San Juan 16
16
1’Tʉnʉmgʉs̈au we'n pigacutu'mpʉjca mit inca'ugawa'n mit ma̱jlat. 2Ni'c is̈acpichingáj mam judíujat i-adora̱tca, mit mi'náj tu'c tiempu cuandu tambʉn is̈ago'jcáj, je' ipensa̱táj ni'c iwatp oy pa Dios. 3Mit iwatcáj we'n ni'c iga-is̈capcap tʉnte̱t Dios ne tʉs̈ca-is̈capcap ʉ̱. 4Ayʉ̱́j cosajat tʉnʉmgʉs̈ap pa cuandu ijatwa'n wename, inyijawigáj ni'c we'n tʉnʉmgʉ́s̈aj.
Lo que iwatpay Espíritu Santu
’Ayʉ̱́j tʉganʉmgʉs̈awu primeru ni'c tʉtsʉ̱nau mit mijchat. 5Po jinap tʉnʉs̈áj mam itsʉ̱na Dios jeme tʉs̈ajyu'tway, mit mijchat is̈ca-ucyo'tcap jʉm tʉnʉs̈. 6Mit tu'no'cp injo̱jtat ni'c we'n tʉnʉmgʉ́s̈aj. 7Jinap tʉnʉmgʉs̈ap iyacs̈ta'cway, ni'c más oy pa mijchat tʉ̱nʉs̈. Ni'c te tʉganʉs̈p, cami'náj mam mijchat Espíritu Santu is̈majyigámpay. Po te tʉnʉs̈p, tʉ-ajyu'tcʉs̈á̱j. 8Mit imi'nwa'n Espíritu Santu, i-actujawigʉs̈áj jayajwat ayʉ̱́j mundujway ni'c iwatcap mal, mit ni'c igawatcawu oy, mit i-actujawigʉs̈áj jayajwat ni'c tsʉ̱ngáj juzga̱tic. 9Je'jat iwatcap mal ni'c tʉs̈cacupʉjcap. 10Mit Espíritu Santu i-actujawigʉs̈áj ni'c tʉnwatp oy ni'c tʉnʉs̈p mam tʉnte̱t Dios, mit is̈caja-e'pcáj. 11Mit Espíritu Santu i-actujawigʉs̈áj jayajwat ni'c tsʉ̱ngáj juzga̱tic, ni'c ma̱lwayna' imanda̱tpay ayʉ̱́j mundu condena̱tiganu itsʉ̱na.
12’Tʉnaguepnaj mayo'c cosajat tʉnʉmgʉs̈ámpay, po jinap ca-oyáj is̈majmóyga. 13Po imi'nwa'n ayé Espíritu Santu jeme iyacs̈ta'cway, is̈actujawigáj nu'pʉjʉn lo que iyacs̈ta'cway. Ni'c cacotsáj je'yu, po inʉmáj nu'pʉjʉn imarapay, mit is̈actujawigáj nu'pʉjʉn cosajat jatámpay. 14Espíritu Santu tʉs̈-oyninʉmáj ni'c ipʉctsowáj lo que tʉnaguepay mit ayé is̈actujawigáj. 15Nu'pʉjʉn tʉnte̱t Dios ijtʉpay, ayé tʉnje'. Jemni'c tʉs̈nʉjm ni'c Espíritu Santu ipʉctsowámpey lo que tʉnaguepay mit ayé is̈actujawigáj.
Cʉs̈wa'n cajatu'náj injo̱jtat
16’Tʉtsʉ̱náj jas̈ʉ̱n yam mit is̈ca-e'pcáj, mit cʉs̈wa'n tu'c tiempu is̈-e'pcájatu, mit tʉnʉs̈áj mam itsʉ̱na tʉnte̱t Dios.
17Cʉs̈ cʉjtu'c ipʉctampajyat ni-ucyo'tcʉjʉu:
—¿Ti inʉmo'jcʉp ayé nas̈nʉmgajapay: Tʉtsʉ̱náj jas̈ʉ̱n yam mit is̈ca-e'pcáj, mit cʉs̈wa'n tu'c tiempu is̈-e'pcájatu, mit tʉnʉs̈áj mam itsʉ̱na tʉnte̱t Dios? 18Cʉs̈ inʉmgau: ¿Ti inʉmo'jcʉp ni'c tsʉ̱náj jas̈ʉ̱n yam? Nagajawigap ti inʉmpay.
