San Juan 18
18
I-actangap Jesús
1Cʉs̈ iguinʉjm we'n Jesús, pichin mit ipʉctampajyat mit nʉs̈cau pa tuganʉ-ájw Cedrón en tu'c lugar mam i-it may olivu cujyat, mit jem itʉgʉjy mit ipʉctampajyat. 2Mit Judas jeme iguito'ctʉgʉyway i-is̈capey ayé lugar ni'c mayo'c viaje Jesús ini-apʉcmújcʉjʉj jem mit ipʉctampajyat. 3Cʉs̈ Judas i-apʉcmuc soldajuc mit comandantejat jeme igui-ajyu'tcaway judíujat imʉjpa̱nijat mit fariseujat, mit nʉs̈cau jem mit linternajat mit jʉmbola mit i-armajat. 4Po Jesús ijawiu nu'pʉjʉn jeme iguijatámpay, icutomigʉs̈ mit inʉmgʉs̈au:
—¿Pʉn inche'ngap?
5Iguipo'ngau:
—Tʉnche'ngap Jesús Nazaretway.
Jesús inʉmgʉs̈au:
—Ʉ̱j ayé.
Mit jemey iyo'jy Judas jeme iguito'ctʉgʉyway. 6Cuandu iguinʉmgʉ́s̈aj Jesús: “Ʉ̱j ayé”, nʉs̈cau pa mugus̈á̱m mit ca'ubʉ'ngau na̱s̈ni'c. 7Mit Jesús i-ucyo'tcʉs̈atu:
—¿Pʉn inche'ngap?
Mit je'jat iguipo'ngau:
—Tʉnche'ngap Jesús Nazaretway.
8Jesús ipo'ngʉs̈:
—Tʉnʉmgʉs̈away ni'c ʉ̱j ayé. Te ʉ̱ is̈che'ngap, moyga laj ma nʉs̈ca tʉnmuyo'ygʉs̈pay.
9Inʉm we'n pa ma cumplia̱t lo que inʉmway: “Jeme is̈moygʉs̈way netu'c tʉnga-actogoyu.”
10Cʉs̈ Simón Pedro jeme imuyo'yway i-espada, ichi't mit itumoy mʉjpa̱nijna' imozo, mit ipus̈tujcau ita̱tsʉc oyimay. Mit ayé mozo inʉ'jy Malco. 11Cʉs̈ Jesús inʉjmau Pedro:
—Com in-espada i-acni'c, ni'c Dios Nate̱jat inʉm ni'c itp ti tʉs̈tunas̈wa'n.
Jesús mit ayé mʉjpa̱nij
12Cʉs̈ ayé soldajuc mit icapitán mit judíujat icomandantejat i-actangau Jesús mit icutsumda̱jcau. 13Mit imunʉs̈ʉ'jcau mam Anás ni'c ayé Caifás imʉ'tna', mit Caifás mʉjpa̱nij ayé s̈iwit. 14Mit Caifás ayé jeme i-acochigʉs̈way judíujat ni'c más oy solo tu'c jayau ma o'c mit caje' itogoygawa'n nu'pʉjʉn jayajwat.
Pedro inega̱jtap Jesús
15Mit Simón Pedro mit jatu'c pʉctampay inatspoguigau Jesús. Mit ayé pʉctampay igui-is̈cap mʉjpa̱nij, mit tʉgʉy mit Jesús mʉjpa̱nijna' ipe'tni'c, 16po Pedro tan pe'ta̱m tʉc-auni'c. Cʉs̈ pichin ayé pʉctampay igui-is̈capay mʉjpa̱nijna', mit inajau ayé puertacuida̱tpayma̱m ma mo' laj ma tʉgʉy Pedro. 17Cʉs̈ ayé puertacuida̱tpayma̱m inajau Pedro:
—¿Caje' mi̱ is̈pʉctampay Jesús?
Pedro inʉm:
—Tʉgaje'.
