Népszerű bibliai igeversek innen: ಲೂಕ 3

Megosztás

ಅದ್ಮಿಖ್ಹಾರು ಬ್ಯಾಪ್ತಿಸ್ಮ ಕರೈಲ್ಯವಾನ ಬಾದ್‌ಮ, ಯೇಸುಬಿ ಬ್ಯಾಪ್ತಿಸ್ಮ ಕರೈಲಿದೊ. ಯೋ ಪ್ರಾರ್ಥನೆ ಕರುಕರಾನಿ ವಖ್ಹತ್‌ಮ, ಸೊರ್ಗ ನಿಕ್‌ಳ್ಯು, ಅಜು಼ ಪವಿತ್ರಾತ್ಮ ಶರೀರ್‌ನಿ ರೂಪ್‍ಹುಯಿನ್ ಪರ‍್ಯಾವಾನಿಘೋಣಿ ಇನಾಪರ್‌ ಉತ್‌ರ‍್ಯು. ತದೆ ಪರಲೋಕ್‌ಮಾಥು, “ತೂ ಮಾರೊ ಲಾಡ್‌ನೊ ಛಿಯ್ಯೊ, ತಾರೇಥಿ ಮೇ ಘಣು ಖ್ಹುಶಿ ಛೂ಼” ಕರಿ ಏಕ್‌ ಆವಾಜ಼್ ಆಯು.

ತದೆ ಯೋಹಾನನೆ ಇವ್ಣುನ, “ಮೇತೊ ತುಮೂನ ಪಾಣಿಥಿ ಬ್ಯಾಪ್ತಿಸ್ಮ ದೆವ್‍ಕರೂಸ್; ಕತೋಬಿ ಮಾರೇಥಿಬಿ ಶಕತ್‌ವಾಳೊ ವಳ್ಯಾವಸ್, ಇನಿ ಖೋಖ್ಹ್‌ಡಾನಿ ಡೋರಿ ಛೋ಼ಡಾನಾಬಿ ಮೇ ಲ್ಹಾಯೇಕ್‍ಕೊಯ್ನಿ. ಯೋ ತುಮೂನ ಪವಿತ್ರಾತ್ಮಥಿಬಿ ಅಗ್‌ಥೀಬಿ ಬ್ಯಾಪ್ತಿಸ್ಮ ದಿಶೆ.

ತುಮೆ ತುಮಾರು ಪಾಪ್‌ಖ್ಹಾರು ಮ್ಹೇಲಿನ್ ದೇವ್ ಭಣಿ ಫರಿಗಯ ಉಶೇತೊ, ಇನ ಬರಾಬರ್‌ಥಿ ಚಾ಼ಲ್‌ಮ ವತಾಳೊ. ಅಜು಼ ಹಮೆ ಅಬ್ರಹಾಮ್‌ನಿ ಪಿಳ್ಗಿವಾಳ ಕರಿ ತುಮಾರು ತುಮೇಸ್ ಬಡೈ ನಕೊ ಮಾರಿಲೆವೊ. ಮೇ ಬೋಲುಸ್ಕಿ, ದೇವ್‌ ಅಬ್ರಹಾಮ್‌ನಖ್ಹಾಜೆ ಆ ಬಂಡೇವ್‌ಥಿಬಿ ಲಡ್ಕಾವ್ನ ಉಬ್‍ಜಾ಼ವ್‍ಶೆ ಕರಿ ತುಮೂನ ಬೋಲುಸ್

ಹಮ್ಕೇಸ್ ಕತ್ರಾನಟೇಕೆ ಝಾ಼ಡಾವ್‍ನಿ ಜ಼ಡ್‌ಪರ್‌ ಕುರ‍್ಹಾಡಿ ಮ್ಹೇಲೈರ‍್ಹಿಸ್. ಅಛ್ಛು಼ ಪಂಡು ದೇಯಿಕೊಂತೆ ಹರೇಕ್ ಝಾ಼ಡಾವ್‌ನ ಕತ್ರಿನ್‌ ಆಗ್‌ಮ ನಾಕ್‌ಶೆ” ಕರಿ ಬೋಲ್ಯೊ.

ಆ ಖ್ಹಾರು ಯೆಶಾಯ ಕರಿ ಪ್ರವಾದಿನ ದಪ್ತರ್‌ಮ ಲೀಖೈರ‍್ಹೂತೆ ಇಮ್ಮಸ್ ಚಾ಼ಲ್ಯು: ಯೋ ಶಾತ್‌ಕತೊ, ಏಕ್‌ ಜ಼ಣಾನಿ ಅವಾಜ಼್ ಉಜ್ಜಾ಼ಡಿ ಝ಼ಗೋಮ ಅಮ್ ಚಿಕ್ರುಕರಾಸ್: ‘ಪ್ರಭುನಿ ವಾಟ್ನ ಖ್ಹವಾರೊ, ಇನಿ ವಾಟ್ನ ಖ್ಹೂದು ಕರೊ. ಹರೇಕ್ ಖಾಡೊಗುಂಟೊ ಮೂಚೈ಼ಜಾ಼ಶೆ, ಹರೇಕ್ ಪಹಾಡ್-ಪರ್ಭತ್ ಶದ್ದರ್ ಹುಯಿಜಾ಼ಶೆ, ಬಿಂಗೊ ಮಾರಗ್ ಅಖ್ಖು ಖ್ಹತ್ತಡ್‍ ಉಶೆ, ಖಡ್‌ದೊಂಗ್‌ಡು ವಾಟ್‌ಖ್ಹಾರು ಶದ್ದರ್ ಉಶೆ, ತಮಾಮ್‌ ಅದ್ಮಿ ದೇವ್ನಿ ರಕ್ಷಣೆನ ದೇಕ್‌ಶೆ” ಕರಿ ಯೋ ಅವಾಜ಼್ ಹುಯಿರ‍್ಹೂಸ್.