19Jesús ijawiu ni'c iwangau igui-ucyo'tcáj, mit inʉmgʉs̈au:
—¿Mini-ucyo'tcʉjʉp ti inʉmo'jcʉp ayʉ̱́j tʉnyʉmway: Tʉtsʉ̱náj jas̈ʉ̱n yam mit is̈ca-e'pcáj, mit cʉs̈wa'n tu'c tiempu is̈-e'pcájatu? 20Iyacs̈ta'cway tʉnʉmgʉs̈ap ni'c mijʉygáj mit tu'náj injo̱jtat, mit jayajwat ayʉ̱́j mundujway ji'gáj ijo̱jtat. Po maja itu'nwa'naj injo̱jtat, cʉs̈wa'n ji'gájatu injo̱jtat. 21Ita'cwa'n tu'c to's̈ay, pʉcp icuerpu ni'c iguicojyaway hora. Po iguita'cwa'n iway, igajanijawip ni'c pʉjcʉs̈ʉu ni'c ji'go'cp ijo̱jt ni'c itnup tu'c qui'chwáy. 22We'ney mijchat tu'mp injo̱jtat jinap, po ʉ̱ tʉ-e'pcʉs̈ájatu mit ji'gáj injo̱jtat, mit nepʉn ca-oyáj is̈nʉmgajap magaji'c injo̱jtat.
23’En ayé s̈ʉjw is̈caja-ucyo'tcáj neti. Iyacs̈ta'cway tʉnʉmgʉs̈ap ni'c nu'pʉjʉn inyo'tcajámpay tʉnte̱t Dios, is̈acmingajáj ni'c ʉ̱ is̈cupʉjcap. 24Hasta jinap inganiyo'tcajap Dios neti. Yo'tca mit impʉctsougáj ni'c ʉ̱ is̈cupʉjcap, pa we'n ji'gáj injo̱jtat iyacs̈ta'cway.
Ʉ̱ tʉmvencia̱t ayʉ̱́j mundu
25’Ayé tʉnʉmgʉs̈away, tʉntumuquips̈ cuentujat. Po cojáj hora tʉngajatumuquips̈áj cuentujat po tʉ-actujawigʉs̈áj pajcu nat ayé tʉnte̱t Dios. 26En ayé s̈ʉjw tʉnʉcs̈wa'n, inyo'tcajáj Dios ni'c ʉ̱ is̈cupʉjcap, mit tʉnʉmgʉs̈ap ni'c canesita̱tp tʉs̈yo'jtawa'n tʉnte̱t Dios pa mijchat, ni'c je'yu is̈moygáj nu'pʉjʉn. 27Ni'c tʉnte̱t Dios is̈wangap ni'c mijchat is̈wangapey ʉ̱, mit incupʉjcap ni'c tʉpichin mam Dios. 28Tʉpichin mam tʉnte̱t Dios mit tʉmín en ayʉ̱́j mundu. Mit tʉpichinájatu en ayʉ̱́j mundu mit tʉnʉs̈áj mam tʉnte̱t Dios.
29Ipʉctampajyat iguinʉmgajau: Jinap que micotsp pajcu, mit ingatumuquips̈p nejʉmay cuentu. 30Jinap tʉnjawigap ni'c injawip nu'pʉjʉn cosa mit canesita̱tp nepʉn is̈-ucyo'táj. Jemni'c tʉs̈cupʉ́jca ni'c mipichin mam Dios. 31Jesús ipo'ngʉs̈:
—¿Jinap incupʉjcap ayé? 32Cojáj hora mit jinap coyway pa inyʉs̈cawa'n s̈is̈cada'guic cada jayau mamu iguiwa'n, mit is̈cuyaguigáj tʉntu'gumu. Po tʉgatsʉ̱nap tʉntu'gumu ni'c tʉnte̱t Dios tsʉ̱nap mit ʉ̱. 33Tʉnʉmgʉs̈au we'n pa pi aguepca paz ni'c ʉ̱ is̈cupʉjcap. En ayʉ̱́j mundu intunas̈cáj po ma ji'c injo̱jtat ni'c tʉmvencia̱tway ayʉ̱́j mundu.
Jelenleg kiválasztva:
San Juan 16: PSNT
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Nuevo Testamento en Popoluca de Sayula © Sociedad Bíblica de México, [1969].
