Népszerű bibliai igeversek innen: isizwur 24

Megosztás

iġr i‑rbbi ġakudan yini: «wa rbbi da‑illan, rbbi n‑sidi ibrahim, kmml‑iyi maylli‑f‑d‑uškiġ ġassad, tssafut lḥnant‑nk izgan i‑sidi ibrahim.

taɛyyalt nna‑mi‑nniġ ‹ġir ssknu‑d agdur‑nm ad‑suġ›, iġ‑iyi‑tnna ‹su, hati rad‑ssuġ ula irɛman‑nk›, ġmkan a‑s‑rad‑issanġ izd taɛyyalt‑an a‑igan h̬talli trit i‑uh̬ddam‑nk isḥaq. ġmkan a‑s‑rad‑issanġ is‑tssuwfit lḥnant‑nk izgan i‑sidi.»

yawi‑tt isḥaq ġakudan, išškšm‑tt s‑uh̬iyyam n‑innas sarah. itahl rifqa iḥubbu‑tt bahra. iwrri isḥaq iṣbr f‑lmut n‑innas.

dɛun s‑lbaraka i‑rifqa inin‑as: «zayd a‑ulltmatnġ a‑km‑ig rbbi d‑innas n‑wafḍan f‑wafḍan n‑mddn, nrun tarwa n‑tarwa‑nm kullu inuwwašn‑nsn.»

f‑ak‑ssgallġ s‑sidi rbbi bab n‑ignwan d‑wakal urd ttawit taslit i‑iwi zġ‑istis n‑ayt‑kanɛan lli‑mi‑zdġġ ġ‑gratsn, walaynni ddu s‑tmazirt‑inu dar tagʷmat‑inu, tawit‑d zġ‑gis taslit i‑iwi isḥaq.»