Thangambere 2
2
1Man polo ku ng’om gidaru timbri, kud udul pinje ceke. 2#Ai 20:11#Ebr 4:4, 10Man i ceng’ mir abirone Mungu daru tic pare m’etimo; man eyom i ceng’ mir abirone ni tic pare ceke m’etimo. 3Man Mungu mio mugisa wi ceng’ mir abirone, man edwoke leng’; kum eyom i ie ni tic pare ceke ma Mungu cwio man etimo.
4Maeni thek piny m’i polo man m’i ng’om kinde ma jucwiogi, i ceng’ ma Yehova Mungu cwio ie ng’om ku polo. 5Man yen moko mbe m’i thim ma fodubedo nuti wi ng’om, man uboko moko mbe m’i thim ma fodutwi; kum Yehova Mungu fodukonjo koth ungo wi ng’om: man ng’atu moko mbe ma timo tic i ng’om; 6ento thoi idho malu kud i ng’om, man ekonjo pi wi wang’ ng’om ceke. 7#1 Kor 15:45Man Yehova Mungu cwio ng’atu ma nico kud utur m’i ng’om, man eyuyo lietho mi kwo i ume; e ng’atu ma nicone doko ni ng’eyong’ec ma kwo.
Podho Aden
8Man Yehova Mungu thego podho yo nyangu, i Aden; man eketho ng’atu ma nicone m’ecwio keca. 9#Nyu 2:7; 22:2, 14Man Yehova Mungu ketho yen ceke kubang’e kubang’e utwi kud i ng’om ma nyayu mutoro i wang’, ma ber de ni cemo; ku yen mi kwo bende i die podho, man yen mi ng’eyong’ec mi gin ma ber ku gin ma rac. 10Man kulo ai i Aden kara umi pi ni podhone; man ku keca epokre, man edoko ni wipi ang’wen. 11Nying’ ma kwong’ane Picon: en e maeni m’utieko ng’om dho mi Havila gbur, ka ma mola ma kwar ni i ie; 12man mola ma kwar m’i ng’om maeca e ber: man kidi ma kwar ni keca ku kidi ma ju kite. 13Man nying’ kulo mir arionde en e Gihon: en e maeno m’utieko ng’om dho mi Kuc gbur. 14Man nying’ kulo mir adege en e Hidekel: en e maeno m’ukadhu yor i wang’ Ascur. Man kulo mir ang’wende en e Frati. 15Man Yehova Mungu gamu ng’atuca, man ekethe i podho mir Aden kara etim tic i ie ekure de. 16Man Yehova Mungu ng’olo ni ng’atuca, ewacu kumae, Ku ba yen ceke m’i podho icopo camu kume moko calu iyenyo: 17ento yen mi ng’eyong’ec mi gin ma ber ku gin ma rac, kud icam nyinge moko: kum i ceng’ m’ibicamu nyinge moko ci e ibitho andha.
18Man Yehova Mungu wacu kumae, E ber ungo nia dhanu bed kende; abitimo ire jakony. 19Man Yehova Mungu cwio yedi ceke m’i thim kubang’e kubang’e ku ng’om, man winyo ma kor polo kubang’e kubang’e; man ekelogi ba ng’atuca kara enen maram ebilwong’o kogi: e nying’ ma tek ng’atuca lwong’o ko gin ceke ma kwo kubang’e kubang’e, e ebedo nyinge. 20Man ng’atuca mio nying’ ni lim ceke, man ni winyo ma kor polo, man ni yedi m’i thim ceke kubang’e kubang’e; ento ni Adamu junwang’u jakony ungo ire. 21E Yehova Mungu ketho nindo ma pek unuro ng’atuca, e enindo; man ewodho wel ng’ete acel, man eculo ring’o kakare: 22man wel ng’ete, ma Yehova Mungu wodho kud i ng’atuca, etime ni dhaku, man ekele ba ng’atuca. 23E ng’atuca wacu kumae, Maeni cogo mi cogona, man ring’o mi ring’kuma: jubilwong’e Dhaku, kum juwodhe ku ba Nico. 24#Mt 19:5; Mk 10:7, 8; 1 Kor 6:16; Ef 5:31Ka kumeno nico biweko won ku min, man ebimoko kum cege: man gibidoko kum acel. 25E gin ario gibedo muneru, ng’atu ma nico ku dhaku pare, man lewic unegogi ngo.
Jelenleg kiválasztva:
Thangambere 2: AB1970
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
The Holy Bible In Alur (Lur), Revised Orthography © United Bible Societies, 1970.