Népszerű bibliai igeversek innen: Juwau 12

Megosztás

Ule anandiphatira basa, asafunika anditowere. Panakhala Ine, nyabasa wanga ali penepombo. Pontho ule anandiphatira basa, anati asimbwe na Baba wanga.

Ule anafuna moyo wace, anauluza. Mbwenye ule anazonda moyo wace pantsi pano, anati aukoyerwe upulumuki wakukhonda kumala.

Ndimo mwene, ndimo mwene ndisakupangani kuti, mbeu ya tirigu ingakhonda kugwa pa mataka mbikhonda kufa, inakhala yokha basi. Mbwenye ingafa, inabala misapu mizinji.

Ine ndabwera pa dziko ninga cieza, toera onsene ale ananditawira akhonde kukhala n'cidima.

“Munthu anabva mafala anga mbakhonda kuakoya, Ine nkhabe kuntonga. Thangwi Ine sidabwera kudza katonga dziko tayu, mbwenye ndabwera kudza kaipulumusa.

Na tenepo, Mariya akwata ntete wace wa mafuta akudzola akununkhira a nardu wakukhonda kubvungazwa, a ntengo ukulu. Iye adzoza na iwo myendo ya Yezu, mbampukuta na tsisi yace. Nyumba yonsene yadzala na khwema ya mafuta.

Na thangwi eneyo, akwata masandzu a micindu mbaenda kantambira, mbakhakhuwa tenepa: “Hosana!” “Mbasimbwe ule anadza na dzina ya Mbuya!” “Mbasimbwe Mambo wa Izarayeli!”

Yezu aatawira tenepa: “Wafika n'dzidzi wakupaswa mbiri Ine, Mwana wa Munthu.