Աստվածաշնչի հայտնի հատվածներ T. LŪKÖS 21-ից

Կիսվել

Örheūheu pöri yī-ö aṅhati; ve-ekūötēv inrē; hòṅ yīö min kò ötkô-òngvah tö yanihih u; ngaich söklöre i kūö ngam Kūön Tarik.

Haṙēmngenre pöri yī-ö, hòṅ nup ellōn yīö nö öt lumngantu tö sinṙākngen hinyōyö, ane inrē finëken ngih nômö; ngaich ilööṙen yanihih angū-ö sakāmö nö in yīö, nö sā inchīlö.

Teūngen yin min tö nômöre, ip manöiyö yīö.

Tön kētö elvāng yīö Chin min, ane inrē mikah, nup öt kanô-òṅ yip lā-al yīö min öt huneū-euṅ ṙô cha nö sapṙô.

Chuh an min ngam halīöngö, ngam tumlat inrē; Öt chanuhuvṙen pöri në ṙô Chu.

Minkahnguvö min nö im tavūöi, im chingëṅt, ane inrē i minë taneūsömat. Kanihngen tarik inrē ing panam; ngaich cha-a nöng öt huneū-euvṙen min tö kūö ṙô ngam mai, mahūṅvö inrē. Kūö pinheṅ-eṅkūöre min tarik nö aheuk; ane inrē kūö mineūkkö nup yamih nö ing panam, pò minë kanôlò ngam halīöngö min nö kayīna. Ngaich möl cha-a min nö meuk yanihih ngòh Kūön Tarik, nö löktö el taṙul, nö holtö chöngöre ane inrē kanôlòre.

Surīkhu min yī-ö tö taṙòkhöre tarik, töpòkūö Mine-eny Chu.

Yöng kumyeūnö nup min; ṙōlkangen chūök inrē nup inyāichö, ane inrē invah tölëlngökūö, ane inrē ṙā-ang el halīöngö nup pinheṅ-eṅkūö ane inrē yöng minkahngö.

Yē yīö min hang kinyūngö, ane inrē kanihngen; ui röiyö alaha; tön mu-urĕh tö yanihih nun anū-ö. Öt ilööṙen pöri öp manāngen. Ngaich ngö ṙô Anga-aṅ tö cha, Kiyūngö höö yin min vē tarik, në pūlngö inrē.

Minkahnguvö min nö im tavūöi, im chingëṅt, ane inrē i minë taneūsömat. Kanihngen tarik inrē ing panam; ngaich cha-a nöng öt huneū-euvṙen min tö kūö ṙô ngam mai, mahūṅvö inrē. Kūö pinheṅ-eṅkūöre min tarik nö aheuk; ane inrē kūö mineūkkö nup yamih nö ing panam, pò minë kanôlò ngam halīöngö min nö kayīna.

Ngaich ngö ṙô Anga-aṅ tö cha, Kiyūngö höö yin min vē tarik, në pūlngö inrē.

Ngaich ngö ṙô Anga-aṅ, Haṙēmngenre yin, hòṅ yīö öt halō-oikūö; tön maṙôngö yip min yamih nö i Mine-eny Chu, nö ngö ṙô, Anga-aṅ chin chū-ö; hēk ngö, Röhta öp hē. Ui tömrit cha.