Dibandu 5
5
Bategula: ubandila na Adam te na Noe
1Adidi la dibuku dibategula baAdam. Ava Nsambi amasundila Adam amamusunda mu yikebutsu yiandi. 2Amasunda dibaala na mugetu, amabagabila miula na amabaluga batu muna yilumbu ayi bamasundulu.
3Adam anodugusu kama na magumarieru mabilima akabura muana dibaala mu yibagunu yiandi diwendi rie: yikebutsu yiandi; amamuluga Seth. 4Adam anobura Seth amabuela yinana yikama tsibilima na amamueburanga baana bababaala na babagetu. 5Yitsingu yiotsu yiAdam yimaba yifti yikama na magumarieru mabilima; mbana amafu.
6Ava Seth amabila kama na bilima biranu akabura Enos. 7Seth anobura Enos amabuela yinana yikama na yisambuali yibilima na amaburanga baana bababaala na babagetu. 8Yitsingu yiotsu yiSeth yimaba yifu yikama na yigumi na bilima bibeji; mbana amafu.
9Ava Enos amabila magumidufu mabilima akabura Quenan. 10Enos anobura Quenan amabuela yinana yikama na digumi na bilima biranu na amaburanga baana bababaala na babagetu. 11Yitsingu yiotsu yiEnos yimaba yifu yikamana bilima biranu; mbana amafu.
12Ava Quenan amabila magumidusambuali mabilima akabura Melaleel. 13Quenan anobura Melaleel amabuela yinana yikama na magumana mabilima na amaburanga baana bababaala na babagetu. 14Yitsingu yiotsu yiQuenan yimaba yifti yikama na yigumi yibilima; mbana amafu.
15Ava Melaleel amabila magumasiamunu na bilima biranu akabura Yered. 16Melaleel anobura Yered amabuela yinana yikamana magumarieru mabilima na amaburanga baana bababaala na babagetu. 17Yitsingu yiotsu yiMelaleel yimaba yinana yikama na magumidufu na bilima biranu; mbana amafu.
18Ava Y ered amabila kama na magumasiamunu na bilima bibeji akabura Henok. 19Yered anobura Henok amabuela yinana yikama tsibilima na amaburanga baana bababaala na babagetu. 20Yitsingu yiotsu yiYered yimaba yifu yikama na magumasiamunu na bilima bibeji; mbana amafu.
21Ava Henok amabila magumasiamunu na bilima biranu akabura Matusalem. 22Henok anobura Matusalem amalinganga na Nsambi kama yirieru tsibilima na amaburanga baana bababaala na babagetu. 23Yitsingu yiotsu yiHenok yimaba kama yirieru na magumasiamunu na bilima biranu. 24Henok amaba na murima umosi na Nsambi; mbana amatsiemuga mu mbari Nsambi amamubonga.
25Ava Matusalem amabila kama na magumidunana na yisambuali yibilima akabura Lemek. 26Matusalem anobura Lemek amabuela yisambuali yikama na magumidunana na bilima bibeji na amaburanga baana bababaala na babagetu. 27Yitsingu yiotsu yiMatusalem yimaba yifu yikama na magumasiamunu na yifu yibilima; mbana amafu.
28Ava Lemek amabila kama na magumidunana na bilima bibeji akabura muana mosi udibaala. 29Amamuluga Noe mu mbari amavosa rie: jandi gugu otubembiga mu diambu dimaguga metu na bisalu bietu biranga abiruyili mu butamba buebubu abu Fumu amaloga. 30Lemek anobura Noe amabuela kama yiranu na magumidufu na bilima biranu na amaburanga baana bababaala na babagetu. 31Yitsingu yiotsu yiLemek yimaba yisambuali yikama na magumidusambuali na yisambuali yibilima; mbana amafu.
32Ava Noe amabila kama yiranu tsibilima akabura Sem na Cham na Japhet.
Jelenleg kiválasztva:
Dibandu 5: PUU1992
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
La sainte Bible en langue Yipunu © Alliance Biblique du Cameroun, 1992.