ሉቃሳ 6
6
ዬሱሳ ካሊያዋንቱ ሳምባታን ቲሻ ዱዲኖ
(ማት 12፡1-8፤ ማር 2፡23-28)
1ሳምባታ ጋላሲ ዬሱሲ ባሬና ካሊያዋንቱና ኢቲፔ ኢቲ ጎሻ ጊዱዋና ኣያ ዎዴ ኣ ካሊያዋንቱ ዛርጋፔ ቲሻ ዱዴ ባሬንቱ ኩሺያን ሺጌቺዴ ሙሳ ዶሜዲኖ። 2ፓሪሳዋቱዋ ጊዶፔ፥ «ሳምባታ ጋላሳን ኦናው ዎጋ ጊዴናዋ ኣያው ኦቴ?» ያጌዲኖ። 3ዬሱሲ፥ «ካቲያ ዳዊቴኔ ኢቲፔ ዴዒያዋንቱ ኮሻቴዳ ዎዴ ኦዳዋ ናባቢ ቤይኪቴ? 4ዳዊቴ ፆሳ ጎሊያ ጌሊዴ ቄሳቱዋፔ ኣቲን ሃራ ኣሳይ ሜናዳን ዲጌቴዳ፥ ፆሳው ያርሼቴዳ ቁማ ሜዳ። ኢቲፔ ዴዒያዋንቱካ ኢ ኢሚናዴ ሜዲኖ» ያጊ ዛሬዳ። #ዎግ 24፡9
5ሃዋፔ ካሊዴ ዬሱሲ፥ «ኣሳ ናዓይ ሳምባታው ጎዳ!» ጌዳ።
ዬሱሲ ኩሺ ጉንዴዳ ቢታኒያ ፓዳ
(ማት 12፡9-14፤ ማር 3፡1-6)
6ሃራ ሳምባታ ጋላሳን ዬሱሲ ኣዪሁዳቱዋ ዎሲያ ጎሊያ ጌሊዴ ታማሪሲ ዴዔ። ሄዋንካ ኡሼቻ ኩሺ ሲሌዳ ቢታኒ ዴዔ። 7ሂጊያ ታማርሲያዋንቱኔ ፓሪሳዋቱ ዬሱሳ ሞቲያ ጋሱዋ ዴማናው ኢ ሳምባታን ኣሳ ፓፔ ቤዓና ጊዴ ናጊ ዴዒኖ። 8ኢካ ኡንቱንቱ ቆፋ ኤሪዴ ኩሺ ሲሌዳ ቢታኒያ፥ «ዴንዳ ኣሳ ጊዱዋን ኤቃ» ያጌዳ። ቢታኒካ ዴንዲ ኤቄዳ።
9ሄዋፔ ሲሚዴ ዬሱሲ፥ «ሃኒንቶኔ ሳምባታ ጋላሳን ሎዖባ ኦናው ቤሲዬ ኢታባ ኦናው ቤሲ? ሼምፑዋ ኣሻናው ቤሲዬ ዎናው ቤሲ?» ያጌዳ። 10ዬሱሲ ባሬ ዩሹዋን ዴዒያ ኣሳ ኡባ ፄሎዋፔ ጉዪያን ቢታኒያ፥ «ኔ ኩሺያ ሚጫ!» ያጌዳ። ኢካ ሚጪዴ ፓፄዳ።
11ኡንቱንቱ ሎይ ሃንቄቲዴ ዬሱሳ ቦላ ኦናዋ ባሬንቱ ጊዶን ማቄቴዲኖ።
ዬሱሲ ታማኔ ላዑ ኪቴቴዳዋንታ ዶሬዳ
(ማት 10፡1-4፤ ማር 3፡13-19)
12ሄ ዎዲያን ዬሱሲ ዴሪያ ቦላ ዎሳናው ኬሴዳ፤ ሄዋንካ ቃማ ኩሜን ፆሳኮ ዎሲዴ ኣቄዳ። 13ሳዓይ ዎንቶዋን ባሬና ካሊያዋንታ ፄሴዳ። ሄዋንቱፔካ ታማኔ ላዓቱዋ ዶሪዴ፥ «ኪቴቴዳዋንታ» #6፡13 ኪቴቴዳዋንታ፡ ሃዋ ጉሳይ ታማኔ ላዑ ዬሱሲ ኪቴዳ ሃዋራቱዋ ጉሳ። ያጊዴ ሱንዳ። 