Népszerű bibliai igeversek innen: یوحنا 15

Megosztás

«مِه دار انگویرِم ئو هُمَه پَلَل اَوَه. کسی گه مَمینی اِنوم مِه ئو مِن اِنوم او، ثمر فِرِه‌ی ماری؛ اَرِیَگه جیا اژ مِه، هُیچ نِمَتونینو بِهِینو.

اِنوم مِه بِمینِن، ئو مِن‌یش اِنومتونَ مَمینِم. هُنَ گه پَل، اَرّ وَه قِ دار انگویرا نَمینی نِمَتونی اژ ووژ ثمر باری، هُمِه‌یش اَرّ اِنوم مِه نَمینینو، نِمَتونینو ثمر بارینو.

اَرّ اِنوم مِه بِمینینو، ئو کَلومِم اِنوم هُمَه بِمینی هر چَتونی مِ، بِتو گه اَرِنتو اَنجومَ ماو.

هُمَه نوئینو گه مِنتو اِنتخاو کِرد، بلکِم مِه بیم گه هُمَه‌م اِنتخاو کِرد ئو هُمَه‌م مَیِّن کِرد تاگَه بِچینو ئو ثمر بارینو ئو ثمر هُمَه بِمینی، تاگَه هر چَتونی اژ باوَه وَه نُم مِه بِ، بیَ بینتو.

مِحبتی کَلِنگتِر اژ یَه نیَ گه کسی گیو ووژ بِهِئَه خِر رِقیفَلی.

هَر پَلی گه اِنوم مِه ثمر ناری، او مُئرِتی ئو هر پَلی گه ثمر باری، هرسَ مِهِیتی تاگَه ویشتِر ثمر باری.

«حکِم مِه یَسَ گه مِحبت بِهَن اَر یَکتِری، هُنَ گه مِه مِحبتِم کِردیَس اَر هُمَه.

جِلال باوَه‌م ها نوم یَگه هُمَه ثمر فِرِه‌ی بارینو؛ ئو هُنَ ثابتَ مِهِینو گه شاگرد مِنینو.

«مِه دار انگویر حخیخیِم ئو باوَه‌م باخاوُنَ.

اَرّ کسی نَمینی اِنوم مِه، اِجور پَل داری‌‌کَ گه هُوَ میَنی ئو حُشگا ماو. پَلَل حُشگا‌بیئی جیَمَ مَهَن ئو ماوژِن اِنوم آگِر، ئو مَسُزِنِنو.

ایی قصه‌لمَ وِتَ بینتو تاگَه خَوشی مِه اِنوم هُمِه‌یش بو ئو خَوشی هُمَه کامل بو.

اَرّ حکمَل مِه بارینونَ جا، مَمینینون اِنوم مِحبت مِنا؛ هَرهُنَ گه مِه حکمَل باوَه ووژِم آوِردِمَس‌ جا ئو مَمینِم اِنوم مِحبت او.

حکِم مِن اَرِه هُمَه یَسَ گه مِحبت بِهِینون اَر یَکتِری.

اَرّ هِن دنیا بوئیاینو، دنیا هُمَه اِجور کسِ‌کار ووژ دوس داشدی. مِنتائای اَرِیَگه هِن دنیا نیئینو، بلکِم مِه هُمَه‌م اژ دنیا اِنتخاو کِردیَ، اِسَه دنیا اژ هُمَه بیزارَ.