Népszerű bibliai igeversek innen: Mataos 13

Megosztás

Nuu mʉr nteme, nye enwɨɨla ó e mpœʼ yé a kur é mpaŋ si mocyɛʼ ɛ. Nyiha, nyi joʼo lɔɔ Zyɛm ndwe le egʉa joʼo we. Ebe no ó wé a gumo mpumo é tiʼ ye e. Lɨʼ etin, lé a si gumo mpumo nter; lʉʉ, mpumo mowʉm tobo; lʉʉ nteme, mowʉm molɛl.»

Nuu nteme, nye enwɨɨla ó e mpœʼ yé a kur é mɨndwinʉ ɨ. Nye a si kʉ joʼo lɔɔ Zyɛm. Sa gwar, mɨtuu mɨ mbi jɔʼ yiʼ ndwe e gwɨma okum e l'ogbaa, byé a si dimle nye, ntɔʼ kaʼ lɔɔ Zyɛm, wé l'aka johlo.

Jɔʼ mʉr lé ejoʼo lɔɔ lé etiibe e jwɨ̀ʼa mo Da, nye l'ajoʼo sa mpaŋla waa ndɨ epa kʉ lɛɛ ɛ, mʉr waa, nye enwɨɨla ó e l'empàh e zi, gumo mompœʼ mé a kur-kur ɨ. Bɨbla-mʉr, yé ntɔʼ pyal, ze dɛʼ mpœʼ yé a bèŋɔ é leme mʉr waa ɛ.

Nwaʼ mʉr, nye enwɨɨla ó e bah ekoʼ, gumo mompœʼ, mé a kur ɨ. Nyiha, nye ejoʼo lɔɔ Zyɛm, ntɔʼ nʉa we e duu ndwe e bɨsʉhʉ. Sa gwar, lɔɔ Zyɛm, wé anara nye é leme tʉŋlʉ. Nye ebaʼle we ó, njɨ é ma peh jɔʼ. Jɔʼ nye mu lé esia e mɨtuu le etíilɔ ebe lɔɔ Zyɛm ɨ, nye óka bee ó, wé mu ó ebɔʼ nye lé ebɨm é leme, laa lé ódumo nye e.

«Jwɨ̀ʼa mo Da, yé enwɨɨla ó e sa ndɨ é buo dime e, yaa yé a be fola é peme e. No ó nuu mʉr a to pu tɨ, ntɔʼ gbɛm efo laa, nye ntɔʼ bâʼle buuro le tɨ. Nye ze bul soho, ntɔʼ to bɛma mobi me mɨmɛh, bula kwar, ze bwam peme yaa e mɔn ye.»

Dam be no, guu paʼ mompœʼ fih wɛɛ, wé a si kur é si mocyɛʼ. Mompœʼ maa, mé ze gwɨe le egumo mpumo. Etin egwar gumo mpumo nter. Lɨʼ etin, mpumo mowʉm tobo. Lʉʉ, mpumo mowʉm molɛl.»

Birɨ ga bɨka ndɨ abe e mpi ɨ, byé gwɨa, byé e mompœʼ mam, to pyal é mya me ólomo bʉr ó, bé ntaʼ é mɨngol ɨ. É mya mɨngol ó me ólɛɛ e bʉr baa ó, bé taara tɨ bɨka ndɨ abe e mpi ɨ, kaʼ bye mɨmbom, diʼɔ bye. Pie tɨ, bé òpɛʼ mpaŋ mode, kaale me é l'enkuna lam.”»