Népszerű bibliai igeversek innen: یوحنا 16

Megosztás

یوئنَمَ وِتَ هُمَه تاگَه اِنوم مِه سِتارتو بِگِری. دنیا اَرِه هُمَه ماوَ جُور؛ مِنتائای بِیلِن دلِ‌دَرینتو داشدوئی، اَرِیَگه مِه بیمَسَ حریف ایی دنیاءَ.»

مِنتائای وخدی روحِ حخیخت بای، رئیَ مَنیِ وَرتو تاگَه وَه کُل حخیخت بِرَسینو؛ اَرِیَگه او اژ جونِم ووژ قصَه نِمِهِه، بلکِم اَ چیئَه گه مَشتوئی، موشی ئو اژ اَ چیئَه گه اِنواتِر میا بو، وَه‌گَرد هُمَه قصَه مِهِه.

تا اِسگَه وَه نُم مِه چیتونی نِهِستیَ؛ بِتو تاگَه بِسینینو ئو خَوشیتو کاملا بو.

وَه ایی حالا، مِه راسیتونَ بینَ موشِم گه وَه نَفتونَ مِه بِچِم. اَرِیَگه اَرّ نَچِم، اَ هِنارَسَ نِمای اَرِه تک هُمَه؛ مِنتائای اَرّ بِچِم، او کِلَ‌مَهَم اَرِه تک هُمَه. ئو وخدی او بای، دنیا قانیَ مِهِه گه اِبارَه گنا، صالح‌بیئین ئو داوری، تصقیرکارَ.

هَرهُنَ، هُمِه‌یش اِسگَه خَمبارینو؛ مِنتائای اِدوارَه هُمَه موئینِم ئو دل هُمَه خَوشالی مِهِه ئو هُیچ‌کس نِمَتونی اَ خَوشیَ اژ هُمَه بِسینی. اِ اَ روژَ، دیَر چیتونی اژ مِه نِمِ. حخیختاً، موشِمَ بینتو، هر چَتونی اژ باوَه وَه نُم مِه بِ، اَوَه مِئَه بینتو.

حخیختاً، موشِمَ بینتو، هُمَه مَگیرینو ئو پَژارَ موئینو، مِنتائای دنیا خَوشالیَ مِهِه؛ هُمَه خَمینَ موئینو، مِنتائای خَم هُمَه ماوَ خَوشی.