14ኡንቱንቱ ሱንይካ፡ ጴፂሮሳ ጊዴ ኢ ሱንዳ ሲሞና፥ ኣ ኢሻ ኢንዲራሳ፥ ያዪቆባ፥ ዮሃኒሳ፥ ፒሊጶሳኔ ባርታላሞሳ፥ 15ማቶሳ፥ ቶማሳ፥ ኢልፒዮሳ ናዓ ያዪቆባ፥ ባሬ ጋዴው ሴሌቲያ ሲሞና፥ 16ያዪቆባ ናዓ ዪሁዳኔ ዬሱሳ ኣ ኢሜዳ ኣስቆርቱ ዪሁዳ። #6፡16 ኣስቆርቱ፡ ሃዋ ጉሳይ ኣዪሁዳ ጋዲያን ዴዒያ ኣስቆሮቱ ጌቴቲያ ጋዲያፔ ዬናን ኣቴና ጉሳ። ሃ ሱን ቢሌይ፥ «ዎርዳንቻ»። ቃይካ፥ «ሃይቆ ኣ ኢሚያዋ» ጉሳ።
ዬሱሲ ጮራ ኣሳ ታማሪሴዳኔ ፓዳ
(ማት 4፡23-25)
17ዬሱሲካ ኡንቱንቱና ኢቲፔ ዴሪያፔ ዎዴ ዴምባሳን ኤቄዳ። ኣ ካሊያዋንቱፔካ ጮራ ኣሳይ ሄዋን ዴዔ። ቃይካ ኣፔ ሲሳናዉኔ ባሬንቱ ሃርጊያፔ ፓፃናው ዪሁዳ ጋዲያፔ፥ ዬሩሳላሜ ካታማፔ፥ ኣባ ማታን ዴዒያ ፂሮሳፔኔ ሲዶናፔ ዬዳ ጮራ ኣሳይ ሄዋን ዴዒኖ። 18ሃ ኣሳይካ ኣ ሲሳናዉኔ ባሬንቱ ሃርጊያፔ ፓፃናው ዬዲኖ። ቱና ኣያናን ኦይቄቲዴ ሜቶቲያዋንቱካ ፓፄዲኖ። 19ዎልቃይ ኣፔ ኬሲዴ ኡባ ፓያ ዲራው ኣሳይ ኡባይ ኣ ቦቻናው ኮዬ።
ኣንጁዋባኔ ሜቱዋባ
(ማት 5፡1-12)
20ባሬና ካሊያዋንታ ፄሊዴ ያጌዳ፡
«ሂንቴንቱ ማንቃቱ ኣንጄቴዳዋንታ፤
ኣዪሲ ጎፔ፥ ፆሳ ካዉቴይ ሂንቴንቱዋ።
21ሂንቴንቱ ሃዒ ኮሻቲያዋንቱ ኣንጄቴዳዋንታ፤
ጊዲኒ ካላኒታ፤ ሂንቴንቱ ሃዒ ዬኪያዋንቱ
ኣንጄቴዳዋንታ፤
ጊዲኒ ሚጫኒታ።
22«ኣሳ ናዓ ዲራው ሂንቴንታ ኣሳይ ኢፂያ ዎዴኔ ቶቺያ ዎዴ፥ ሂንቴንቱ ሱንካ ኢታን ዴንያ ዎዴ፥ ኣንጄቴዲታ። 23ሳሉዋን ሂንቴንቱ ኣካና ዎይታይ ዳራ ጊዲያ ዲራው ሄ ጋላሲ ናሼቻን ጉፒቴ፤ ጋሱካ ካሴ ሂንቴንቱ ኣዎቱ ናባቱዋ ቦላን ሃዋዳን ኦዴ ዴዔዲኖ።
24ዬዉዋን ቃሲ ዱሬ ኣሳቶ
ሂንቴንቶ ኣዬ፤ ሂንቴንቱ ኢሻሎ ዴዑዋን ዴዔዲታ።
25ሂንቴንቶ ሃዒ ካሌዳዋንቶ ኣዬ፤
ጊዲኒ ኮሻታኒታ፤
ሂንቴንቶ ሃዒ ሚጪያዋንቶ ኣዬ፤
ጊዲኒ ካዮታኒታኔ ዬካኒታ።
26ኣሳይ ኡባይ ሂንቴንቱ ሎዖቴባ ሃሳዪያ ዎዴ፥
ሂንቴንቶ ኣዬ፤
ካሴ ሂንቴንቱ ኣዎቱ ዎርዶ ናባቶ
ሃዋዳን ኦዲኖ።
ሞርኪያ ሲቃናው ቤሴ
