Mataji 3
3
1-12: Mal. 1, 1-8; Luk. 3, 1-18.
1Pafigono fifyo neke avonekage Johana umuńa-kudzabika neke adalikilage muluṅalaṅala lwa mu-Judaja, Luk. 1, 13.
2atigilage: mupitukage, ndivwene uvutwa vwa kukyâńa vuhegelye. 4, 17.
3Neke uju je mwene, je amulongaga Jisaja umuvidzi, pe atigilaga: „ilidzwi lya muńa-kudalika lili muluṅalaṅala litigila: munodzage amabalabala ga mutwa mukondzage namakasi gakwe agatotile.“ Joh. 1, 23.
4Neke umwene afwalile umwîngila gwa lwâge lwa ngamila, ipińaga umukandalo gwa lukova pakivuno. Ifya kuponela aponelaga amapandzi neke nulûki lwa kudâsi.
5Neke baho vakamukilage ukwakwe neke valiu-mage vonda ava mu-Jelusaleme nava mu-Judaja ińi jonda nava mumibaka gyonda igya ńi ja mu-Jolodana.
6Neke vanakage indzanangifu dzanavo. Neke umwene avadzabikage mululenga Jolodana.
7Neke avonage hava a va-Fwalisaja nava-Sadukaja vikwadza ukwakwe mukudzabikwa. Neke avalongelage neke atigilage: ńe lukolo lwa ndzok’ańe, nani avalongye ukuta mulanana muṅaladzi idzikwadza? 23, 33.
8Muvelekage ulupeke ulwinoganila nukupituka.
9Mutane ukwilonga muli vene ulwa kuta: unefwe tuli nudadisu Abalahama; pakuva ndikuvavula unene nditigila: Nguluvi asilemwa ukumuhambuhidza Abalahama amaganga aga vavedzage ve vanu. Lom. 2, 28. 23; 4, 12; Joh. 8, 33. 39.
10Na ji vēga jivikilwe pańi pamidela. Gonda amabiki, agasiveleka utupeke utunofu, gye giladumulwa gilasopwa kumōto. Luk. 13, 7-9.
11Unene ndikuvadzabi-kila lu lulenga ulwikwingidza mukupituka. Kwali umwene, je ikwadza kumbele ukwangu, je alutye ningufu ukwangu, je sindimuvagye unene ukuta ndimuńamulilage indatu dzakwe. Jemwene, je alavadzabikilaga mu-Mubepo umwîmike na mumôto. Joh. 1, 26. 27. 33; Apos. 1, 5.
12Je mwene, je alukolelye nulupetelo mumavoko gakwe, alafyagila paluvŭga lwakwe neke uvuledzi vwakwe alasopa mukisandzi kyakwe neke umwelelo alasopa kumôto ugusidzima. 13, 30.
13-17: Mal. 1, 9-11; Luk. 3, 21. 22; Joh. 1, 31 34.
13Neke baho Jesu ahumage mu-Galilaja ahelelage ku-Jolodana mukudzabikwa.
14Neke umwene Johana atigilage ndikane neke atigilage: Ndikanogye ndi-dzabikwage ukwako unene neke uveve vwikwadza ukwangu?
15Neke Jesu ahindulage atigilage: vwidikage ulu, ndivwene lwe luvagye ulwa ndeni ukuta twapulidzage dzonda idza vugolofu. Neke baho idikage amudzabikage.
16Neke baho, pe adzabikwe Jesu, neke angupage adzabukage mululenga. Neke baho valolage nakalingi kukyâńa kwidinduka, neke avonage u-Mubepo va Nguluvi akumwikila ngita ngundya.
17Neke avonage na li lidzwi lihuma kukyâńa litigila: uju je mwâna vangu umwênde, je ndimukēlye. 17, 5.
Jelenleg kiválasztva:
Mataji 3: II
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
New Testament in Bena © Bible Society of Tanzania, 1958.