Աստվածաշնչի հայտնի հատվածներ Yohanese 15-ից

Կիսվել

“Ngohi naa hoka o angguru o roehe moi de ngini nidadioka hoka o angguru gea ma jaga-jaga ho nako nigogere Ngohioka de Ngohi naga nginioka, gea nia wowango de ma hofoko kohangoe. Ma nako ko nigogerua Ngohioka gea ko kia-kiauahi nidiai abe Ma Jou wato itiai angamoi Ngohi ko idadiua tiniduhunu.

Ho ngini ka ihikaika nigogere Ngohioka, la gea Ngohioo naga nginioka. Angamoi imaketero hoka o gota ma jaga ko idadiua ihofoko nako ma wowango ko amakeua ma ayo ma roehino, hokogenangoo ti ngini nia wowango ko iwa ma hasili nako ko nigogerua Ngohioka.”

“Ma nako ka ihikaika nia gogere Ngohioka gea niogoana, de ahi demo-demo ka ihikaika imanoa nginioka, de ahao ngaro o kia dika nimagahoko o Babaiye gea ahao wodiai.

De ko ma titiua ngini nihiiriki Ngohi masara Ngohi tiniiriki ngini de tinihikarajaanga de o karajaanga moi abe ma hasili duru itongohono. Ho nikokiloiki la nikokihofoko nia wowangoka la o karajaanga gea abe tinihidoakoka nginika duru de ma hasiloka. De nako gea dika nia wowango ma dumutu de ahao o Baba wodiai o kia dika nimagahoko de niapake ahi romanga.

De abeika, nako naga womatengo wato, ‘Ngohi ahi dora itagi ahi dodiawoika ho ngaro hiadono tomahidoaka la ka idadi taduhunu, ma ka taduhunu.’ Naa una abe ai hininga hokogea to una ai dora duru o dora ma gou-goungu de ko iwa o dora utu abe ka idadi yahikala enangika.

De o angguru ma jaga mata-mata abe naga Ngohioka wogoana de nako hiadono naga o jaga moi abe ko iwa ma hasili gea kiani watobiki. De hokogea ma jaga mata-mata abe ko ihofokua wakokitobiki. Masara o angguru ma jaga mata-mata abe ihofoko gea wakabiiri de woodebini la idogo iwoe ma hofoko.

De o Yesusu ka wahingahuohi ona iwitobaniikika wato, “De naa duru ahi behehongo nginika, kiani nimakodora imaketero hoka Ngohi tinidora.

Hokogea nia wowangoino o nyawa yamake ahi Baba ai medebini ma dararono hiadono onangoo Ma Jou iwigorakiye. Ho Ngohi tohiketero hokonaa tato nia wowangoka naga de ma hofoko kohangoe de gea nimahitaana abe nihinii-niiki Ngohi igou-goungu mangale niogoana nia gogere Ngohioka.”

O Yesusu wahitararono ona iwitobaniikika de o hiketero ma titi ngone hingaku-ngakuoka. De hokonaa wohiketero de wapake o angguru abe o datomino. Una wato, “Ngohi naa o angguru ma roehe ma dutu de ahi Baba Una hoka womatengo ai angguru wapaliara abe wogoana de wokarajaanga.

Ho o nyawa abe ko yogoanua manga gogere Ngohioka, ona ka idadi tahiketero de o gota ma jaga abe ko iwa ma hasili ho o nyawa manga biaha ato ma gota gea aumo dika. Yaumoika hiadono imaai de ahao atoomuino de aumo o ukuika ho youkuoka ma jaga-jaga gea ma titi ko iwa ma hasili.”

Mata-mata naa tinihitararono nginika la o garago abe naga Ngohioka gea homoi-homoiika ingodumoka nginiokaoo.”

De gea kiani nihihingounu. Ngohi tohingounu ahi Baba ai behehongo mata-mata ho ka ihikaika tomanoa ai doraka. De imaketero hokogea nginioo ka ihikaika nimanoa ahi doraka iti ahi behehongo nihingounu.

Hokogea Ma Jou o Baba ai mau hiadono naa ahi behehongo nginika, tato kiani nimakodora.”

Nako hoka ngini nimaketehiningamoi de o dunia ma nyawa, gea ahao ona inisanangi nginika angamoi nginioo nianiiki o duniaka ma biaha. Masara Ngohi naa tiniirikoka de tinihitingakoka o dunia ma biahaino, de gea ma titi hiadono naga inidohata nginika.