Népszerű bibliai igeversek innen: Juwau 13

Megosztás

“Ine ndinakupasani matongero mapsa kuti, mufunane m'bodzi na m'bodzi. Ninga mudakufunirani Ine, imwe musafunika mufunanembo m'bodzi na m'bodzi. Na tenepo, mungafunana m'bodzi na m'bodzi, onsene anati adziwe kuti imwe ndimwe anyakupfundza anga.”

Mphapo Ine ninga Mbuya pontho ninga Mpfundzisi wanu ndakutsukani myendo, imwembo musatongwa mutsukanembo myendo m'bodzi na m'bodzi. Ine ndakupangisani macitiro ace, toera imwe mucitembo ninga pidakucitirani Ine.

Yezu atawira kuti: “Pinacita Ine cincino, iwe nkhabe kupidziwa, mbwenye unadza kapidziwa kutsogolo.”

Ndimo mwene, ndimo mwene ndisakupangani kuti: Nkhabe n'dzakazi anapita mbuya wace, peno nkhabembo ntumwi anapita ule adantuma.

Lang'anani, ngakhala imwe mwamala kupidziwa pinthu penepi, mungapicita munakhala akutsandzaya.

Na tenepo, Yezu alamuka pa thando ya kudya, abulusa nguwo yace ya kunja mbakwata nguwo ikulu ya kupukuta nayo manungo, mbaimanga n'cunu mwace. Buluka penepo, aikha madzi n'combo, mbatoma kutsuka myendo ya anyakupfundza ace, mbakhaapukuta na nguwo ikhadamanga Iye n'cunu.