Shiyanso Imola yina yilongola

Imola yina yilongola

Ilitaafili ili ilya Shiyanso lyapelwagwa ilitaawa ili kwa kiiva litaviilila uNguluvi shina wáwumbaga inyi ni fiinu fyona, mandu umuunu, yuna wámuviikhaga kifiyangalila ifiinu fyona. Ilitaafili ili litaviilila uwunansi, amalava ni mfwa shina fyayansaaga. Khanji ilitaafili ili liwonensa uwupaayo wa filogolo ni fimyanja shina fyayansaaga na shina uNguluvi wámubagulaga uAbulahamu ni shisafi shaakwe isha Vayahuudi, vave vaanu vaakwe na kishilila aveene, awonense ishiyooli ni ngufu saakwe ku vaanu avanji.

Umulyango gwa 12-50 litaviilila ulwa Abulahamu nu muswamu waakwe uIsaaka na vanaakwe, mandu uYaakobo, na vaswamuve va Yaakobo ishumi na vavili, mandu uYusufu. Yiwonensa uNguluvi shina akhandi ikivayangalila avabaagule vaakwe, hata vave vakhandi vasheefu vapiliimwe na vaanu vina vakhandi vikigafuunya amanguluvi. Khanji yiwonensa uNguluvi shina akhandi agulumiile avaanu vaakwe, vamugotaje na kimutupikha.

Ilitaafili ili, lili lumo na mataafili aganji gina gitambulwa Kihuma, Njowo sa Valaawi, Luvaso nu Luuju lwa Ndaji. Amataafili aga, aVayahuudi vikigatambula ‘Ndaji sa Musa.’ Ilitaafili lya mukuwamalago uMusa yikwiliile kiija lyayandikhwagwa mu maakha ga magana ishumi na magana gasaanu (1500) ndeeni, pina asinaasawe uYeesu Kilisito.

Umulyango	Gina gakwali mu litaafili ili
1:1–2:3	Kiwumbwa kwa nyi nu wulanga
2:4–4:26	Ishiyanso sha wunansi
5:1-32	Ishisafi sha Adamu
6:1–9:29	Imola ya Nuhu
10:1-32	Ishisafi sha vaana va Nuhu
11:1-9	Umunaala umutali ugwa ku Babeeli
11:10-26	Ishisafi sha Sheemu
11:27–25:11	Imola ya Abulahamu
25:12-18	Ishisafi sha Ishimayeli
25:19–26:35	Imola ya Isaaka
27:1–35:29	Imola ya Yaakobo
36:1-43	Ishisafi sha Esawu
37:1–50:26	Imola ya Yusufu

Jelenleg kiválasztva:

Shiyanso Imola yina yilongola: Shisangu

Kiemelés

Megosztás

Másolás

Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be

Tudj meg többet a következőről: IShiyanso nu Lufingo uLupya

Shiyanso Imola yina yilongola

Népszerű bibliai igeversek innen:
Shiyanso Imola yina yilongola

Biblia:

Sangu

Fordítás: IShiyanso nu Lufingo uLupya - Shisangu