Népszerű bibliai igeversek innen: Luki 3

Megosztás

Hwenu e Jǎan lɛ yɛhwesin nú mɛ e wá fínɛ́ lɛ́ɛ bǐ gúdo ɔ́, é wá lɛ nú Jezu lɔmɔ̌. Ée Jezu lɛ yɛhwesin gúdo ɔ́, é jɛ ɖɛ xo jí, bɔ jǐnukúnsin hun, bɔ Yɛsinsɛn sɔ́ ahwannɛ́ sín agbaza, bó jɛ te dó jǐ tɔn. Gbe ɖé ká ɖi sín jǐxwé, bó ɖɔ: “Vǐ vívɛ́ná wɛ a nyǐ nú mì, bɔ xomɛ nɔ hun mì dó wútu towe tlala.”

Jǎan ka yí xó, bó ɖɔ nú yě ɖɔ: “Nyɛ ɔ́, sin wɛ un sɔ́ dó ɖo yɛhwesin lɛ nú mi wɛ; amɔ̌, mɛɖé ɖo gǔdo ce jǎwe; mɛ énɛ́ ɔ́ hú gǎn mì, bɔ un nyí mɛɖé, bó ná sixú tún afɔkpakan tɔn lɛ́ɛ vɔ́vɔ́ ǎ; éyɛ́ ɔ́, Yɛsinsɛn kpódó zo kpán wɛ é ná sɔ́ dó lɛ yɛhwesin nú mi.

Mi nú walɔ mitɔn lɛ́ɛ ní ɖe xlɛ́ ɖɔ mi lɛ́ kɔ sín hwɛ mitɔn lɛ́ɛ gúdo nǔgbó; bónú mi ka gɔn ɖiɖɔ dó ayi mɛ ɖɔ: ‘Ablaxámu ɖésú wɛ dó kún mitɔn.’ Đó má ɖɔ nú mi, awǐnnya e mɔ wɛ mi ɖe nɛ́ lɛ́ɛ ɔ́, Mawu hɛn ɔ́, é ná sɔ́ yě dó ɖó vǐ nú Ablaxámu.

Asyɔ́ví ɖíe ko ɖo atín lɛ́ɛ sín ɖɔ wú e; atín e má nɔ́ ná sínsɛ́n ɖagbe ǎ lɛ́ɛ ɔ́, è nǎ gbo yě, bó bɛ́ kɔn nyi myɔ mɛ.”

Énɛ́ ɔ́, nǔ e è wlǎn dó gbeyíɖɔ Mawu tɔn Ezayíi sín wěma mɛ ɔ́ jɛ; é wɛ nyí ɖɔ: “Mɛ ɖé ɖo xó sú wɛ ɖo gbětótló mɛ bó nɔ́ ɖɔ: ‘Mi bló ali ɖó nú Aklúnɔ, mi jlɔ́ ali tɔn lɛ́ɛ! È ɖǒ ná sú do lɛ́ɛ bǐ, bó ná gbígbá só ɖaxó ɖaxó lɛ́ɛ kpódó kpɛví kpɛví lɛ́ɛ bǐ kpó. È ɖǒ ná jlɔ́ ali gɔ́ndɔ́ngɔ́ndɔ́n lɛ́ɛ, bó bló fí e nyí kpóɖědoɖě lɛ́ɛ ɖó. Énɛ́ ɔ́, mɛ bǐ ná mɔ Mɛhwlɛ́ngántɔ́ e Mawu sɛ́ dó é.’ ”