18Mit jem iténagaj ayé mozojat mit comandantejat, mit i-acotmujcau jʉjn pa is̈amgawa'n ni'c payiguito'c, mit jemey iténaj Pedro mit je'jat, mit s̈amwey.
Anás i-ucyo'tp Jesús
19Mit ayé mʉjpa̱nij i-ucyo't Jesús pʉjnat ipʉctampajyat mit ti i-ajque's̈cʉs̈ap. 20Jesús ipo'n:
—Ʉ̱ tʉcots mam nu'pʉjʉn iguimárauga. Siempre tʉ-ajque's̈way mam judíujat i-adora̱tca mit templuni'c mam ini-apʉcmújcʉjʉ nu'pʉjʉn judíujat, mit tʉganicotsp anu'mu. 21¿Tini'c is̈-ucyo'tp ʉ̱? Ucyo'tcʉs̈ jeme imaraugaway tʉcots, ni'c je'jat ijawigap lo que tʉnyʉmway.
22Iguinʉjm we'n Jesús, tu'c comandante tsʉ̱naway jem iguimoy tu'c apatsmuc, inʉm:
—¿We'n is̈po'n mʉjpa̱nij?
23Jesús ipo'n:
—Te tʉcots mal, actujawiyac ti mal tʉnwat, mit te tʉnwat oy, ¿tini'c is̈moy?
24Cʉs̈ Anás i-acnʉcs̈ Jesús cutsumda'guic mam Caifás mʉjpa̱nijna'.
Pedro inega̱jtapatu Jesús
25Cʉs̈ Pedro siguia̱t is̈am. Mit inʉmgajau:
—¿Caje' mi̱ is̈pʉctampay Jesús?
Mit Pedro inʉm:
—Ca̱j, tʉgaje'.
26Tu'c imozo mʉjpa̱nijna', ije̱way ayé jayau jeme Pedro ipus̈tujcaway ita̱tsʉc, i-ucyo't:
—Tʉs̈jawi tʉ-is̈ mi̱ en ayé lugar mit Jesús.
27Pedro inʉmatu ni'c ca̱j, mit ʉ̱u jaran ca̱yuna'.
Jesús mam Pilato
28Cʉs̈ i-acpichingau Jesús tʉc Caifás mit imunʉs̈cau pa gobernadorna' ipalaciuni'c, mit ayé hora jopoyito'cnaj, mit je'jat catʉgʉygawu palaciuni'c pa maganijingʉjʉ, ni'c te tʉgʉygap, ca-oyájate iguitsouga ayé ma̱s̈ʉjw pascua. 29Cʉs̈ pichin Pilato mam je'jat mit inʉmgʉs̈au:
—¿Ti iwat ayʉ̱́j jayau pa is̈-acusá̱tca?
30Je'jat iguipo'ngau:
—Magawátate mal ayʉ̱́j jayau, camimpate tʉ-entregá̱tcaja.
31Cʉs̈ Pilato inʉmgʉs̈au:
—Munʉ́s̈ca mijchat mit juzgá̱tca as̈am iguinʉm inlejyat.
Mit ayé judíujat iguinʉmgajau:
—Ʉjtsat tʉnlejyat tʉs̈camoygap laj tʉs̈ago'jcawa'n nepʉn.
32Inʉmgau we'n pa ma cumplia̱t jeme inʉmway Jesús, ni'c je' i-actujawigʉs̈ nat i-o'cwa'n. 33Cʉs̈ Pilato tʉgʉyatu palaciuni'c, mit iya̱s̈ Jesús, inʉjmau:
—¿Mi̱j ayé judíujat is̈rejyat?
34Jesús ipo'n:
—¿Mi̱jyu inyʉmp ayʉ̱́j, o tambʉn is̈nʉmgajau tʉpʉn ʉ̱?
35Pilato iguipo'n:
—¿Is̈jawi ni'c ʉ̱ tʉjudíu? Intʉcmayna̱s̈atway mit judíujat imʉjpa̱nijat is̈-entrega̱tcau tʉncʉ'jugum. ¿Ti inwat?
