Эклц 35
35
Яков Бет-Эль тал хәрҗ ирнә
1– Бос, Бет-Эль тал йов. Тенд бүүрләд, чамаг Эсав ахасн зулҗ йовхд үзгдсн Бурхнд тәкл тәкдг орм белд, – гиҗ Бурхн Яковд келнә.
2– Таднд бәәх талдан улсин бурхдыг уга кетн, бийән цеврлтн, хувцан сольтн. 3Бидн Бет-Эль орҗанавидн. Зовлңта цагтм нанд дөңгән күргҗ үзгдәд, альд йовв чигн нанла бәәсн Бурхнд би тәкл тәкдг орм тенд белднәв, – гиҗ Яков эврәннь өрк-бүлдән болн цуг эврә улстан келнә. 4Тедн бийдән бәәсн талдан улсин бурхдын шүтәсиг, чикндән бәәсн сииксән суһлад, Яковд өгцхәнә. Эн өгсн юминь Яков Шехем балһсна хаҗудк хар модн дор булна.
5Тедн хаалһдан һарна. Бурхна әәмшгт даргдсн эргндк балһсдын улс Яковин көвүдин ардас көөлдсн уга. 6Яков эврәннь улстаһан Канана һазрт бәәсн Луз балһсн (өдгә цагт Бет-Эль) тал йовна. 7Тенд тәкл тәкдг орм тер белднә. Тер ормиг Эль-Бет-Эль#35:7 Эль-Бет-Эль – «Бет-Элин Бурхн» гидг чинртә. гиҗ нерәднә, юңгад гихлә Яков ахасн зулҗ йовхд тенд терүнд Бурхн үзгдлә. 8Ребекаг асрсн Девора өңгрнә. Энүг Бет-Эләс хол биш хар модна хаҗуд оршана. Тер хар модыг Аллон-Бахут#35:8 Аллон-Бахут – «Әмтн Уульдг Хар Модн» гидг чинртә. гиҗ нерәднә.
9Яковиг Паддан-Арамас хәрҗ ирснә хөөн, Бурхн дәкн терүнд үзгдәд, әдсләд, 10иигҗ келнә:
– Чини нерн Яков,
Чамаг хөөннь Яков гиҗ нерәдшго,
Эндрәс авн чини нерн – Израиль, – гив.
Тиигҗ Тер Израиль гидг нер терүнд өгв.
11Бурхн терүнд бас иигҗ келнә:
– Би Хамгин Күчтә Бурхмб.
Чи өслттә, өнр-өргн бол,
Чамас улс үүдх,
Олн улс!
Чамас олн хан үүдх!
12Абрахамд болн Ицхакд мини өгсн һазриг
Би чамд болн чини хөөт үйнрт өгнәв.
13Бурхн Яковиг үлдәһәд йовхла, 14тер күүндсн ормднь Яков санлын чолу тәвнә. Эн чолун деер чаһр, олив модна тос асхна. 15Тер ормд Яков Бет-Эль гидг нер өгнә.
16Тедн Бет-Эләс һарад, Эпратас хол биш йовсн цагт, Рахелин гесн мошклв. Рахел үрән һарһх деерән 17йир икәр зовна.
– Бичә ә. Хәлә, бас нег көвүтә болвч! – гиҗ эк болҗах эмгн келнә.
18Үкҗәх Рахел сүүлин әмсхлән авад, көвүндән Бен-Они#35:18 Бен-Они – еврей келәр эн нерн «мини зовлңгин көвүн» гидг чинртә. Бенямин – еврей келәр эн нерн «мини барун һарин көвүн» гидг чинртә. гидг нер өгнә. Яков болхла терүнд талдан нер өгв – Бенямин.
19Рахел тиигҗ өңгрнә. Терүг Эпрат ордг хаалһин хаҗуд оршана. (Ода тер Бетлехем гидг нертә.) 20Рахелин үкәр деер Яков санлын чолу тәвнә. Тер чолун ода күртл тенд бәәнә. 21Израиль цааранднь йовад, Мигдал-Эдерин ца хошлад зогсна.
22Тер цагт Рубен эцкиннь зарц гергн Билхала ханьцна. Энүнә тускар эцкднь келнә.
Яков 12 көвүтә билә. 23Лиян көвүд: Рубен (Яковин түрүңк көвүн), Шимон, Леви, Йуда, Исахар болн Завулун. 24Рахелин көвүд: Йосип болн Бенямин. 25Рахелин зарц Билхан көвүд: Дан болн Наптали. 26Лиян зарц Зилпан көвүд: Гәд болн Ашер. Эннь Паддан-Арамд төрсн Яковин көвүд.
27Яков эцк талан ирнә. Мамред Керьят-Арба балһсна хаҗуд (өдгә цагт Хеврон нертә) түрүләд Абрахам, дәкәд Ицхак бәәҗ. 28Ицхак 180 җилдән бәәв. 29Җирһл үзәд, ик нас наслад, өңгрсн өвкнр талан тер һарна. Терүг Эсав болн Яков көвүднь оршана.
Jelenleg kiválasztva:
Эклц 35: ХКО_ӘБ
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© Институт перевода Библии, 2002-2023