Աստվածաշնչի հայտնի հատվածներ Mark 6-ից

Կիսվել

And he said to them, “Come ye by yersels apairt intil a desert‐bit, and rest yersels for a wee.” For thar war mony comin and gaun, that they coudna get their breid eaten.

But Jesus said to them, “A prophet is no wantin his honors gin it be‐na in his ain place, and amang his ain freends, and in his ain hoose.”

And he cam oot, and saw an unco thrang: and he had pitie on them, for they war as sheep wantin a Shepherd: and he begude to teach them mony things.

And he coudna finʼ to do ony wark oʼ pooer thar, mair than to lay his hauns on a wheen sick folk, and to heal them. And he was uncolie putten‐aboot wiʼ their unbelievin. And he gaed aʼ roond in the wee touns, teachin.

And he took the fyve bannocks and the twa speldrins, and lookit up till Heeven, and blessʼt, and brak the bannocks, and gaed on giean to the disciples to serʼ them: and the speldrins portioned he oot to them aʼ. And they aʼ did eat, and war satisfyʼt. And they gatherʼt what was ower oʼ the bannocks, and oʼ the fish, twal baskets fuʼ.