihula jakahibhalike, 3na machi ghakajendali kujomalela mbolimboli pundema. Paghapetiki machobha mia moja na hamsini, machi ghakajomali nakanope. 4Mu lichobha la kumi na saba la mwehi wa saba, safina jakajemiki panani ja chitombi cha Alalati. 5Machi ghakajendali kujomalela mbaka mwehi wa kumi, na lichobha la kutumbula la mwehi wa kumi, panani ja itombi pakabhonakine.
6Paghapetiki machobha alobaini, Nuhu akalihowi lidilisha leakabhi alenganakile mu safina heji, 7na kulipiha likongolu kunja, nalombi lakabhi ligholoka kola na kola mbaka machi paghajomalile panani ja ndema. 8Bhela, Nuhu akajipihiki ngunda nahuli abhonaje ngati machi ghakabhi ghajomalile panani ja ndema. 9Nambu kwa kubha machi ghakabhi ghakali ghayekiki ndema wokapi, ngunda heji ngachejapatiki pandu pa kumetela, bhela jakakelawiki kwaka Nuhu mkati ja safina. Nuhu akahatambwi chibhoku chaki, akajitoliki ngunda heji na kujikelabhuha mu safina. 10Nuhu akalendalili kwa machobha ghangi saba, na kujipiha kabhete ngunda heji kuhuma mu safina. 11Chikahi ngunda heji pajakelawiki kwaka Nuhu pakamihi, jakabhi na lihamba libhei mundomu waki. Bhela, Nuhu akamanyi kubha machi ghakabhi ghajomalile panani ja ndema. 12Panihapa akalendalili kwa machobha ghangi saba, akajitumiki kabhete ngunda jela, nambu chikahi chenu ngunda ngachejakelawiki kabheti ng'o.
13Mu lichobha la kutumbula la mwehi wa kutumbula la chaka cha mia sita na moja, la kutama kwaka Nuhu, machi ghakabhi ghajomalile pundema. Nuhu akayekwili mfuniku wa safina, na paakalingalili, akaweni kubha ndema ukabhi ujomike. 14Mu lichobha la ishilini na saba la mwehi wa kabheli, inchi jakabhi jijomiki nakanope.
15Panihapa Chapanga akumpwaghi Nuhu, 16“Upitaje mu safina, wehapa papamu na nhwanu waku, bhana bhaku na akabhahanu bhabhu. 17Kabhete upiha ihumbi yokapi yeibhi yomi yeibhi papamu na wehapa, hijuni, hinyama na ihumbi yokapi yeikwabha panani ja ndema, nahuli ikabhelakanaje na kujonjukeka na kuutwelakela kabhete ndema.” 18Bhela, Nuhu akapitiki mu safina papamu na nhwanu waki, bhana bhaki na akabhahanu bhabhu. 19Hinyama yokapi na ihumbi yokapi yeikwabha panani ja ndema na hijuni yokapi, na kila chindu chechijenda panani ja ndema kwa ntundu waki, yakapitiki kuhuma mu safina.
Nuhu ambokeha Chapanga nyambiku ja kujochakeka
20Bhela Nuhu akunchengi Chapanga chihanja cha nyambiku, na kutola chinyama chimu mu kila ntundu wa hinyama yeibhi inyahi na ijuni yeibhi inyahi, na kumbokeha Chapanga nyambiku ja kujochakeka panani ja chihanja cha nyambiku. 21Bambo akajowini unungilu unyahi wa kunyambiha, najombi akapwaghiki muntima waki, “Nganaupekehi masolu kabhete ndema kwa ndandi jaka mundu, maghambu manyi kubha maholalelu gha mtima waka mundu nde mahakau kutumbu umwana waki. Wala nganailapuli kabhete ihumbi yokapi ngati mondendile. 22Henu kwa ntundu ndema moujendalela kubha, chikahi cha kupanda na kuhuna, chikahi cha imbepu na kupyopa, chikahi cha kungonde na kunkachi, muhi na ikilu, ngaikotoki ng'o.”
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The New Testament in Mpoto Language ©The Word for the World International and Mpoto Language Translation, 2020 All rights reserved.