(ማት 5፡38-48፤ 7፡12)
27«ሺን ታኒ ኦዲያዋ ሲሲያዋንቶ ያጋይ፡ ሂንቴንቱ ሞርኬቱዋ ዶሲቴ፤ ሂንቴና ኢፂያዋንቶ፥ ሎዑዋ ኦቴ፤ 28ሂንቴና ሼቂያዋንታ ኣንጂቴ፥ ሂንቴና ናቂያዋንቶ፥ ዎሲቴ። 29ኢቲ ባጋ ሻዪያ ባቂያዎ፥ ላዔዋካ ቤሳ፤ ኦኒኔ ኔ ኮቲያ ኣኪያዎ፥ ኔ ሻሚጪያካ ዲጎፓ።
30«ኔው ዴዒያዋ ኔና ዎሲያዎ፥ ኢማ፤ ኔዋ ኣኬዳዋ፥ ዛራ ጋዴ ኦቾፓ። 31ኣሳይ ሂንቴንቶ ኦና ማላ ሂንቴንቱ ዶሲያዋዳን፥ ሂንቴንቱካ ሃራው ሃዋዳን ኦቴ።
32«ሂንቴንታ ዶሲያዋንታ ፃላላ ዶሶፔ ኣይ ጋላታይ ዴዒ? ሃዋ ጊዶፔ ናጋራንቻቱካ ባሬና ዶሲያዋንታ ዶሲኖ። 33ሂንቴንቶ ሎዖባ ኦያዋንቱ ፃላላው ሂንቴንቱ ሎዖባ ኦፔ ሄዎ ኣይ ጋላታይ ዴዒ? ናጋራንቻቱካ ሃዋዳን ኦኖ። 34ታልዒዴ ሂንቴው ዛራናው ዳንዳዪያዋንቱ ፃላላው ታልዖፔ ኣይ ጋላታይ ዴዒ? ባሬ ታልዔዳዋ ዛሪዴ ኣካናው ናጋራንቻቱካ ባሬንቱ ጋርሳን ታልዔቲኖ። 35ሺን ሂንቴንቱ፥ ሂንቴንቱ ሞርኪያ ዶሲቴ፤ ኡንቱንቶካ ሎዖባ ኦቴ፤ ሂንቴንቱፔ ታልዖዋ ዛሪዲ ኣካናው ቆፖፒቴ። ሃዋ ሂንቴንቱ ፖሎፔ ሂንቴንቶ ጋቲ ዳራናዋ። ቃሲ ሂንቴንቱ ኡባፔ ቦላ ፆሳ ናና ጊዳኒታ። ኢ ኢታቶኔ ጋላቴናዋንቶካ ኬካ። 36ሂንቴንቱ ኣቡ ማሪያዋ ጊዶዋዳን ሂንቴንቱካ ማሪያዋንታ ጊዲቴ።
ሃራ ኣሳ ፒርዳናው ቤሴና
(ማት 7፡1-5)
37«ኦ ቦላንካ ፒርዶፒቴ፥ ሂንቴንቱ ቦላንካ ፒርዴቴና፤ ሃራ ቦላ ኩናኒያ ኦፒቴ፤ ሂንቴንቱ ቦላንካ ኩናኒ ኦሴቴና። ኣቶ ጊቴ፤ ፆሳይ ሂንቴንቶ ኣቶ ጋና። 38ኢሚቴ፤ ሂንቴንቶ ኢሜታና። ሂንቴንቱ ማኬዳ ማካን ሂንቴንቶ ማኬታና። ባቂ ናቂና ሲሊ ኩሚ ፓላህ ላሌቲያ ማካ ሂንቴንቱ ኪዉዋን ኢዲንና» ጌዳ።
39ቃሲካ ዬሱሲ ሃዋፔ ካሊያ ሌሚሱዋ ኦዴዳ፤ «ቆቃይ ቆቃ ካሌናው ዳንዳዪ? ቆቃይ ቆቃ ካሌፔ ላዓቱካ ኦይቄቲዴ ኦላን ኩንዲኪኖ? #ማት 15፡14 40ታማሪያዌ ባሬና ታማሪሲያዋፔ ኣና፤ ታማሪያዌ ሚኒ ታማሮፔ ባሬና ታማሪሶዋ ማላ ጊዳናው ዳንዳዬ።