San Juan 16
16
1’Tʉnʉmgʉs̈au we'n pigacutu'mpʉjca mit inca'ugawa'n mit ma̱jlat. 2Ni'c is̈acpichingáj mam judíujat i-adora̱tca, mit mi'náj tu'c tiempu cuandu tambʉn is̈ago'jcáj, je' ipensa̱táj ni'c iwatp oy pa Dios. 3Mit iwatcáj we'n ni'c iga-is̈capcap tʉnte̱t Dios ne tʉs̈ca-is̈capcap ʉ̱. 4Ayʉ̱́j cosajat tʉnʉmgʉs̈ap pa cuandu ijatwa'n wename, inyijawigáj ni'c we'n tʉnʉmgʉ́s̈aj.
Lo que iwatpay Espíritu Santu
’Ayʉ̱́j tʉganʉmgʉs̈awu primeru ni'c tʉtsʉ̱nau mit mijchat. 5Po jinap tʉnʉs̈áj mam itsʉ̱na Dios jeme tʉs̈ajyu'tway, mit mijchat is̈ca-ucyo'tcap jʉm tʉnʉs̈. 6Mit tu'no'cp injo̱jtat ni'c we'n tʉnʉmgʉ́s̈aj. 7Jinap tʉnʉmgʉs̈ap iyacs̈ta'cway, ni'c más oy pa mijchat tʉ̱nʉs̈. Ni'c te tʉganʉs̈p, cami'náj mam mijchat Espíritu Santu is̈majyigámpay. Po te tʉnʉs̈p, tʉ-ajyu'tcʉs̈á̱j. 8Mit imi'nwa'n Espíritu Santu, i-actujawigʉs̈áj jayajwat ayʉ̱́j mundujway ni'c iwatcap mal, mit ni'c igawatcawu oy, mit i-actujawigʉs̈áj jayajwat ni'c tsʉ̱ngáj juzga̱tic. 9Je'jat iwatcap mal ni'c tʉs̈cacupʉjcap. 10Mit Espíritu Santu i-actujawigʉs̈áj ni'c tʉnwatp oy ni'c tʉnʉs̈p mam tʉnte̱t Dios, mit is̈caja-e'pcáj. 11Mit Espíritu Santu i-actujawigʉs̈áj jayajwat ni'c tsʉ̱ngáj juzga̱tic, ni'c ma̱lwayna' imanda̱tpay ayʉ̱́j mundu condena̱tiganu itsʉ̱na.
12’Tʉnaguepnaj mayo'c cosajat tʉnʉmgʉs̈ámpay, po jinap ca-oyáj is̈majmóyga. 13Po imi'nwa'n ayé Espíritu Santu jeme iyacs̈ta'cway, is̈actujawigáj nu'pʉjʉn lo que iyacs̈ta'cway. Ni'c cacotsáj je'yu, po inʉmáj nu'pʉjʉn imarapay, mit is̈actujawigáj nu'pʉjʉn cosajat jatámpay. 14Espíritu Santu tʉs̈-oyninʉmáj ni'c ipʉctsowáj lo que tʉnaguepay mit ayé is̈actujawigáj. 15Nu'pʉjʉn tʉnte̱t Dios ijtʉpay, ayé tʉnje'. Jemni'c tʉs̈nʉjm ni'c Espíritu Santu ipʉctsowámpey lo que tʉnaguepay mit ayé is̈actujawigáj.
Cʉs̈wa'n cajatu'náj injo̱jtat
16’Tʉtsʉ̱náj jas̈ʉ̱n yam mit is̈ca-e'pcáj, mit cʉs̈wa'n tu'c tiempu is̈-e'pcájatu, mit tʉnʉs̈áj mam itsʉ̱na tʉnte̱t Dios.
17Cʉs̈ cʉjtu'c ipʉctampajyat ni-ucyo'tcʉjʉu:
—¿Ti inʉmo'jcʉp ayé nas̈nʉmgajapay: Tʉtsʉ̱náj jas̈ʉ̱n yam mit is̈ca-e'pcáj, mit cʉs̈wa'n tu'c tiempu is̈-e'pcájatu, mit tʉnʉs̈áj mam itsʉ̱na tʉnte̱t Dios? 18Cʉs̈ inʉmgau: ¿Ti inʉmo'jcʉp ni'c tsʉ̱náj jas̈ʉ̱n yam? Nagajawigap ti inʉmpay.
