San Juan 17
17
Jesús i-ora̱tcʉs̈ap ipʉctampajyat
1Cʉs̈ iguinʉjm we'n Jesús, yuc-e'p pa tsajpni'c, i-ora̱jtau Dios, inʉm:
—Padre, tʉs̈cojyaway hora pa tʉ-o'cwa'n. Oyninʉmac ni'c ʉ̱ mi̱ is̈wáy, pa ʉ̱ tʉ-oyninʉmwa'ney mi̱. 2Ni'c mi̱ is̈moy derechu pa tʉs̈wejnu'pcʉs̈awa'n nu'pʉjʉn jayajwat, mit pa tʉs̈moygʉs̈wa'n vida cacʉs̈ámpay nu'pʉjʉn ayé is̈moygʉs̈way. 3Mit ipʉctsougáj vida cacʉs̈ámay jeme is̈-is̈capcapay mi̱ mit we'ney jeme tʉs̈-is̈capcámpay ʉ̱ Jesucristu jeme mi̱ is̈ajyu'tway, ni'c miDios iyacs̈ta'cway mit ca-itp jatu'c ni-as̈amu.
4’Ʉ̱ tʉ-oyninʉmway en ayʉ̱́j mundu, mit tʉncʉs̈way ayé yos̈ is̈moyway tʉwat. 5Jinap, Padre, mʉjninʉmac ʉ̱ pa tʉtsʉ̱nawa'n mʉjninʉmic mit mi̱, as̈am tʉtsʉ̱najʉ'jc mʉjninʉmic mit mi̱ antes ichu̱chij ayʉ̱́j mundu.
6’Tʉnactujawigʉs̈ ayé jayajwat is̈moygʉs̈way en ayʉ̱́j mundu ma is̈-is̈capcac mi̱. Ayé jayajwat inje'ate po is̈moygʉs̈ ʉ̱, mit ijayaumaygau lo que inyʉmpay. 7Jinap ijawiganup ni'c nu'pʉjʉn poder tʉnaguepay, ayé mi̱ is̈acmijnau. 8Mit jeme is̈nʉjmaway, ayé tʉnyʉmgʉs̈au mit ipʉctsougau. Mit ijawiganup ni'c iyacs̈ta'cway tʉpichin mam mi̱, mit icupʉjcau ni'c mi̱ is̈ajyu't.
9’Tʉyo'jtap pa jeme incupiugʉs̈way, mit tʉgayo'jtap pa jayajwat iwangapay ayʉ̱́j mundu, po tʉyo'jtap pa jeme is̈moygʉs̈way ni'c aye'jat inje'. 10Mit nu'pʉjʉn tʉnaguepay, inje'. Mit mi̱ inaguepay, tʉnje'. Jemni'c ʉ̱ tʉs̈-oyninʉmgap je'jat.
11’Tʉgajatsʉ̱náj jec en ayʉ̱́j mundu, po je'jat tangap en ayʉ̱́j mundu, mit ʉ̱ tʉnʉs̈p mam mi̱. Padre, mi̱ mitsʉ̱nap mʉjninʉmic. Cuida̱tcʉs̈ mit impoder jeme ʉ̱ is̈moygʉs̈way pa ma jatca tu'jcatu, as̈am ʉjtsat natu'jcatu. 12Cuandu tʉtsʉ̱́naj mit je'jat en ayʉ̱́j mundu, tʉncuida̱tcʉs̈ mit impoder. Tʉncuida̱tcʉs̈ jeme is̈moygʉs̈way mit tʉnga-actogoyu netu'c, po aye'yu tan jeme nʉmicway pa itogoywa'n, pa ma cumplia̱t tsʉ̱napay ja'yic inlibruni'c.
13’Po jinap tʉnʉs̈p mam mi̱, mit tʉnyʉmgʉs̈ap ayʉ̱́j cosajat en ayʉ̱́j mundu pa ma ji'c ijo̱jtat iyacs̈ta'cway as̈am ʉ̱ iji'c tʉnjo̱jt. 14Tʉnyʉmgʉs̈away tʉnjayajwat lo que mi̱ inyʉmway, mit jayajwat ayʉ̱́j mundujway igui-ampʉjcau, ni'c tʉnjayajwat igawangap mal itpay en ayʉ̱́j mundu, as̈am ʉ̱ tʉngawampey mal itpay en ayʉ̱́j mundu. 15Tʉgayo'jtap pi chi'tcʉs̈ en ayʉ̱́j mundu, po pi cuida̱tcʉs̈ magatʉgʉyga mam i-it ma̱jlat. 16Je'jat igawangap mal itpay en ayʉ̱́j mundu as̈am ʉ̱ tʉngawampey mal itpay en ayʉ̱́j mundu. 17Aparta̱tcʉs̈ pa inje' pa ma jawiga lo que iyacs̈ta'cway, ni'c mi̱ inyʉmp lo que iyacs̈ta'cway. 18As̈am mi̱ is̈ajyu't en ayʉ̱́j mundu, wename-ey tʉs̈ajyu'tcʉs̈ pa ma nʉmdacyo'yga oyway noticia en ayʉ̱́j mundu. 19Mit tʉni-entrega̱jtʉp incʉ'jugum ni'c tʉnwangʉs̈p je'jat, pa je'jatey ma ni-entrega̱tcʉjʉ pa iguiwatcawa'n lo que iyacs̈ta'cway.