41«ኔ ኣይፊያ ጊዶን ዴዒያ ቱሳ ኬሴናን ዴዓዴ ሃራ ኔ ላጊያ ኣይፊያ ጊዶን ዴዒያ ሱላ ኣያው ፄላይ? 42ኔ ኣይፊያ ጋርሳን ዴዒያ ቱሳ ቤዔናን ሃራ ኣሳኮ ሺቃዴ፥ ‹ታ ኢሻው፥ ኔ ኣይፊያ ጋርሳፔ ሱላ ታ ኬሶ?› ያጋናው ዎታ ዳንዳያይ? ሃ ሎዑዋ ማላቲያ ኢታው፥ ኮይሮታዴ ኔ ኣይፊያ ጊዶን ዴዒያ ቱሳ ኬሳ። ሄዋፔ ጉዪያን ኔ ኢሻ ኣይፊያ ጊዶን ዴዒያ ሱላ ኬሳናው ጌሻዴ ፄላናው ዳንዳያ።
ሚቶኔ ኢዛ ኣይፌዳ ኣይፊያ
(ማት 7፡16-20፤ 12፡33-35)
43«ሎዖ ሚይ ኢታ ኣይፊያ ኣይፌና፤ ሄዋዳንካ ኢታ ሚይ ሎዖ ኣይፊያ ኣይፋናው ዳንዳዬና። 44ሚይ ኡባይ ባሬ ኣይፊያ ኣይፊያዋን ኤሬቴ። ኣጉንፔ ዎዴን ኣይፊ ማፄቴና፤ ሃዋዳንካ፥ ፁንዱቂያፔ #6፡44 ፁንዱቂያ፡ ሃ ሚይ ጎሚዖሪያ ዛሪያ ጊዲዴ ኣ ኣዪፊ ኣያዉኔ ማዴናዋ። ላዲያ ኣይፊያ ማፃናው ዳንዳዬቴና። #ማት 12፡34 45ሎዖ ኣሳይ ባሬ ሎዖ ዎዛናፔ ሎዖ ዬዉዋ ሃሳዬ። ቃይ ኢታ ኣሳይ ባሬ ኢታ ዎዛናፔ ኢታ ዬዉዋ ሃሳዬ። ኣዪሲ ጎፔ፥ ኣሳይ ባሬ ዶናን ሃሳዪያዌ ባሬ ዎዛናን ኩሜዳዋ ዶናይ ሃሳዪያ ዲራሳ።
ላዑ ቆሞ ጎሊያ ኬፂያ ኣሳ
(ማት 7፡24-27)
46«ታኒ ኦዶዋ ኦኪታ፥ ሺን ኣያው ጎዳው፥ ጎዳው፥ ያጊዴ ታና ፄጊቴ? 47ታኮ ዪያ ኡባይ ታ ቃላካ ሲሲዴ ኦሱዋን ፔሺያዌ ኦና ማላቲንቶ ታ ሂንቴንታ ቤሳና፤ 48ኢካ ጎሊያ ኬፂዴ ዳሮ ኦላ ቦኪዴ ዛላ ቦላ ጊንቢዴ ኬፄዳ ኣሳ ማላቴ፤ ዲዑ ዲዒዴ ሄ ጎሊያ ሱጊናካ፥ ሚኖ ዛላ ቦላ ኬፄቶ ዲራው ቃናው ዳንዳይቤና። 49ቃይ ታ ቃላ ሲሲዴ ኦሱዋን ፔሼና ኡራይ ባሱ ባንታሳ ሻፊያ ቦላን ጎሊያ ኬፄዳዋ ማላቴ። ዲዑ ዲዒዴ ሄ ጎሊያ ሱጎ ዎዴ ማንዒያንካ ኩንዴዳ፤ ሄ ጎሊካ ኢታ ዎዳ ዎዲዴ ባዬዳ» ያጌዳ።
Chwazi Kounye ya:
ሉቃሳ 6: dwrENT
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2011, Wycliffe Bible Translators, Inc. All rights reserved.
