Mt 1
1
Nlaṅ abonde nda-bod Yesus
1Kalara#1,1-17 Kalara mvòṅ bod Yesus: Nlaṅ te wayi na walëdë na e mëtiṅ ya Zamba angalig Abraham ai David matoban a nyòl Yesus. mvòṅ bod Yesus Kristus, man David, man Abraham. 2Abraham abye Isaak, Isaak ny'abye Yakòb, Yakòb abye Yuda ai babënyaṅ, 3Yuda abye Farès ban Zara, ai Tamar, Farès abye Esrom, Esrom abye Aram, 4Aram abye Aminadab, Aminadab abye Naason, Naason abye Salmon, 5Salmon abye Boaz ai Rahab, Boaz abye Yobèd ai Ruth, Yobèd abye Yesse, 6Yesse nyè abye nkukuma David. David abye Salomon ai mininga Uria, 7Salomon abye Roboam, Roboam abye Abia, Abia abye Asaf. 8Asaf abye Yosafat, Yosafat abye Yoram, Yoram abye Ozia, 9Ozia abye Yoatam, Yoatam abye Akas, Akas abye Ezekias, 10Ezekias abye Manasse, Manasse abye Amos, Amos abye Yosia, 11Yosia abye Yekonia ai babënyaṅ abog mëkaban a Babilon. 12A mvus mëkaban ya Babilon, Yekonia abye Salatiel, Salatiel abye Zorobabel, 13Zorobabel abye Abiud, Abiud abye Eliakim, Eliakim abye Azor, 14Azor abye Sadok, Sadok abye Ahim, Ahim abye Eliud, 15Eliud abye Eleazar, Eliazar abye Mattan, Mattan abye Yakòb, 16Yakòb abye Yosef#1,16 Yuden bayëm na mòn atyan ai esya. Asu te Yesus anòṅ ngab-elig abë Yosef, tò anë mbol Yosef anë nyè hë esya ntòṅ. , nnom Maria; Eyë Yesus ya baloe na Kristus angabyali abë nyè. 17Ngongo bod esë atarigi abë Abraham azaag kui abë David: Ngongo bod awom ai enyii#1,17 Ngongo bod esë yatoban biyòṅ awom ai binyii. A nkòbò ebrea, e bikanga ya batil ai biè binë fë bënòmbò ya balaṅ taṅ ete. Eyòṅ waanòṅ nòmbò ya bikanga ya dzoe David, ombëlë awom ai binyii. Nala ontoa hm na e ngongo bod esë yazu Yesus osu yatyan ai David, Yesus emen antoa hm mfaṅ man David., atarigi ki abë David aza a kui a mëkaban ya Babilon: ngongo bod awom ai enyii. Atarigi fë a mëkaban ya Babilon azaag kui abë Kristus, ngongo bod awom ai enyii.
Abyali Yesus Kristus
18Eyë a hm fò abyali Yesus Kristus angabò na: Maria nyia woe angabë bëlë mëtiṅ më alug ai Yosef; Osusua yë na batòbò fufulu, lëntoa na anë abum abë Mfufub Nsisim. 19Dzam da, mbol nnom woe Yosef angabë sosoo, tègè yi na asòman nyè, angadzëṅ na asoe nyè a mësoe. 20Hala angëlë atsogo nala a nnëm, ndò englès Nti angayene nyè a nlo, nyè na: A Yosef, man David, obë mbara nòṅ Maria nyò ngal; E dzi yabyali abë nyè dzili, yasò abë Mfufub Nsisim. 21Ayi bye mòn, oyolëge nyè dzoe na Yesus#1,21 Dzoe Yesus latyan na: «Nti ayi kode». Asu te Mateus atimi dò na: »Ayi kode ayòṅ».. Amu ṅnyè ayi kode ayòṅ die a minsëm miaban. 22E dzam asë dili angabòban, asu yë na e dzam Nti angakòbò a anyu profèt atoban na: 23Yënë sik, Ntud ngòn mininga wayi nòṅ abum, abye mòn, bëyole nyè dzoe na Emmanuel, nala watyan na Zamba anë ai bia#1,23 Is 7,14. 24*Avëbë Yosef angavëbë a oyò, ndò angabò mbol englès Nti angabende nyè, ndò anganòṅ ngal, 25hë da tègè nyè yëm akui anë angabye mòn#1,25 «Ayëm mininga» a Bibel, nala watyan na, abëlan ai nyè anë fam ban mininga babombo hom mbòg.. Ndò angayole nyè na Yesus.
Jelenleg kiválasztva:
Mt 1: NTE12
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
MKPAMAṄ AMVOE Nouveau Testament en langue Ewondo © Bible Society of Cameroon, 2012.