Népszerű bibliai igeversek innen: ລູກາ 17

Megosztás

ແລ້ວ​ພຣະເຢຊູເຈົ້າ​ກໍ​ກ່າວ​ແກ່​ລາວ​ວ່າ, “ຈົ່ງ​ລຸກ​ຂຶ້ນ ແລະ​ໄປ​ສາ ຄວາມເຊື່ອ​ຂອງ​ເຈົ້າ​ໄດ້​ເຮັດ​ໃຫ້​ເຈົ້າ​ຫາຍ​ດີ​ແລ້ວ.”

ຖ້າ​ແມ່ນ​ລາວ​ເຮັດ​ຜິດ​ຕໍ່​ເຈົ້າ ວັນ​ລະ​ເຈັດ​ເທື່ອ ແລະ​ກັບ​ມາ​ຫາ​ເຈົ້າ​ທັງ​ເຈັດ​ເທື່ອ ແລ້ວ​ເວົ້າ​ວ່າ, ‘ເຮົາ​ກິນແໜງ ຕັ້ງໃຈ​ໃໝ່​ແລ້ວ,’ ຈົ່ງ​ຍົກໂທດ​ໃຫ້​ລາວ.”

ເມື່ອ​ຄົນ​ໜຶ່ງ​ໃນ​ພວກເຂົາ ເຫັນ​ວ່າ​ຕົນ​ດີ​ສະອາດ​ແລ້ວ, ລາວ​ຈຶ່ງ​ກັບຄືນ​ມາ​ກ່າວ​ສັນລະເສີນ​ພຣະເຈົ້າ​ດ້ວຍ​ສຽງດັງ. ລາວ​ກົ້ມ​ຂາບລົງ​ທີ່​ຕີນ​ຂອງ​ພຣະເຢຊູເຈົ້າ ແລະ​ໂມທະນາ​ຂອບພຣະຄຸນ​ພຣະອົງ ຊາຍ​ຄົນ​ນີ້​ເປັນ​ໄທ​ຊາມາເຣຍ.

ຈົ່ງ​ລະວັງ​ໃຫ້​ດີ​ ຖ້າ​ພີ່ນ້ອງ​ເຮັດ​ຜິດບາບ ຈົ່ງ​ຕິຕຽນ​ລາວ ແລະ​ຖ້າ​ລາວ​ກັບ​ຕັ້ງໃຈ​ໃໝ່ ຈົ່ງ​ຍົກໂທດ​ໃຫ້​ລາວ.

ພຣະເຢຊູເຈົ້າ​ກ່າວ​ວ່າ, “ມີ​ສິບ​ຄົນ​ທີ່​ດີ​ສະອາດ​ບໍ່ແມ່ນ​ບໍ? ແຕ່​ເກົ້າ​ຄົນ​ນັ້ນ​ຢູ່​ໃສ?

ອົງພຣະ​ຜູ້​ເປັນເຈົ້າ​ຈຶ່ງ​ຊົງ​ກ່າວ​ວ່າ, “ຖ້າ​ພວກເຈົ້າ​ມີ​ຄວາມເຊື່ອ​ທໍ່​ແກ່ນ​ຜັກກາດ​ເມັດ​ໜຶ່ງ ເຈົ້າ​ຈະ​ບອກ​ກົກມອນ​ກົກ​ນີ້​ໄດ້​ວ່າ, ‘ຈົ່ງ​ຖອນ​ຂຶ້ນ ອອກ​ໄປ​ປັກ​ຢູ່​ໃນ​ທະເລ,’ ມັນ​ກໍ​ຈະ​ຟັງ​ຄວາມ​ເຈົ້າ.”

ຜູ້ໃດ​ພະຍາຍາມ​ຮັກສາ​ຊີວິດ​ສຳລັບ​ຕົນເອງ ຜູ້ນັ້ນ​ຈະ​ເສຍ​ຊີວິດ ແຕ່​ຜູ້ໃດ​ຍອມ​ເສຍ​ຊີວິດ ຜູ້ນັ້ນ​ຮັກສາ​ຊີວິດ​ໃຫ້​ພົ້ນ.

ແລ້ວ​ພຣະເຢຊູເຈົ້າ​ກໍໄດ້​ກ່າວ​ແກ່​ພວກ​ສາວົກ​ຂອງ​ພຣະອົງ​ວ່າ, “ແນ່ນອນ ຕ້ອງ​ມີ​ເຫດ​ເຮັດ​ໃຫ້​ເກີດ​ຜິດບາບ, ແຕ່​ວິບັດ​ແກ່​ຜູ້​ທີ່​ກໍ່​ເຫດ​ໃຫ້​ເກີດ​ຜິດບາບ​ນັ້ນ ຖ້າ​ຈະ​ເອົາ​ຫີນ​ໂມ້ແປ້ງ​ກ້ອນ​ໃຫຍ່ໆ ຜູກ​ຄໍ​ຜູ້​ນັ້ນ​ຖິ້ມ​ລົງ​ໃນ​ທະເລ ກໍ​ດີກວ່າ​ທີ່​ລາວ​ຈະ​ກໍ່​ເຫດ ໃຫ້​ຄົນ​ໜຶ່ງ​ໃນ​ຜູ້​ຕໍ່າຕ້ອຍ​ເຫຼົ່ານີ້​ເກີດ​ການ​ຫລົງ​ຜິດ.

ໃນ​ສະໄໝ​ຂອງ​ໂນອາ ເຫດການ​ເປັນ​ມາ​ແລ້ວ​ຢ່າງ​ໃດ ໃນ​ສະໄໝ​ຂອງ​ບຸດ​ມະນຸດ​ກໍ​ຈະ​ເປັນ​ຢ່າງ​ນັ້ນ. ຄົນ​ທັງຫລາຍ​ໄດ້​ກິນ​ໄດ້​ດື່ມ ແລະ​ຊາຍ​ຍິງ​ໄດ້​ແຕ່ງງານ​ກັນ ຈົນເຖິງ​ວັນ​ທີ່​ໂນອາ​ໄດ້​ເຂົ້າ​ໄປ​ໃນ​ເຮືອ​ໃຫຍ່ ນໍ້າ​ຈຶ່ງ​ໄດ້​ຖ້ວມ​ທຳລາຍ​ລ້າງຜານ​ທຸກສິ່ງ​ໃຫ້​ຈິບຫາຍ​ໝົດ.