36Ipo'n Jesús:
—Tʉgaminu pa tʉs̈manda̱tcʉs̈wa'n jayajwat ayʉ̱́j mundujway. Tʉmandá̱tate ayʉ̱́j mundu, jeme tʉs̈majyigapay tsuguinwatcájate pa ʉ̱ tʉgatan judíujat icʉ'jugujmat, po ʉ̱ tʉgamanda̱tp yam.
37Cʉs̈ iguinʉjmau Pilato:
—¿Ah po mireypaj?
Jesús ipo'n:
—Mi̱ inyʉmp ni'c ʉ̱ tʉrey. Jemni'c tʉ-ijt mit jemni'c tʉmijn en ayʉ̱́j mundu pa tʉs̈actujawigʉs̈wa'n lo que iyacs̈ta'cway. Mit nu'pʉjʉn iwatcapay iyacs̈ta'cway, imaraugap lo que tʉnyʉmpay.
38Pilato iguinʉjmau:
—¿Ti ayé lo que iyacs̈ta'cway?
Icondena̱tcap Jesús ma o'c
Mit iguinʉjm we'n, pichinatu mam itsʉ̱nga judíujat, mit inʉmgʉs̈au:
—Tʉngapa̱jtap nejʉmay mal iwatway ayʉ̱́j jayau. 39Po mijchat miyújijcat tʉ-acjo'ngʉs̈a tu'c presu pascuani'c. ¿Inwangap tʉ-acjo'ngʉs̈awa'n judíujat irejyat?
40Cʉs̈ ya̱s̈cawatu, inʉmgau:
—Tʉnwangap pi ago'c Jesús, mit acjo'n Barrabás.
Mit Barrabás tu'c nu'mpay.
Jelenleg kiválasztva:
San Juan 18: PSNT
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Nuevo Testamento en Popoluca de Sayula © Sociedad Bíblica de México, [1969].
San Juan 18
18
I-actangap Jesús
1Cʉs̈ iguinʉjm we'n Jesús, pichin mit ipʉctampajyat mit nʉs̈cau pa tuganʉ-ájw Cedrón en tu'c lugar mam i-it may olivu cujyat, mit jem itʉgʉjy mit ipʉctampajyat. 2Mit Judas jeme iguito'ctʉgʉyway i-is̈capey ayé lugar ni'c mayo'c viaje Jesús ini-apʉcmújcʉjʉj jem mit ipʉctampajyat. 3Cʉs̈ Judas i-apʉcmuc soldajuc mit comandantejat jeme igui-ajyu'tcaway judíujat imʉjpa̱nijat mit fariseujat, mit nʉs̈cau jem mit linternajat mit jʉmbola mit i-armajat. 4Po Jesús ijawiu nu'pʉjʉn jeme iguijatámpay, icutomigʉs̈ mit inʉmgʉs̈au:
—¿Pʉn inche'ngap?
5Iguipo'ngau:
—Tʉnche'ngap Jesús Nazaretway.
Jesús inʉmgʉs̈au:
—Ʉ̱j ayé.
Mit jemey iyo'jy Judas jeme iguito'ctʉgʉyway. 6Cuandu iguinʉmgʉ́s̈aj Jesús: “Ʉ̱j ayé”, nʉs̈cau pa mugus̈á̱m mit ca'ubʉ'ngau na̱s̈ni'c. 7Mit Jesús i-ucyo'tcʉs̈atu:
—¿Pʉn inche'ngap?
Mit je'jat iguipo'ngau:
—Tʉnche'ngap Jesús Nazaretway.
8Jesús ipo'ngʉs̈:
—Tʉnʉmgʉs̈away ni'c ʉ̱j ayé. Te ʉ̱ is̈che'ngap, moyga laj ma nʉs̈ca tʉnmuyo'ygʉs̈pay.
