Աստվածաշնչի հայտնի հատվածներ लूको 8-ից

Կիսվել

अंऊ बैएजा रुठे ज़मीनारिंङ दचाते, दुह महसे फलेक्ति। दिऊ मतलब दिह शुह कि रेह मीहच़ी परमेश्वरो बचन रुठे रंङ साते रेड्रा दोऊ टोहकठे जोज़ी दंङ विशवासारिंङ बड़ेक्पातोर।

अंऊ बैएजा छ्वाक्तु विचंङ तोहई दुह हुंज़ी ए माह, दिऊ मतलब दिह शुह कि रेह मीहच़ी परमेश्वरो बचन ता रेड्री, पर संसारो चिंदारिंङ, टंगा-ढबाहऊ छलावा, दंङ ऊई चीज़ा तु लालच दोतु अंद्रेग अच़ा अपि दंङ परमेश्वरो विशवासरिंङ माह बड़ेक्पी।

ध्वांए अंऊ बैएजा रघ्चटे ठाहरीरिंङ दह्च़ी तोहई, दोऊ मतलब झांह ठ्रोह तोह कि रेह मीहच़ी परमेश्वरो बचन रेड्री दंङ खुशी रंङ साते मनेक्चि ला। छना कुंई ता दोच़ी परमेश्वरो बचन एनोह सेहमो अंद्रेग महसे टेम तचेक बसाके माह तहच़ि। दंङ दुख या सताव अति ता दुहरे दुए मुका विशवासो दोरच़ी थलका यह्च़ा य्वातोर।

दंङ यीशुज़ि दोतंङ साते कुतोह, “केहतु विशवास अंऊर तोहई?” पर दोरे बेवा इलिर दंङ हेरान शुहचे एनातु बिचंङ कुट्री लेहतिर, “दी अरी शुह अच़ि भमबुट ए छ्वली बि ला हुकुम रंड्रा, दंङ दोरे दोऊ मनेक्च़ातोर?”

अमो मुखारिंङ दोरे शुहरे कि रेह मीहच़ी परमेश्वरो बचन ता रेड्री, पर एनोह सेमारिङ माह तहच़ि। दोहर अपेहल ला फलेक्पि माह। छना प्याज़ि बैएजा पेहषे चरच़ि दंङ ध्वांए शेताने दोहपले अंज़े दोतु अंद्रेगज़ि बचन लेन्ज़ा शिल्ज़ी। कि झांह शुबी मेस, दोरे प्रभु टोहकठे बिशवास लेह उद्धार खोक्पोर।

गिऊ कुट्रिमी मतलब दिह तोह कि परमेश्वर दुह भत्ते गप्पातिंङ प्रगट लोहतो। अंऊ हेंतेग तचेक ब्याके तोहई। दंङ अंऊ ला गुप्त तोह दुह ला प्रगट शोतो।

अपेहल मेच़मी खंणी कि दुह प्याके मरपतो, दंङ बेवाते ए डगेकी अति दंङ दोऊ कोन्ज़ंङ दच्छे भत्ते मीहतु तुईज़ी कुचे च़रति कि छी बजेह दोई दोबि पछ रेंई, दंङ छना ठीक शुहचे इलि। यीशुज़ि दोहरंङ साते कुतोह, “मियो, केई गिऊ टोहकठे विशवास लहज़ातन दिऊ थल्जी कांह अईन शुहचे इलोन। शांतिरंङ साते इला।”

दंङ चेलाज़ि कछंङ इलजे दुह चेह्फी लहरीर, दंङ कुतोह, “हे गुरु। हेनर सीमी तोतोन।” दंङ दोहपल ए यीशु खड़े शुहचे भमबुट ए छ्वालि बि हुकुम रेह दंङ भत्ते चहसा ए शांत शुहचे इलि।