Աստվածաշնչի հայտնի հատվածներ Yoni 15-ից

Կիսվել

‘Tau mayau babana, ma taumi lagalagau po uyahiugei ona wilagalaga dewadewami po onꞌugo imahi. Ma inapa tau ega uyahimi, ega emoemotami po awai gehouna ona dewaya.

po mei mayau lagalagana uyahiu onꞌompasi po ona memae, ma tau uyahimi a memae. Inapa ega uyahiu ona memae yaka apega ugomi hina dewadewa, galenami mei mayau lagalagana ega u babana ina memae po ega ugona.

Uyahiu ona memae, ma u baha uyahimi ina memae, awai nugonugomi yaka ona lupali uyahiu po apo a welemi

Taumi ega ota winaganiu. Ma tau a winaganimi, yaka a himilimi ipa ugomi dewadewahi hina geleta, po ugomihi, ugo memewahagahi. Ma apo awai gowaugei ona lupaliyeya, yaka apo Amau ina welemi.

Apo iyai a lawa ubeihi ina hilage, yaka naka luhogala banei dumana.

Apo lagalaga gehouhi ega hinꞌugugo, yaka Amau apo ina boliboli halehi. Ma lagalaga gehouhi hinꞌugugo, yaka apo ina woimahiyehi po hinꞌugo labatana.

Geka u lugagayo, ipa emosi po emosi ona lauhogalena memi, mei tau a lauhogalemi.

po uyahinei ugougomi hina maga po lawa hina hanapugeya taumi tu wotagou, ma Amau a wasawasa hina galeya.

Yesu i bahena meya i pa, ‘Tau wine mayouna dewadewana, ma Amau tauna tu lupehi.

Apo iyai ega uyahiu ina memae yaka Amau apo ina boli haleya, po ina kokodila, mei lagalaga boliboli halenahi apo hina lugogonihi po mayau ebebalana uyahina hina halehi po hina alahihi.

Dewa geka a palipaliwelemi ipa u kaoha nugonugomi ina wihogoya po ona kaoha labatana.

Inapa u lugagayo ona wotago imahiyeya, yaka luhogalau uyahina ona memae. Mei tau Amau a lugagayo a wotagoya, po tau a luhogala uyahina a memae.

U lugagayo a paliwelemi ipa ona lauhogalena memi.’

Itapa taumi hipuli lawahi, apo lawa hita luhogalemi, babana omi lawa. Ma taumi ega tu mehipuli hai bolu uyahina ota memae babana a inaganimi ipa hai bolu ona nehaleya. Naka binei apo tu mehipuli hina wihinigigiyemi.