9Inʉm we'n pa ma cumplia̱t lo que inʉmway: “Jeme is̈moygʉs̈way netu'c tʉnga-actogoyu.”
10Cʉs̈ Simón Pedro jeme imuyo'yway i-espada, ichi't mit itumoy mʉjpa̱nijna' imozo, mit ipus̈tujcau ita̱tsʉc oyimay. Mit ayé mozo inʉ'jy Malco. 11Cʉs̈ Jesús inʉjmau Pedro:
—Com in-espada i-acni'c, ni'c Dios Nate̱jat inʉm ni'c itp ti tʉs̈tunas̈wa'n.
Jesús mit ayé mʉjpa̱nij
12Cʉs̈ ayé soldajuc mit icapitán mit judíujat icomandantejat i-actangau Jesús mit icutsumda̱jcau. 13Mit imunʉs̈ʉ'jcau mam Anás ni'c ayé Caifás imʉ'tna', mit Caifás mʉjpa̱nij ayé s̈iwit. 14Mit Caifás ayé jeme i-acochigʉs̈way judíujat ni'c más oy solo tu'c jayau ma o'c mit caje' itogoygawa'n nu'pʉjʉn jayajwat.
Pedro inega̱jtap Jesús
15Mit Simón Pedro mit jatu'c pʉctampay inatspoguigau Jesús. Mit ayé pʉctampay igui-is̈cap mʉjpa̱nij, mit tʉgʉy mit Jesús mʉjpa̱nijna' ipe'tni'c, 16po Pedro tan pe'ta̱m tʉc-auni'c. Cʉs̈ pichin ayé pʉctampay igui-is̈capay mʉjpa̱nijna', mit inajau ayé puertacuida̱tpayma̱m ma mo' laj ma tʉgʉy Pedro. 17Cʉs̈ ayé puertacuida̱tpayma̱m inajau Pedro:
—¿Caje' mi̱ is̈pʉctampay Jesús?
Pedro inʉm:
—Tʉgaje'.
18Mit jem iténagaj ayé mozojat mit comandantejat, mit i-acotmujcau jʉjn pa is̈amgawa'n ni'c payiguito'c, mit jemey iténaj Pedro mit je'jat, mit s̈amwey.
Anás i-ucyo'tp Jesús
19Mit ayé mʉjpa̱nij i-ucyo't Jesús pʉjnat ipʉctampajyat mit ti i-ajque's̈cʉs̈ap. 20Jesús ipo'n:
—Ʉ̱ tʉcots mam nu'pʉjʉn iguimárauga. Siempre tʉ-ajque's̈way mam judíujat i-adora̱tca mit templuni'c mam ini-apʉcmújcʉjʉ nu'pʉjʉn judíujat, mit tʉganicotsp anu'mu. 21¿Tini'c is̈-ucyo'tp ʉ̱? Ucyo'tcʉs̈ jeme imaraugaway tʉcots, ni'c je'jat ijawigap lo que tʉnyʉmway.
22Iguinʉjm we'n Jesús, tu'c comandante tsʉ̱naway jem iguimoy tu'c apatsmuc, inʉm:
—¿We'n is̈po'n mʉjpa̱nij?
23Jesús ipo'n:
—Te tʉcots mal, actujawiyac ti mal tʉnwat, mit te tʉnwat oy, ¿tini'c is̈moy?
24Cʉs̈ Anás i-acnʉcs̈ Jesús cutsumda'guic mam Caifás mʉjpa̱nijna'.
Pedro inega̱jtapatu Jesús
25Cʉs̈ Pedro siguia̱t is̈am. Mit inʉmgajau:
—¿Caje' mi̱ is̈pʉctampay Jesús?
Mit Pedro inʉm:
—Ca̱j, tʉgaje'.
26Tu'c imozo mʉjpa̱nijna', ije̱way ayé jayau jeme Pedro ipus̈tujcaway ita̱tsʉc, i-ucyo't:
—Tʉs̈jawi tʉ-is̈ mi̱ en ayé lugar mit Jesús.
