Աստվածաշնչի հայտնի հատվածներ Luke 19-ից

Կիսվել

Khlaungcaw khoeq a'kloqsaw haqla sui loeqteq a'klawn haqlai tawiq ya a'lo khoeq a'phlaet taeng a'hau.

Yaqhniq loeq, Boipaw mingca woeng a'lo khoeq Hnyangphalang oeqcaq bacaek. Mehona khaw yaedam bacaeq. Boipaw phumthaung khaw wangba caek taeng án mpoq.

Boiyesuq loeqkhaw Zaekae ya nei khlaung hma Abarahan hma khoeq a'yumi mlung bong a'moeiq klongoeng to ta'koeiq mcaq loeqteq nei ima a'moeiq khoeq awlum a Boipaw loeq a'klawn haq hni.

Boiyesuq khaw yaq dun a'phaw loeq touqi loeqteq Zaekae, a'yang kome, tohnuupa nang ima ka'kawiyai taeng a'hau. Zaekae khaw thinga khoeq a'yang kom loeqteq Boiyesuqa mlungko oeqcaq oeng a'doudau.

Yaqkiyoeng Zaekae khaw mdum loeqteq Boiyesuqa, Boi yoe, keiloeq ka'poengi khoeq won thaung boengak khoeq khlaung sounglai haqla ka'phaiq haqlai. Khlaung haq hma khoeq hmonaq ta'ong thaengthaeng ka'hiqi haqkhoeq a'khon tawiq ya poeqhli ka'paek haq balai taeng a'hau.

Khlung lui tau wa khoeq boengak Phariqsae haqloeq Boiyesuqa, Sa'la woe, nang ta'paiq haqloeq nei kha án hau khoeq mdip haqle taeng án hau. Yaqateq Boi loeq yaqhniqa, nanghniqa keiloeq ka'mhau haqlai. Nei khlaung haq thinthin án om nak loeq lung haq tho uk loeqteq a'hmlokthaq haqlai taeng a'hau haq.