19Jesús ijawiu ni'c iwangau igui-ucyo'tcáj, mit inʉmgʉs̈au:
—¿Mini-ucyo'tcʉjʉp ti inʉmo'jcʉp ayʉ̱́j tʉnyʉmway: Tʉtsʉ̱náj jas̈ʉ̱n yam mit is̈ca-e'pcáj, mit cʉs̈wa'n tu'c tiempu is̈-e'pcájatu? 20Iyacs̈ta'cway tʉnʉmgʉs̈ap ni'c mijʉygáj mit tu'náj injo̱jtat, mit jayajwat ayʉ̱́j mundujway ji'gáj ijo̱jtat. Po maja itu'nwa'naj injo̱jtat, cʉs̈wa'n ji'gájatu injo̱jtat. 21Ita'cwa'n tu'c to's̈ay, pʉcp icuerpu ni'c iguicojyaway hora. Po iguita'cwa'n iway, igajanijawip ni'c pʉjcʉs̈ʉu ni'c ji'go'cp ijo̱jt ni'c itnup tu'c qui'chwáy. 22We'ney mijchat tu'mp injo̱jtat jinap, po ʉ̱ tʉ-e'pcʉs̈ájatu mit ji'gáj injo̱jtat, mit nepʉn ca-oyáj is̈nʉmgajap magaji'c injo̱jtat.
23’En ayé s̈ʉjw is̈caja-ucyo'tcáj neti. Iyacs̈ta'cway tʉnʉmgʉs̈ap ni'c nu'pʉjʉn inyo'tcajámpay tʉnte̱t Dios, is̈acmingajáj ni'c ʉ̱ is̈cupʉjcap. 24Hasta jinap inganiyo'tcajap Dios neti. Yo'tca mit impʉctsougáj ni'c ʉ̱ is̈cupʉjcap, pa we'n ji'gáj injo̱jtat iyacs̈ta'cway.
Ʉ̱ tʉmvencia̱t ayʉ̱́j mundu
25’Ayé tʉnʉmgʉs̈away, tʉntumuquips̈ cuentujat. Po cojáj hora tʉngajatumuquips̈áj cuentujat po tʉ-actujawigʉs̈áj pajcu nat ayé tʉnte̱t Dios. 26En ayé s̈ʉjw tʉnʉcs̈wa'n, inyo'tcajáj Dios ni'c ʉ̱ is̈cupʉjcap, mit tʉnʉmgʉs̈ap ni'c canesita̱tp tʉs̈yo'jtawa'n tʉnte̱t Dios pa mijchat, ni'c je'yu is̈moygáj nu'pʉjʉn. 27Ni'c tʉnte̱t Dios is̈wangap ni'c mijchat is̈wangapey ʉ̱, mit incupʉjcap ni'c tʉpichin mam Dios. 28Tʉpichin mam tʉnte̱t Dios mit tʉmín en ayʉ̱́j mundu. Mit tʉpichinájatu en ayʉ̱́j mundu mit tʉnʉs̈áj mam tʉnte̱t Dios.
29Ipʉctampajyat iguinʉmgajau: Jinap que micotsp pajcu, mit ingatumuquips̈p nejʉmay cuentu. 30Jinap tʉnjawigap ni'c injawip nu'pʉjʉn cosa mit canesita̱tp nepʉn is̈-ucyo'táj. Jemni'c tʉs̈cupʉ́jca ni'c mipichin mam Dios. 31Jesús ipo'ngʉs̈:
—¿Jinap incupʉjcap ayé? 32Cojáj hora mit jinap coyway pa inyʉs̈cawa'n s̈is̈cada'guic cada jayau mamu iguiwa'n, mit is̈cuyaguigáj tʉntu'gumu. Po tʉgatsʉ̱nap tʉntu'gumu ni'c tʉnte̱t Dios tsʉ̱nap mit ʉ̱. 33Tʉnʉmgʉs̈au we'n pa pi aguepca paz ni'c ʉ̱ is̈cupʉjcap. En ayʉ̱́j mundu intunas̈cáj po ma ji'c injo̱jtat ni'c tʉmvencia̱tway ayʉ̱́j mundu.
Jelenleg kiválasztva:
:
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Nuevo Testamento en Popoluca de Sayula © Sociedad Bíblica de México, [1969].