Aprann plis bagay sou Ooratha Caaquwaaሉቃሳ 6
6
ዬሱሳ ካሊያዋንቱ ሳምባታን ቲሻ ዱዲኖ
(ማት 12፡1-8፤ ማር 2፡23-28)
1ሳምባታ ጋላሲ ዬሱሲ ባሬና ካሊያዋንቱና ኢቲፔ ኢቲ ጎሻ ጊዱዋና ኣያ ዎዴ ኣ ካሊያዋንቱ ዛርጋፔ ቲሻ ዱዴ ባሬንቱ ኩሺያን ሺጌቺዴ ሙሳ ዶሜዲኖ። 2ፓሪሳዋቱዋ ጊዶፔ፥ «ሳምባታ ጋላሳን ኦናው ዎጋ ጊዴናዋ ኣያው ኦቴ?» ያጌዲኖ። 3ዬሱሲ፥ «ካቲያ ዳዊቴኔ ኢቲፔ ዴዒያዋንቱ ኮሻቴዳ ዎዴ ኦዳዋ ናባቢ ቤይኪቴ? 4ዳዊቴ ፆሳ ጎሊያ ጌሊዴ ቄሳቱዋፔ ኣቲን ሃራ ኣሳይ ሜናዳን ዲጌቴዳ፥ ፆሳው ያርሼቴዳ ቁማ ሜዳ። ኢቲፔ ዴዒያዋንቱካ ኢ ኢሚናዴ ሜዲኖ» ያጊ ዛሬዳ። #ዎግ 24፡9
5ሃዋፔ ካሊዴ ዬሱሲ፥ «ኣሳ ናዓይ ሳምባታው ጎዳ!» ጌዳ።
ዬሱሲ ኩሺ ጉንዴዳ ቢታኒያ ፓዳ
(ማት 12፡9-14፤ ማር 3፡1-6)
6ሃራ ሳምባታ ጋላሳን ዬሱሲ ኣዪሁዳቱዋ ዎሲያ ጎሊያ ጌሊዴ ታማሪሲ ዴዔ። ሄዋንካ ኡሼቻ ኩሺ ሲሌዳ ቢታኒ ዴዔ። 7ሂጊያ ታማርሲያዋንቱኔ ፓሪሳዋቱ ዬሱሳ ሞቲያ ጋሱዋ ዴማናው ኢ ሳምባታን ኣሳ ፓፔ ቤዓና ጊዴ ናጊ ዴዒኖ። 8ኢካ ኡንቱንቱ ቆፋ ኤሪዴ ኩሺ ሲሌዳ ቢታኒያ፥ «ዴንዳ ኣሳ ጊዱዋን ኤቃ» ያጌዳ። ቢታኒካ ዴንዲ ኤቄዳ።
9ሄዋፔ ሲሚዴ ዬሱሲ፥ «ሃኒንቶኔ ሳምባታ ጋላሳን ሎዖባ ኦናው ቤሲዬ ኢታባ ኦናው ቤሲ? ሼምፑዋ ኣሻናው ቤሲዬ ዎናው ቤሲ?» ያጌዳ። 10ዬሱሲ ባሬ ዩሹዋን ዴዒያ ኣሳ ኡባ ፄሎዋፔ ጉዪያን ቢታኒያ፥ «ኔ ኩሺያ ሚጫ!» ያጌዳ። ኢካ ሚጪዴ ፓፄዳ።
11ኡንቱንቱ ሎይ ሃንቄቲዴ ዬሱሳ ቦላ ኦናዋ ባሬንቱ ጊዶን ማቄቴዲኖ።
ዬሱሲ ታማኔ ላዑ ኪቴቴዳዋንታ ዶሬዳ
(ማት 10፡1-4፤ ማር 3፡13-19)
12ሄ ዎዲያን ዬሱሲ ዴሪያ ቦላ ዎሳናው ኬሴዳ፤ ሄዋንካ ቃማ ኩሜን ፆሳኮ ዎሲዴ ኣቄዳ። 13ሳዓይ ዎንቶዋን ባሬና ካሊያዋንታ ፄሴዳ። ሄዋንቱፔካ ታማኔ ላዓቱዋ ዶሪዴ፥ «ኪቴቴዳዋንታ» #6፡13 ኪቴቴዳዋንታ፡ ሃዋ ጉሳይ ታማኔ ላዑ ዬሱሲ ኪቴዳ ሃዋራቱዋ ጉሳ። ያጊዴ ሱንዳ። 