Népszerű bibliai igeversek innen: ወንጌል ዘዮሐንስ 4

Megosztás

እስመ እግዚአብሔር መንፈስ ውእቱ ወእለሂ ይሰግዱ ሎቱ በመንፈስ ወበጽድቅ ሀለዎሙ ይስግዱ ሎቱ።

ወባሕቱ ትመጽእ ሰዓት ወይእዜ ይእቲ አመ እለ በርቱዕ በአማን ሰጋድያን ይሰግዱ ለአብ በመንፈስ ወበጽድቅ እስመ አብኒ ዘከመዝ የኀሥሥ እለ ይሰግዱ ሎቱ።

ወዘሰ ይሰቲ እማይ ዘእሁቦ አነ ኢይጸምእ ለዓለም አላ ውእቱ ማይ ዘእሁቦ አነ ይከውን ውስቴቱ ነቅዐ ማይ ዘይፈለፍል ለሕይወት ዘለዓለም።

ወአውሥአ እግዚእ ኢየሱስ ወይቤላ ሶበሰ ተአምሪ ጸጋሁ ለእግዚአብሔር ወመኑ ውእቱ ዘይስእለኪ ወይብለኪ አስትይኒ ማየ አንቲኒ ዓዲ እምሰአልኪዮ ወውእቱኒ እምወሀበኪ ማየ ሕይወት።

ወይቤሎሙ እግዚእ ኢየሱስ ሊተሰ መብልዕየ ውእቱ ከመ እግበር ፈቃዶ ለአቡየ ዘፈነወኒ ወከመ እፈጽም ግብሮ።

ወትቤሎ ይእቲ ብእሲት እግዚእየ ማሕየብኒ አልብከ ወዐዘቅቱኒ ዕሙቅ ውእቱ እምአይቴ እንከ ለከ ማየ ሕይወት።

ወትቤሎ ይእቲ ብእሲት ነአምር ከመ ይመጽእ ማስያስ ዘይብልዎ ክርስቶስ ወአመ መጽአ ውእቱ ይነግረነ ኵሎ። ወይቤላ እግዚእ ኢየሱስ አነ ውእቱ ዘእትናገረኪ።

ወትቤ ንዑ ትርአዩ ብእሴ ዘነገረኒ ኵሎ ዘገበርኩ እንዳዒ ለእመ ውእቱ ክርስቶስ።