Matana Enjil 1
1
Bag. 1.
1Yesu komisbul Dawudna tod Ebrehinna todna bacchi selsilebul teran:
2Ebrehin Isaagki uskisum. Isaag Yagubki uskisum. Yagub Yahudagon wide timbesigongi uskirsum. 3Yahudagon uskisum Fariskon wide Zaragon, Tamarroton. Fariskon Hasrungi uskisum. Hasrungon Aramgi uskisum. Aramgon Aminadabki uskisum. 4Aminadabkon Nahshungi uskisum. Nahshungon Salmungi uskisum. 5Salmungon uskisum Buaski, Rahabirton. Buaskon Ubedti uskisum, Raütirton. Ubedton Yesagi uskisum. 6Yesagon Dawud orki uskisum.
Dawud orkon Solumgi uskisum, Uriyen endoton. Solumgon Rahbaamgi uskisum. 7Rahbaamgon uskisum Abiyagi. Abiyagon Asagi uskisum. Asagon uskisum Yahushafadti. 8Yahushafadton Yuramgi uskisum. Yuramgon uskisum Uziyagi. 9Uziyagon uskisum Yutamgi. Yutamgon uskisum Ahaski. Ahaskon uskisum Hizgiyagi. 10Hizgiyagon uskisum Manasagi. Manasagon uskisum Amungi. Amungon uskisum Yushiyagi. 11Yushiyagon uskisum Yakunyagon wide timbesigongi. Ingon Babelna nugudkanena watti teran.
12Babelna nugudkanen aharro Yakunya uskisum Shaaltielgi. Shaaltielgon uskisum Zarubabelgi. 13Zarubabelgon uskisum Abihudti. Abihudton uskisum Alyagimgi. Alyagimgon Azuragi uskisum. 14Azuragon Sadugki uskisum. Sadugkon uskisum Ahimgi. Ahimgon Alyudti uskisum. 15Alyudton uskisum Aliazarki. Aliazarkon Matangi uskisum. Matangon Yagubki uskisum. 16Yagubkon Yusifki, Meryemna hatibki, uskisum, Meryem, teddeton Yesu uskitakkel komisbul an aweran.
17In malegon: Ebrehindeton Dawudir junbokon jil diminde kemsum. Dawudirton Babelna nugudkaner junbokon jil diminde kemsum. Babelna nugudkanertongon komisbulbokon jil diminde kemsum.
18Ama Yesu komisbulna uskar ikke busum:
Meryem, tinen, Yusifked hatibtakkossinn aharro wide jamemensann owollo newerti gadisebulged mew engon eltakkisum. 19Yusifkon, tenna hatib, seway esum. Birigkomnum tekki uskirarki. Ama siriged wakosarki werissum.
20In ergir dabungon, artina malaika wer ugnutti werro beltir wide wetirsum: „Wo Yusif, Dawudna tod, sarkimen Meryem, enna hatibki, jamegrarki. Mine affi, ter tekked mewanbul, ter newerti gadisebullotonum. 21Ter tod wekki buskikanin. Tenn erigon Yesuw an undurkanu. Mine ter teran tenna gebilagi tinna zenbichirton boskanil.“ 22In malegon ta nogsum arti nebina agilged wekosingi timer an: 23„Ahan burfeta mewan tod wekki buskikanin. Wide Emanueln erigon bitirkandan.“ Ingon arti argodonm ane teran.
24Yusif nalurton bichosingad, artina malaika tekki wetirsin nawre awsum. Tenna hatibki tennai jamegirsum. 25Ama tekki engirkomnum, tenna tod kagagi uski shugudinbokon. Wide tenn erigon Yesuw an undursum.
Jelenleg kiválasztva:
Matana Enjil 1: XNZ1912
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Published by the British and Foreign Bible Society in 1912.