14ኡንቱንቱ ሱንይካ፡ ጴፂሮሳ ጊዴ ኢ ሱንዳ ሲሞና፥ ኣ ኢሻ ኢንዲራሳ፥ ያዪቆባ፥ ዮሃኒሳ፥ ፒሊጶሳኔ ባርታላሞሳ፥ 15ማቶሳ፥ ቶማሳ፥ ኢልፒዮሳ ናዓ ያዪቆባ፥ ባሬ ጋዴው ሴሌቲያ ሲሞና፥ 16ያዪቆባ ናዓ ዪሁዳኔ ዬሱሳ ኣ ኢሜዳ ኣስቆርቱ ዪሁዳ። #6፡16 ኣስቆርቱ፡ ሃዋ ጉሳይ ኣዪሁዳ ጋዲያን ዴዒያ ኣስቆሮቱ ጌቴቲያ ጋዲያፔ ዬናን ኣቴና ጉሳ። ሃ ሱን ቢሌይ፥ «ዎርዳንቻ»። ቃይካ፥ «ሃይቆ ኣ ኢሚያዋ» ጉሳ።
ዬሱሲ ጮራ ኣሳ ታማሪሴዳኔ ፓዳ
(ማት 4፡23-25)
17ዬሱሲካ ኡንቱንቱና ኢቲፔ ዴሪያፔ ዎዴ ዴምባሳን ኤቄዳ። ኣ ካሊያዋንቱፔካ ጮራ ኣሳይ ሄዋን ዴዔ። ቃይካ ኣፔ ሲሳናዉኔ ባሬንቱ ሃርጊያፔ ፓፃናው ዪሁዳ ጋዲያፔ፥ ዬሩሳላሜ ካታማፔ፥ ኣባ ማታን ዴዒያ ፂሮሳፔኔ ሲዶናፔ ዬዳ ጮራ ኣሳይ ሄዋን ዴዒኖ። 18ሃ ኣሳይካ ኣ ሲሳናዉኔ ባሬንቱ ሃርጊያፔ ፓፃናው ዬዲኖ። ቱና ኣያናን ኦይቄቲዴ ሜቶቲያዋንቱካ ፓፄዲኖ። 19ዎልቃይ ኣፔ ኬሲዴ ኡባ ፓያ ዲራው ኣሳይ ኡባይ ኣ ቦቻናው ኮዬ።
ኣንጁዋባኔ ሜቱዋባ
(ማት 5፡1-12)
20ባሬና ካሊያዋንታ ፄሊዴ ያጌዳ፡
«ሂንቴንቱ ማንቃቱ ኣንጄቴዳዋንታ፤
ኣዪሲ ጎፔ፥ ፆሳ ካዉቴይ ሂንቴንቱዋ።
21ሂንቴንቱ ሃዒ ኮሻቲያዋንቱ ኣንጄቴዳዋንታ፤
ጊዲኒ ካላኒታ፤ ሂንቴንቱ ሃዒ ዬኪያዋንቱ
ኣንጄቴዳዋንታ፤
ጊዲኒ ሚጫኒታ።
22«ኣሳ ናዓ ዲራው ሂንቴንታ ኣሳይ ኢፂያ ዎዴኔ ቶቺያ ዎዴ፥ ሂንቴንቱ ሱንካ ኢታን ዴንያ ዎዴ፥ ኣንጄቴዲታ። 23ሳሉዋን ሂንቴንቱ ኣካና ዎይታይ ዳራ ጊዲያ ዲራው ሄ ጋላሲ ናሼቻን ጉፒቴ፤ ጋሱካ ካሴ ሂንቴንቱ ኣዎቱ ናባቱዋ ቦላን ሃዋዳን ኦዴ ዴዔዲኖ።
24ዬዉዋን ቃሲ ዱሬ ኣሳቶ
ሂንቴንቶ ኣዬ፤ ሂንቴንቱ ኢሻሎ ዴዑዋን ዴዔዲታ።
25ሂንቴንቶ ሃዒ ካሌዳዋንቶ ኣዬ፤
ጊዲኒ ኮሻታኒታ፤
ሂንቴንቶ ሃዒ ሚጪያዋንቶ ኣዬ፤
ጊዲኒ ካዮታኒታኔ ዬካኒታ።
26ኣሳይ ኡባይ ሂንቴንቱ ሎዖቴባ ሃሳዪያ ዎዴ፥
ሂንቴንቶ ኣዬ፤
ካሴ ሂንቴንቱ ኣዎቱ ዎርዶ ናባቶ
ሃዋዳን ኦዲኖ።