20’Po tʉgayo'jtap pa ayʉ̱́jatu, po tʉyo'jtapey pa jeme tʉs̈cupʉjcámpay iguimaraugawa'n ayé oyway noticia lo que je'jat inʉmdacyo'ygámpay, 21pa nu'pʉjʉn ma jatca tu'jcatu as̈am mi̱ mit ʉ̱ natu'jcatu, oh Padre, pa je'jat ma jatca tu'jcatu mit ʉjtsat, pa we'n jayajwat ayʉ̱́j mundujway icupʉjcáj ni'c mi̱ is̈ajyu't. 22As̈am ʉ̱ is̈-oyninʉm, we'ney ʉ̱ tʉs̈-oyninʉmgʉs̈ pa ma jatca tu'jcatu as̈am ʉjtsat natu'jcatu. 23Mi̱ mitsʉ̱nap mit ʉ̱, mit ʉ̱ mit je'jat, pa ma jatca tu'jcatu iyacs̈ta'cway, pa jayajwat ayʉ̱́j mundujway ma jawiga ni'c mi̱ is̈ajyu't, mit ma jawiga-ey ni'c inwangʉs̈p tʉnjayajwat as̈am ʉ̱ is̈wamp.
24’Padre, ayé jayajwatt is̈moygʉs̈way tʉnwamp ma tsʉ̱nga mit ʉ̱, pa ma e'pca nat is̈mʉjninʉmáj, ni'c ʉ̱ is̈wan antes is̈wajt ayʉ̱́j mundu. 25Padre, mi̱j ayé inwatpay yacs̈ic nu'pʉjʉn. Jayajwat ayʉ̱́j mundujway is̈cani-is̈capcap, po ʉ̱ tʉ-is̈cap mit tʉnjayajwat ijawiganupey ni'c mi̱ is̈ajyu't. 26Tʉnactujawigʉs̈ tʉnjayajwat ma is̈-is̈capcac mi̱, mit tʉnactujawigʉs̈áj más, pa ma jawiga ni'c inwangʉs̈p je'jat as̈am ʉ̱ is̈wamp, mit ʉ̱ tʉnwangʉs̈pey je'jat.
Jelenleg kiválasztva:
San Juan 17: PSNT
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Nuevo Testamento en Popoluca de Sayula © Sociedad Bíblica de México, [1969].
San Juan 17
17
Jesús i-ora̱tcʉs̈ap ipʉctampajyat
1Cʉs̈ iguinʉjm we'n Jesús, yuc-e'p pa tsajpni'c, i-ora̱jtau Dios, inʉm:
—Padre, tʉs̈cojyaway hora pa tʉ-o'cwa'n. Oyninʉmac ni'c ʉ̱ mi̱ is̈wáy, pa ʉ̱ tʉ-oyninʉmwa'ney mi̱. 2Ni'c mi̱ is̈moy derechu pa tʉs̈wejnu'pcʉs̈awa'n nu'pʉjʉn jayajwat, mit pa tʉs̈moygʉs̈wa'n vida cacʉs̈ámpay nu'pʉjʉn ayé is̈moygʉs̈way. 3Mit ipʉctsougáj vida cacʉs̈ámay jeme is̈-is̈capcapay mi̱ mit we'ney jeme tʉs̈-is̈capcámpay ʉ̱ Jesucristu jeme mi̱ is̈ajyu'tway, ni'c miDios iyacs̈ta'cway mit ca-itp jatu'c ni-as̈amu.
4’Ʉ̱ tʉ-oyninʉmway en ayʉ̱́j mundu, mit tʉncʉs̈way ayé yos̈ is̈moyway tʉwat. 5Jinap, Padre, mʉjninʉmac ʉ̱ pa tʉtsʉ̱nawa'n mʉjninʉmic mit mi̱, as̈am tʉtsʉ̱najʉ'jc mʉjninʉmic mit mi̱ antes ichu̱chij ayʉ̱́j mundu.
6’Tʉnactujawigʉs̈ ayé jayajwat is̈moygʉs̈way en ayʉ̱́j mundu ma is̈-is̈capcac mi̱. Ayé jayajwat inje'ate po is̈moygʉs̈ ʉ̱, mit ijayaumaygau lo que inyʉmpay. 7Jinap ijawiganup ni'c nu'pʉjʉn poder tʉnaguepay, ayé mi̱ is̈acmijnau. 8Mit jeme is̈nʉjmaway, ayé tʉnyʉmgʉs̈au mit ipʉctsougau. Mit ijawiganup ni'c iyacs̈ta'cway tʉpichin mam mi̱, mit icupʉjcau ni'c mi̱ is̈ajyu't.
