Népszerű bibliai igeversek innen: Luki 13

Megosztás

“Mi dó gǎn, bó gbɔn hɔn kpɛví ɔ́ nu; ɖó má ɖɔ nú mi, mɛ gěgé na ba ɖɔ émí ná gbɔn hɔnli énɛ́ nu, bó ka ná kpé wú ǎ.

Nyɔ̌nu ɖé ka ɖo fínɛ́, bɔ yɛ nyanya ɖo jǐ tɔn. Yɛ nyanya ɔ́ zɔ́n bɔ nyɔ̌nu ɔ́ gblé wɔ̌n, sín xwe afɔtɔn nukún-atɔn ɖíe; é nɔ́ zɔn tɔ́tɔ́, bó sɔ́ nɔ́ sixú jlɔ́ ɖěbǔ ǎ. Ée Jezu mɔ nyɔ̌nu ɔ́ é ɔ́, é ylɔ́ ɛ, bó ɖɔ n'i ɖɔ: “Nyɔ̌nu, azɔn towe gbɔ nú we, bɔ a jɛ te.”

Ée Jezu ɖɔ mɔ̌ n'i ɔ́, é ɖó alɔ jǐ tɔn, bɔ nyɔ̌nu ɔ́ jlɔ́ tlóló tɛn tɔn mɛ, bó jɛ susu kpa nú Mawu jí.

Mi ní ka tunwun ɖɔ mɛ e ɖo gǔdo din lɛ́ɛ ɖě ná wá nukɔn, bɔ mɛ e ɖo nukɔn din lɛ́ɛ ɖě ná wá gǔdo.”

“Hwenu e xwétɔ́ ɔ́ ná sí te, bó ná dó gan hɔn tɔn mɛ, bɔ mi ná kpo ɖo hɛnkɛ́n ɔ́, mi ná jɛ hɔn xúxú jí, bó ná ɖɔ: ‘Daá, hun hɔn nú mǐ!’ Bɔ é ná yí gbe nú mi ɖɔ: ‘Un tunwun mi ǎ.’

Éeǒ, yě hu hwɛ hú yě ǎ; lo ɔ́, ényí mi lɔ ma lɛ́ kɔ sín hwɛ mitɔn lɛ́ɛ gúdo ǎ ɔ́, mi bǐ wɛ ná kú yě ɖɔhun.”

Lo ɔ́, é ná yí gbe nú mi ɖɔ: ‘Má ɖɔ nú mi: Un tunwun fí e nu mi nyí é ǎ; mi bǐ ní sɛ yi zɔ nú mì, nǔnyanyawatɔ́ e mi.’

Jezu wá ɖɔ: “Étɛ́ ɖɔhun wɛ axɔ́súɖuɖu Mawu tɔn cí? Aniwú un ka sixú jlɛ́ dó? É cí atínkwín wínníwínní ɖé ɖɔhun, bɔ nya ɖé dó nyi jikpá tɔn mɛ; ée atínkwín ɔ́ wá wú bó su ɔ́, é húzú atín, bɔ xɛ lɛ́ɛ nɔ wá xo adɔ̌ nyi ala tɔn lɛ́ɛ mɛ.”