ሞርኪያ ሲቃናው ቤሴ
(ማት 5፡38-48፤ 7፡12)
27«ሺን ታኒ ኦዲያዋ ሲሲያዋንቶ ያጋይ፡ ሂንቴንቱ ሞርኬቱዋ ዶሲቴ፤ ሂንቴና ኢፂያዋንቶ፥ ሎዑዋ ኦቴ፤ 28ሂንቴና ሼቂያዋንታ ኣንጂቴ፥ ሂንቴና ናቂያዋንቶ፥ ዎሲቴ። 29ኢቲ ባጋ ሻዪያ ባቂያዎ፥ ላዔዋካ ቤሳ፤ ኦኒኔ ኔ ኮቲያ ኣኪያዎ፥ ኔ ሻሚጪያካ ዲጎፓ።
30«ኔው ዴዒያዋ ኔና ዎሲያዎ፥ ኢማ፤ ኔዋ ኣኬዳዋ፥ ዛራ ጋዴ ኦቾፓ። 31ኣሳይ ሂንቴንቶ ኦና ማላ ሂንቴንቱ ዶሲያዋዳን፥ ሂንቴንቱካ ሃራው ሃዋዳን ኦቴ።
32«ሂንቴንታ ዶሲያዋንታ ፃላላ ዶሶፔ ኣይ ጋላታይ ዴዒ? ሃዋ ጊዶፔ ናጋራንቻቱካ ባሬና ዶሲያዋንታ ዶሲኖ። 33ሂንቴንቶ ሎዖባ ኦያዋንቱ ፃላላው ሂንቴንቱ ሎዖባ ኦፔ ሄዎ ኣይ ጋላታይ ዴዒ? ናጋራንቻቱካ ሃዋዳን ኦኖ። 34ታልዒዴ ሂንቴው ዛራናው ዳንዳዪያዋንቱ ፃላላው ታልዖፔ ኣይ ጋላታይ ዴዒ? ባሬ ታልዔዳዋ ዛሪዴ ኣካናው ናጋራንቻቱካ ባሬንቱ ጋርሳን ታልዔቲኖ። 35ሺን ሂንቴንቱ፥ ሂንቴንቱ ሞርኪያ ዶሲቴ፤ ኡንቱንቶካ ሎዖባ ኦቴ፤ ሂንቴንቱፔ ታልዖዋ ዛሪዲ ኣካናው ቆፖፒቴ። ሃዋ ሂንቴንቱ ፖሎፔ ሂንቴንቶ ጋቲ ዳራናዋ። ቃሲ ሂንቴንቱ ኡባፔ ቦላ ፆሳ ናና ጊዳኒታ። ኢ ኢታቶኔ ጋላቴናዋንቶካ ኬካ። 36ሂንቴንቱ ኣቡ ማሪያዋ ጊዶዋዳን ሂንቴንቱካ ማሪያዋንታ ጊዲቴ።
ሃራ ኣሳ ፒርዳናው ቤሴና
(ማት 7፡1-5)
37«ኦ ቦላንካ ፒርዶፒቴ፥ ሂንቴንቱ ቦላንካ ፒርዴቴና፤ ሃራ ቦላ ኩናኒያ ኦፒቴ፤ ሂንቴንቱ ቦላንካ ኩናኒ ኦሴቴና። ኣቶ ጊቴ፤ ፆሳይ ሂንቴንቶ ኣቶ ጋና። 38ኢሚቴ፤ ሂንቴንቶ ኢሜታና። ሂንቴንቱ ማኬዳ ማካን ሂንቴንቶ ማኬታና። ባቂ ናቂና ሲሊ ኩሚ ፓላህ ላሌቲያ ማካ ሂንቴንቱ ኪዉዋን ኢዲንና» ጌዳ።
39ቃሲካ ዬሱሲ ሃዋፔ ካሊያ ሌሚሱዋ ኦዴዳ፤ «ቆቃይ ቆቃ ካሌናው ዳንዳዪ? ቆቃይ ቆቃ ካሌፔ ላዓቱካ ኦይቄቲዴ ኦላን ኩንዲኪኖ? #ማት 15፡14 40ታማሪያዌ ባሬና ታማሪሲያዋፔ ኣና፤ ታማሪያዌ ሚኒ ታማሮፔ ባሬና ታማሪሶዋ ማላ ጊዳናው ዳንዳዬ።