27Pedro inʉmatu ni'c ca̱j, mit ʉ̱u jaran ca̱yuna'.
Jesús mam Pilato
28Cʉs̈ i-acpichingau Jesús tʉc Caifás mit imunʉs̈cau pa gobernadorna' ipalaciuni'c, mit ayé hora jopoyito'cnaj, mit je'jat catʉgʉygawu palaciuni'c pa maganijingʉjʉ, ni'c te tʉgʉygap, ca-oyájate iguitsouga ayé ma̱s̈ʉjw pascua. 29Cʉs̈ pichin Pilato mam je'jat mit inʉmgʉs̈au:
—¿Ti iwat ayʉ̱́j jayau pa is̈-acusá̱tca?
30Je'jat iguipo'ngau:
—Magawátate mal ayʉ̱́j jayau, camimpate tʉ-entregá̱tcaja.
31Cʉs̈ Pilato inʉmgʉs̈au:
—Munʉ́s̈ca mijchat mit juzgá̱tca as̈am iguinʉm inlejyat.
Mit ayé judíujat iguinʉmgajau:
—Ʉjtsat tʉnlejyat tʉs̈camoygap laj tʉs̈ago'jcawa'n nepʉn.
32Inʉmgau we'n pa ma cumplia̱t jeme inʉmway Jesús, ni'c je' i-actujawigʉs̈ nat i-o'cwa'n. 33Cʉs̈ Pilato tʉgʉyatu palaciuni'c, mit iya̱s̈ Jesús, inʉjmau:
—¿Mi̱j ayé judíujat is̈rejyat?
34Jesús ipo'n:
—¿Mi̱jyu inyʉmp ayʉ̱́j, o tambʉn is̈nʉmgajau tʉpʉn ʉ̱?
35Pilato iguipo'n:
—¿Is̈jawi ni'c ʉ̱ tʉjudíu? Intʉcmayna̱s̈atway mit judíujat imʉjpa̱nijat is̈-entrega̱tcau tʉncʉ'jugum. ¿Ti inwat?
36Ipo'n Jesús:
—Tʉgaminu pa tʉs̈manda̱tcʉs̈wa'n jayajwat ayʉ̱́j mundujway. Tʉmandá̱tate ayʉ̱́j mundu, jeme tʉs̈majyigapay tsuguinwatcájate pa ʉ̱ tʉgatan judíujat icʉ'jugujmat, po ʉ̱ tʉgamanda̱tp yam.
37Cʉs̈ iguinʉjmau Pilato:
—¿Ah po mireypaj?
Jesús ipo'n:
—Mi̱ inyʉmp ni'c ʉ̱ tʉrey. Jemni'c tʉ-ijt mit jemni'c tʉmijn en ayʉ̱́j mundu pa tʉs̈actujawigʉs̈wa'n lo que iyacs̈ta'cway. Mit nu'pʉjʉn iwatcapay iyacs̈ta'cway, imaraugap lo que tʉnyʉmpay.
38Pilato iguinʉjmau:
—¿Ti ayé lo que iyacs̈ta'cway?
Icondena̱tcap Jesús ma o'c
Mit iguinʉjm we'n, pichinatu mam itsʉ̱nga judíujat, mit inʉmgʉs̈au:
—Tʉngapa̱jtap nejʉmay mal iwatway ayʉ̱́j jayau. 39Po mijchat miyújijcat tʉ-acjo'ngʉs̈a tu'c presu pascuani'c. ¿Inwangap tʉ-acjo'ngʉs̈awa'n judíujat irejyat?
40Cʉs̈ ya̱s̈cawatu, inʉmgau:
—Tʉnwangap pi ago'c Jesús, mit acjo'n Barrabás.
Mit Barrabás tu'c nu'mpay.
Jelenleg kiválasztva:
:
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Nuevo Testamento en Popoluca de Sayula © Sociedad Bíblica de México, [1969].