मत्ती ईं सुब समाचार गै बारै में
ईं सुब समाचार गै बारै में
ईं किताब गो नाम मत्ती लिखण आळै आदमी गै नाम पर रखेड़ो है। ईं किताब में यीसू मसी गै जन्म ऊं लेगे बिंगै वंस गै बारै में पूरी जाणकारी है।
मत्ती एक रोमी राज गो चुंगी लेण आळो आदमी हो। बिंगै पिता गो नाम हलफाई हो। जद यीसू मसी मत्ती नै आपगै चेलै गै रूप में बुलायो जद बण आ किताब लिखी।
आ किताब ईस्वी सन् 58 ऊं लेगे 68 में सीरिया गै अंताकिया में लिखी।
मत्ती गी लिखेड़ी ईं किताब में यीसू मसी नै राजा गै रूप में दिखायो है। सुरग राज गी मिसाल 32 बारी लिखेड़ी है। मत्ती गो लिखेड़ो सुब समाचार में ओ संदेस मिलै है कै यीसू मसी नै छोडगे ओर कोई मुकती देण आळो कोनी। परमेसर पुराणै नेम में हजारूं साल पेलां आपगै लोगां सागै एक वायदो करयो। बिं वायदै नै मुकती देण आळै यीसू मसी गै रूप में पूरो करयो। ओ संदेस एकलै यहुदी लोगां खातर कोनी पण सारै संसार खातर है।
ईं किताब गै सरू में यीसू मसी गै जन्म गै बारै में जाणकारी है। अर यीसू मसी गै बतिस्मै गै बारै में अर बिंगी परीक्सा गै बारै में बी लिखेड़ो है। अर बिंगै गलील परदेस गै परचार अर बिंगी सिक्सा अर चंगाई अर बिंगी सेवा गै बारै में बी लिखेड़ो है।
रूप रेखा
यीसू मसी गो वंस अर जन्म 1:1–2:23
यूहना बतिस्मो देण आळै गी सेवकाइ 3:1-12
यीसू मसी गो बतिस्मो अर परीक्सा 3:13–4:11
गलील गै लोगां में यीसू मसी गी सेवकाइ 4:12–18:25
गलील ऊं यरुसलेम तांई सफर 19:1–20:34
यरुसलेम में आखरी हफ्तो 21:1–27:66
यीसू मसी गो जी उठणो अर लोगां नै दिखणो 28:1-20
Jelenleg kiválasztva:
मत्ती ईं सुब समाचार गै बारै में: BGQ
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© 2023 (Active), Wycliffe Bible Translators, Inc. All rights reserved. © WIn Publishing Trust