41«ኔ ኣይፊያ ጊዶን ዴዒያ ቱሳ ኬሴናን ዴዓዴ ሃራ ኔ ላጊያ ኣይፊያ ጊዶን ዴዒያ ሱላ ኣያው ፄላይ? 42ኔ ኣይፊያ ጋርሳን ዴዒያ ቱሳ ቤዔናን ሃራ ኣሳኮ ሺቃዴ፥ ‹ታ ኢሻው፥ ኔ ኣይፊያ ጋርሳፔ ሱላ ታ ኬሶ?› ያጋናው ዎታ ዳንዳያይ? ሃ ሎዑዋ ማላቲያ ኢታው፥ ኮይሮታዴ ኔ ኣይፊያ ጊዶን ዴዒያ ቱሳ ኬሳ። ሄዋፔ ጉዪያን ኔ ኢሻ ኣይፊያ ጊዶን ዴዒያ ሱላ ኬሳናው ጌሻዴ ፄላናው ዳንዳያ።
ሚቶኔ ኢዛ ኣይፌዳ ኣይፊያ
(ማት 7፡16-20፤ 12፡33-35)
43«ሎዖ ሚይ ኢታ ኣይፊያ ኣይፌና፤ ሄዋዳንካ ኢታ ሚይ ሎዖ ኣይፊያ ኣይፋናው ዳንዳዬና። 44ሚይ ኡባይ ባሬ ኣይፊያ ኣይፊያዋን ኤሬቴ። ኣጉንፔ ዎዴን ኣይፊ ማፄቴና፤ ሃዋዳንካ፥ ፁንዱቂያፔ #6፡44 ፁንዱቂያ፡ ሃ ሚይ ጎሚዖሪያ ዛሪያ ጊዲዴ ኣ ኣዪፊ ኣያዉኔ ማዴናዋ። ላዲያ ኣይፊያ ማፃናው ዳንዳዬቴና። #ማት 12፡34 45ሎዖ ኣሳይ ባሬ ሎዖ ዎዛናፔ ሎዖ ዬዉዋ ሃሳዬ። ቃይ ኢታ ኣሳይ ባሬ ኢታ ዎዛናፔ ኢታ ዬዉዋ ሃሳዬ። ኣዪሲ ጎፔ፥ ኣሳይ ባሬ ዶናን ሃሳዪያዌ ባሬ ዎዛናን ኩሜዳዋ ዶናይ ሃሳዪያ ዲራሳ።
ላዑ ቆሞ ጎሊያ ኬፂያ ኣሳ
(ማት 7፡24-27)
46«ታኒ ኦዶዋ ኦኪታ፥ ሺን ኣያው ጎዳው፥ ጎዳው፥ ያጊዴ ታና ፄጊቴ? 47ታኮ ዪያ ኡባይ ታ ቃላካ ሲሲዴ ኦሱዋን ፔሺያዌ ኦና ማላቲንቶ ታ ሂንቴንታ ቤሳና፤ 48ኢካ ጎሊያ ኬፂዴ ዳሮ ኦላ ቦኪዴ ዛላ ቦላ ጊንቢዴ ኬፄዳ ኣሳ ማላቴ፤ ዲዑ ዲዒዴ ሄ ጎሊያ ሱጊናካ፥ ሚኖ ዛላ ቦላ ኬፄቶ ዲራው ቃናው ዳንዳይቤና። 49ቃይ ታ ቃላ ሲሲዴ ኦሱዋን ፔሼና ኡራይ ባሱ ባንታሳ ሻፊያ ቦላን ጎሊያ ኬፄዳዋ ማላቴ። ዲዑ ዲዒዴ ሄ ጎሊያ ሱጎ ዎዴ ማንዒያንካ ኩንዴዳ፤ ሄ ጎሊካ ኢታ ዎዳ ዎዲዴ ባዬዳ» ያጌዳ።
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2011, Wycliffe Bible Translators, Inc. All rights reserved.
Aprann plis bagay sou Ooratha Caaquwaa