Népszerű bibliai igeversek innen: Luki 9

Megosztás

Jezu lɛ́ ɖɔ nú yě bǐ ɖɔ: “Ényí mɛɖé jló ná xwedó mì hǔn, ní jó tito é ɖésúnɔ tɔn lɛ́ɛ dó, bó ɖíɖá aklúzu tɔn ayǐhɔ́ngbe ayǐhɔ́ngbe, bó xwedó mì.

Đó mɛ e jló ná hwlɛ́n gbɛ éɖée tɔn gán ɔ́, gbɛ tɔn ná bú dó e; mɛ e ka ná hɛn gbɛ tɔn bú ɖó nyɛ wútu ɔ́ ná hwlɛ́n gbɛ tɔn gán.

Jezu ka yí gbe n'i ɖɔ: “Mɛ e sɔ́ glelɛmɔ e nyibú nɔ dɔn ɔ́ dó ɖo gle lɛ ná wɛ, bó ɖo gǔdo kpɔ́n wɛ ɔ́ jɛ xá axɔ́súɖuɖu Mawu tɔn ǎ.”

Ényí mɛɖé ka ɖó nǔ e ɖo gbɛ élɔ́ mɛ ɔ́ bǐ, lobo ka dɔn, abǐ gbɛ é ɖésúnɔ tɔn ka bú dó e ɔ́, le tɛ́ wɛ ɖ'é mɛ n'i?

Mɛ e nyɛ kpódó xó ce lɛ́ɛ kpó ná nyí winnyánú ná ɔ́, mɛ ɔ́ lɔmɔ̌ ná nyí winnyánú nú nyɛ Gbɛtɔ́ví ɔ́ hwenu e un ná lɛ́ kɔ wá ɖo susu ce mɛ, ɖo susu Tɔ́ ɔ́ tɔn mɛ, kpódó susu wɛnsagun Mawu tɔn lɛ́ɛ kpó tɔn mɛ é.

Jezu ka yí gbe n'i ɖɔ: “Ayǐsájɛ lɛ́ɛ ɖó nɔtɛn yětɔn, bɔ xɛ e nɔ zɔn gbɔn jɔ mɛ lɛ́ɛ ɖó adɔ̌ yětɔn; lo ɔ́, nyɛ Gbɛtɔ́ví ɔ́ ka ɖó fí e un ná mlɔ́, bó ná gbɔjɛ́ ɔ́ ǎ.”

bó ɖɔ nú yě ɖɔ: “Mɛ ɖěbǔ yí yɔkpɔ́vú élɔ́ ɖo nyǐ ce tamɛ ɔ́, nyɛ ɖésúnɔ wɛ é yí. Mɛ e ka yí mì ɔ́, mɛ e sɛ́ mì dó ɔ́ wɛ é yí; ɖó mɛ e nɔ sɔ́ éɖée hwe hú mɛ bǐ ɖo mi mɛ ɔ́, mɛ énɛ́ wɛ ná nyí nǔɖaxó.”