Աստվածաշնչի հայտնի հատվածներ Яхья 19-ից

Կիսվել

Иса шагырды ялап карады: «Тамам болды!» – деди, басын ийди, ян берди.

Сонъ Иса, аьр не зат энди тамам болганын билип, Кие Язув толар уьшин: «Сувсадым», – деди.

Иса, анасын эм сонда турган суьйикли соктасын коьрип, анасына: «Мине бу улынъ!» А соктасына: «Мине бу ананъ!» – деди. Сол заманнан алып сокта Исадынъ анасын оьз уьйине алды.

Исадынъ янына келгенде, Онынъ оьлгенин коьрип, сыйракларын сындырмадылар. Ама аскершилердинъ биреви суьнъги мен Онынъ янбасына сукты эм тезден оннан кан ман сув акты.

Бу баьри зат, «Онынъ эш бир суьеги сынмас» деген Кие Язув толар уьшин болды. Кие Язувлардынъ баска бир еринде «Олар суьнъги сугылганга караяклар» деп те язылган.

Оьзининъ кашын коьтерип, Иса шахардан шыгып, еврейше Голгота – Бас суьек – атлы ерге келди.

Аскершилер шоькирли коьгем бутакларыннан таж оьрип, Исадынъ басына салдылар, Ога карагошкыл-кызыл аба кийдирдилер.