9’Tʉyo'jtap pa jeme incupiugʉs̈way, mit tʉgayo'jtap pa jayajwat iwangapay ayʉ̱́j mundu, po tʉyo'jtap pa jeme is̈moygʉs̈way ni'c aye'jat inje'. 10Mit nu'pʉjʉn tʉnaguepay, inje'. Mit mi̱ inaguepay, tʉnje'. Jemni'c ʉ̱ tʉs̈-oyninʉmgap je'jat.
11’Tʉgajatsʉ̱náj jec en ayʉ̱́j mundu, po je'jat tangap en ayʉ̱́j mundu, mit ʉ̱ tʉnʉs̈p mam mi̱. Padre, mi̱ mitsʉ̱nap mʉjninʉmic. Cuida̱tcʉs̈ mit impoder jeme ʉ̱ is̈moygʉs̈way pa ma jatca tu'jcatu, as̈am ʉjtsat natu'jcatu. 12Cuandu tʉtsʉ̱́naj mit je'jat en ayʉ̱́j mundu, tʉncuida̱tcʉs̈ mit impoder. Tʉncuida̱tcʉs̈ jeme is̈moygʉs̈way mit tʉnga-actogoyu netu'c, po aye'yu tan jeme nʉmicway pa itogoywa'n, pa ma cumplia̱t tsʉ̱napay ja'yic inlibruni'c.
13’Po jinap tʉnʉs̈p mam mi̱, mit tʉnyʉmgʉs̈ap ayʉ̱́j cosajat en ayʉ̱́j mundu pa ma ji'c ijo̱jtat iyacs̈ta'cway as̈am ʉ̱ iji'c tʉnjo̱jt. 14Tʉnyʉmgʉs̈away tʉnjayajwat lo que mi̱ inyʉmway, mit jayajwat ayʉ̱́j mundujway igui-ampʉjcau, ni'c tʉnjayajwat igawangap mal itpay en ayʉ̱́j mundu, as̈am ʉ̱ tʉngawampey mal itpay en ayʉ̱́j mundu. 15Tʉgayo'jtap pi chi'tcʉs̈ en ayʉ̱́j mundu, po pi cuida̱tcʉs̈ magatʉgʉyga mam i-it ma̱jlat. 16Je'jat igawangap mal itpay en ayʉ̱́j mundu as̈am ʉ̱ tʉngawampey mal itpay en ayʉ̱́j mundu. 17Aparta̱tcʉs̈ pa inje' pa ma jawiga lo que iyacs̈ta'cway, ni'c mi̱ inyʉmp lo que iyacs̈ta'cway. 18As̈am mi̱ is̈ajyu't en ayʉ̱́j mundu, wename-ey tʉs̈ajyu'tcʉs̈ pa ma nʉmdacyo'yga oyway noticia en ayʉ̱́j mundu. 19Mit tʉni-entrega̱jtʉp incʉ'jugum ni'c tʉnwangʉs̈p je'jat, pa je'jatey ma ni-entrega̱tcʉjʉ pa iguiwatcawa'n lo que iyacs̈ta'cway.
20’Po tʉgayo'jtap pa ayʉ̱́jatu, po tʉyo'jtapey pa jeme tʉs̈cupʉjcámpay iguimaraugawa'n ayé oyway noticia lo que je'jat inʉmdacyo'ygámpay, 21pa nu'pʉjʉn ma jatca tu'jcatu as̈am mi̱ mit ʉ̱ natu'jcatu, oh Padre, pa je'jat ma jatca tu'jcatu mit ʉjtsat, pa we'n jayajwat ayʉ̱́j mundujway icupʉjcáj ni'c mi̱ is̈ajyu't. 22As̈am ʉ̱ is̈-oyninʉm, we'ney ʉ̱ tʉs̈-oyninʉmgʉs̈ pa ma jatca tu'jcatu as̈am ʉjtsat natu'jcatu. 23Mi̱ mitsʉ̱nap mit ʉ̱, mit ʉ̱ mit je'jat, pa ma jatca tu'jcatu iyacs̈ta'cway, pa jayajwat ayʉ̱́j mundujway ma jawiga ni'c mi̱ is̈ajyu't, mit ma jawiga-ey ni'c inwangʉs̈p tʉnjayajwat as̈am ʉ̱ is̈wamp.
24’Padre, ayé jayajwatt is̈moygʉs̈way tʉnwamp ma tsʉ̱nga mit ʉ̱, pa ma e'pca nat is̈mʉjninʉmáj, ni'c ʉ̱ is̈wan antes is̈wajt ayʉ̱́j mundu. 25Padre, mi̱j ayé inwatpay yacs̈ic nu'pʉjʉn. Jayajwat ayʉ̱́j mundujway is̈cani-is̈capcap, po ʉ̱ tʉ-is̈cap mit tʉnjayajwat ijawiganupey ni'c mi̱ is̈ajyu't. 26Tʉnactujawigʉs̈ tʉnjayajwat ma is̈-is̈capcac mi̱, mit tʉnactujawigʉs̈áj más, pa ma jawiga ni'c inwangʉs̈p je'jat as̈am ʉ̱ is̈wamp, mit ʉ̱ tʉnwangʉs̈pey je'jat.
Jelenleg kiválasztva:
:
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Nuevo Testamento en Popoluca de Sayula © Sociedad Bíblica de México, [1969].