Népszerű bibliai igeversek innen: ಲೂಕ 10

Megosztás

ಹಂದೇಖೊ, ಖ್ಹಾಪ್‌ಪರ್‌ಬಿ, ವಿಛ್ಛಿಪರ್‌ಬಿ ಚಾ಼ಲಾನ ಅಜು಼ ದುಶ್‌ಮನ್ನಿ ಖ್ಹಾರೀಸ್‍ ಶಕತ್ನ ಹರಾವನ ಮೇ ತುಮೂನ ಅದಿಕಾರ್ ದೀರಾಖ್ಯೊಸ್. ಕೆಹೂಬಿ ತುಮೂನ ಖರಾಬ್ ಕೋ ಕರ್‌ಶೇನಿ.

ಕತೋಬಿ ಪ್ರಭುನೆ ಇನ, “ಮಾರ್ಥ, ಮಾರ್ಥ ತೂ ಕಾಮ್ನಕೊಂತೆ, ವೇಚ಼್‌ಣೆಮಾಬಿ, ಘಬ್ರಾಟಿಮಾಬಿ ಖ್ಹಪ್‌ಡಿರ‍್ಹೀಸ್. ಕತೋಬಿ ಜ಼ರೂರತ್‌ ಹೋಣುತೆ ಎಕ್ಕಸ್, ಮರಿಯನೆ ಅಛ಼್ಛು ಚೂ಼ಣಿರಾಖಿಸ್, ಕೋಣ್‌ಬಿ ಇನೇಥಿ ಯೋ ಕಾಡಾನ ಕೋ ಉಶೇನಿ” ಕರಿ ಬೋಲ್ಯೊ.

ಇನೆ ಜವಾಬ್‌ ದಿದೋಕಿ, “ತಾರೊ ದೇವ್ ಹುಯಿರ‍್ಹೋತೆ ಪ್ರಭುನ, ತಾರೊ ಪೂರ ದಿಲ್‌ಥೀಬಿ, ತಾರೊ ಪೂರ ಜಾನ್‍ಥೀಬಿ, ತಾರಿ ಪೂರ ಶಕತ್‌ಥೀಬಿ, ತಾರೊ ಪೂರ ಮನ್‌ಥೀಬಿ ಪ್ಯಾರ್ ಕರ‍್ನು, ಅಜು಼ ತಾರ ಭೀಡೆವಾಳಾನ ತಾರೀನಿಘೋಣಿಸ್ ಪ್ಯಾರ್ ಕರ‍್ನು ಕರಿ ಲಿಖೈರ‍್ಹುಸ್” ಕರಿ ಜವಾಬ್‌ ದಿದೊ.

ಮೋಕ್ಲಾನಿ ವಖ್ಹತ್‌ಮ ಇವ್ಣುನ, “ಅನಾಜ಼್ ಜಾ಼ಖ್ಹತ್ ಛಾ಼, ಕತೋಬಿ ಎಕ್ಟು ಕರಾನ ಕಾಮ್ ಕರಾವಾಳು ಕಮ್ ಛಾ಼. ಇನಖ್ಹಾಜೆ ಅನಾಜ಼್‌ನೊ ಪ್ರಭುನ ‘ತಾರು ಅನಾಜ಼್‌ನ ಎಕ್ಟು ಕರಾನಖ್ಹಾಜೆ ಕಾಮ್‌ವಾಳಾನ ಮೋಕಲ್’ ಕರಿ ಬಿಂತಿ ಕರೊ.

“ಆ ತೀನ್ ಜ಼ಣಾಮ ಚೋ಼ರ್‌ನ ಹಾತ್‌ಮ ಖ್ಹಪ್‌ಡ್ಯೂತೆ ಇನ, ಖನ್ನೆವಾಳಾನಿಘೋಣಿ ಹುಯೋತೆ ಕೋಣ್ ಕರಿ ತುನ ಸೋಚಾ಼ವಸ್?” ಕರಿ ಪುಛಾ಼ಯೊ. ತದೆ ಯೋ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿ, “ಇನಾಪರ್ ಗೋರ್‌ ಕರ‍್ಯೊತೆ ಯೋಸ್” ಕರಿ ಜವಾಬ್‌ ದಿದೊ. ತದೆ ಯೇಸುನೆ ಇನ, “ಜಾ಼, ತೂಬಿ ಇಮ್ಮಸ್ ಕರ್‌” ಕರಿ ಬೋಲ್ಯೊ.

ಜಾ಼ವೊ! ಜ಼ರಕ್‌ನ ಮಹಿ ಮೇಂಢಾವ್ನ ಮೋಕ್ಲಾತೆ ಇಮ್‌, ಮೇ ತುಮೂನ ಮೋಕ್ಲುಕರುಸ್.