Népszerű bibliai igeversek innen: Luki 8

Megosztás

Nǔkún e jɛ ayǐkúngban ɖagbe jí lɛ́ɛ ɔ́, mɛ e nɔ se Mawuxó ɔ́, bó nɔ́ yí kpódó ayi ɖagbe kpán, kpódó ayijlɔ́jlɔ́ kpán lɛ́ɛ wɛ; lǐnsyɛ́nsyɛ́n yětɔn nɔ́ zɔ́n, bɔ yě nɔ́ ná sínsɛ́n.”

Nǔkún e jɛ wundonu lɛ́ɛ ɔ́, mɛ e nɔ se Mawuxó ɔ́, bó nɔ́ ɖidó lɛ́ɛ é wɛ; yě nɔ́ jó yěɖée dó, bɔ nǔlinkpɔ́n, dɔkun, kpódó vǐví gbɛmɛ fí tɔn kpó nɔ vun blá xó ɔ́ ɖo ayi yětɔn mɛ, bɔ sínsɛ́n yětɔn nɔ zin ǎ.

Nǔkún e jɛ awǐnnyakan mɛ lɛ́ɛ é ɔ́, mɛ e nɔ se Mawuxó ɔ́, lobo nɔ yí kpódó xomɛhunhun kpán lɛ́ɛ wɛ; lo ɔ́, xó ɔ́ nɔ lí dǒ ɖo ayi yětɔn mɛ ǎ, yě nɔ́ ɖi nǔ nú azǎn ɖé; bɔ nǔxámɛ hwenu wá su ɔ́, yě nɔ́ jó agɔ.

É ka wá kanbyɔ́ yě ɖɔ: “Lě e mi ɖi nǔ gbɔn ɔ́ ɖíe a?” Nǔ énɛ́ ɔ́ kpácá yě, bɔ xɛsi jɛ yě jí, bɔ yě jɛ ɖiɖɔ nú yěɖée jí ɖɔ: “Mɛ nǎhún ka nyí nya élɔ́, bó nɔ́ ɖe gbe dó jɔhɔn kpódó tɔ kpó, bɔ yě nɔ́ se gbe n'i?”

Nǔkún e jɛ ali jí lɛ́ɛ ɔ́, mɛ e nɔ se Mawuxó ɔ́, bɔ awǒvi nɔ́ wá ɖe sín ayi yětɔn mɛ lɛ́ɛ é wɛ; ɖó, yě tá wá ɖi nǔ, bónú Mawu ná hwlɛ́n yě gán.

Đó nǔ ɖěbǔ ɖo nǔglɔ́ ɔ́, é ná wá jɛ wěxo agbawungba; nǔ ɖěbǔ ka nɔ wi mɛ ɔ́, é ná wá wěziza nu.

Ée nyɔ̌nu ɔ́ mɔ ɖɔ nǔ e émí wa ɔ́ gba ɔ́, é jɛ sísɔ́sísɔ́ jí, bó wá jɛ kpo ɖo Jezu nukɔn, bɔ nǔ e wú é ɖó alɔ wǔ tɔn ɔ́, kpódó lě e azɔn gbɔ n'i tlóló gbɔn é kpó ɔ́, é wlí bǐ bó ɖɔ ɖo mɛ bǐ nukún mɛ. Jezu ka ɖɔ n'i ɖɔ: “Vǐ ce, nǔɖiɖi towe zɔ́n bɔ azɔn towe gbɔ. Yi dó fífá mɛ!”

Yě sɛ yá Jezu, bó fɔ́n ɛ, lobo ɖɔ: “Mɛ̌si! Mɛ̌si! Mǐ ɖo nǎ dɔn wɛ.” Jezu ka fɔ́n, bó wa adǎn dó jɔhɔn ɔ́, kpódó xu e ɖo zǐngídi jí é kpó, bɔ yě bǐ xwɛ, bɔ fí bǐ cí tóó.