Népszerű bibliai igeversek innen: Naiˍ htangˍ 2

Megosztás

Peˍtruˆ yawng na hkai biˍ jiˍ yang, Nawng beu naˍ hokˍ hingˍ na poiˉ taw naeˉ uiˉ saˍ laiˍ, changˉ uiˉ hkaˉ hko laˉ hko kuitˆ puiˉ laeˍ yao Yeˍsuˆ Hkritˆ beu ang maengˉ hkaoˉ veu baˆtiˆsamˍ hkamˉ yuˉ bao. Haeˉ mae ha baoˉ vaˍ, Ang hkawˍ laˉ ang seungˍ sangˉ beu lapˍ sawngˍ na ya naeˉ yaˇ.

Changˉ hingˉ uiˉ aˍ naiˍ htangˍ uiˍ maˍ biˍ naeˍ na naˉ yao, ang changˍ taeng lang yao, Ang suingˉ beu poiˉ caoˍ caˍ yao, ang buinˉ paˉ naeˉ hingˉ na aˉ lawˍ beun muiˉ ha yao ca jiˉ.

Changˉ hkaˉ hko laˉ hko uiˉ hkaoˉ veu Ang hkawˍ laˉ ang seungˍ sangˉ puing laˉ yao, Ang hkawˍ laˉ maˇ yawng na piˉ ciˍ piˉ htamˉ jiˉ laˉ mae hao changˉ ceuˉ uiˉ beu ciˍ tangˍ uiˍ ciˍ jiˍ.

Haeˉ mae beu, tiˍ chitˍ nae hawˉ manˉ ang haengˍ taw laˉ naeˉ lawˉ ang tangˍ hingˍ buingˍ htaˍ veu buingˉ luiˍ yao, yumˉ hkaoˉ veu ca naeˉ uiˉ changˉ hkaˉ hko laˉ hko ang tangˍ hingˍ na ya kyaˍ jiˍ. Haeˉ mae beu, yawng maenˍ haˍ laˍ mae miˍ htawˍ ang laemˍ uiˍ na ya myangˉ jiˉ. Changˉ hkaˉ hko laˉ hko uiˉ kawngˉ maenˍ haˍ htiˍ baˍ uiˍ peungˍ lang yao aeˉ jiˉ na ya myangˉ jiˉ. Changˉ hkaˉ hko laˉ hko uiˉ hkaoˉ veu Ang hkawˍ laˉ ang seungˍ sangˉ puing laˉ yao, Ang hkawˍ laˉ maˇ yawng na piˉ ciˍ piˉ htamˉ jiˉ laˉ mae hao changˉ ceuˉ uiˉ beu ciˍ tangˍ uiˍ ciˍ jiˍ.

Cu nuing yawng ang buinˉ paˉ kyaˉ cawngˉ ang huiˍ veu lae naeˉ htaˍ veu muiˉ yawng yumˉ hkaoˉ veu hkaoˍ munˉ hpaetˍ yao mawnˍ pyawˉ naeˉ hkaoˉ veu nuing ba htiˍ suiˍ laˍ mae chiˉ yao yawng htuˍ yaˍ laˉ mae ang caˍ caˍ jiˍ. Yawng Hpaˍcaoˍ na chiˍ mawng yao changˉ uiˉ hkaˉ hko laˉ hko yawng na nuing ba capˆ jiˉ. Cu nuing Hpaˍcaoˍ maˇ htaiˍ awkˍ jiˍ na ya jiˉ changˉ uiˉ muiˉ yawng ang muˉ hkaoˉ veu piˉ byaˍ laˉ jiˉ.

Hpaˍcaoˍ ciˍ jiˍ yang, Tawngˍ tin veu ang nyamˍ hingˍ hkaoˉ veu changˉ ceuˉ uiˉ hkaˉ hko laˉ hko htaˍ veu ga beu Ang hkawˍ laˉ hingˉ piˍ naeˍ. Nawng beu ang yaˍ ang hkyaˉ uiˉ pa rawˉ hpaet tangˍ ciˍ naeˍ. Nawng beu yaˍ hkaˍ uiˍ yuˍ paˍ yongˍ na ya myangˉ naeˉ. Nawng beu yaˍ mangˍ uiˍ muiˉ mae buinˉ buinˉ yaˍ naeˍ.

Yumˉ naeˉ saˉ naeˉ changˉ hkaˉ hko laˉ hko htiˍ muˍ laˍ mae taeng laeˍ yao, yawng beu ang keungˍ ang kawˉ uiˉ htuˍ yaˍ laˉ mae caiˍ yaˍ jiˍ. Ang keungˍ ang kawˉ uiˉ nae yawng beu ya kyaˉ teuk uiˉ na kawngˍ ka yao loˉ naeˉ uiˉ changˉ aˉ mangˉ na baˍ upˍ hkaˉ hko laˉ hko na peungˍ biˍ jiˍ.

Haeˉ mae beu, Ang suingˉ Hpaˍcaoˍ na puing yao haoˉ naeˉ changˉ aˉ mangˉ na baˍ upˍ, Htaiˍ awkˍ naeˍ na ya hkamˉ buˉ naeˉ nae Yawˉlaˆ ciˍ saˍ jiˍ.

Ang suingˉ Hpaˍcaoˍ beu nuing ang huiˍ nae manˍ kyaˍ uiˍ baˍ hkeu langˉ beu, miˍ nuingˍ hingˍ maˇ plangˉ hkup nga aengˉ yao, awˍ ha hingˉ maˇ shiˍ hpeuˍ laˉ naeˉ.